Amanesoma Jɔn Aa Chwera Tɔn 12:37 - mzwDBL

³⁷ O ɛ nyokpowaa kohona ba siwi ta, kɛ ane abwa, ba ta on yaradae.

Amanesoma Jɔn Aa Chwera Tɔn 12:37 Referans Kwoze

Amanesoma Luk Aa Chwera Tɔn 16:31

Anee Abraham ŋɔ, ‘Dɛ baa tɔne Mosis ne Korowii keamere la aa chwera la waa no aa, nomɛl iro le seo ta dɛ la ba be kwara noo, baa no.’ ”

Amanesoma Jɔn Aa Chwera Tɔn 15:24

Dɛ n fe ta waa nɛwɛnyini bɛlbwa aa wola ɛɛ ka ɛ ba siwi ta te naa, ba fe aa bolchɔɡee di. Kɛ ba na n nyokpowe-ɛɛla bwa, dɛ ɡarɛ hah n ne n Mɛɛ bwa.

Amanesoma Jɔn Aa Chwera Tɔn 1:11

O ba o ɡbaɡba harɛ ta, asɛ o ɡbaɡba nɛra vɛoh.

Amanesoma Jɔn Aa Chwera Tɔn 11:42

N te jemɔ kɛ tɔpere bwaa hɛɛ no n wa. Nɛra baa ja n nɛɛ bonɔ nɔ waa mɛɛ bol ɡɛ, ásɛ ba won jemɛ kɛŋɔ henee tom mɛ la.”

Matiu 11:20

Bwɛɛre Yeesu aa ɛ nyokpowaa a ta warɛ la, a nɛra ta ba wechɔɡa ta leɛ. Anomanta, o ŋɔ,

Amanesoma Jɔn Aa Chwera Tɔn 2:11

Yeesu nyokpowaa waa tɔ sie ɛa laanee la. Keena waa lɔ Galilia harɛ ta laanee o ɛa, dɛ chaɡle o nɛnsoo ne kpeɡri waa dɔa, asɛ o habɔteŋra la na dɛ yaradao.

Amanesoma Jɔn Aa Chwera Tɔn 6:2

Belaa nɛnlaa tenten teŋɛ o nɛ, dɛkalkɛ ba nao kɛ waa ɛ nyokpowaa weela tena chaeh ta ka.

Amanesoma Jɔn Aa Chwera Tɔn 12:36

Bɔr taa dɛ chaah he nɛɛ nɔ, hé yarada bochaah la dɛ berɛ bochaah nɛra.” Yeesu aa bol ɡɛ waa nɔ tonɛ la, o le ba baah asɛ dɛ ka sɔh.

Amanesoma Jɔn Aa Chwera Tɔn 12:38

Anɔ dɛ baɡle kɛ Korowii keame Aesaya waa waa bola la ɛ kpela. O bolɔ ŋɔ, “N Dɔɔ, umee dɛ́ fe yarada waa yaa dɛ bol nɔɔ? Umee dɛ́ fe jemɛ kɛŋɔ Korowiirii ɛaɔ?”