Amanesoma Jɔn Aa Chwera Tɔn 11:25 - mzwDBL

²⁵ Asɛ Yeesu ŋɔ o be ŋɔ, “Menee dɛɛ chum nɛra seo ta, menee dɛɛ tɛɛ ba mkpa. Nomɛlbwa waa yarada mɛ la, dɛ o sewɔ kwaraa naa, wɛɛ dɔ mkpaa.

Amanesoma Jɔn Aa Chwera Tɔn 11:25 Referans Kwoze

1 Tesalonika 4:14

Ya yaradao kɛ Yeesu sewɔ dɛ ir. Gɛ tentenee yaa yarada kɛŋɔ Korowii dɛ ba banɔ la baa yarada Yeesu mɔɔ dɛ serewe la kpɔe dɛ́ ja Yeesu nɛɛ ba ne o ba ɡɛ saŋ waa ba la.

Amanesoma Jɔn Aa Chwera Tɔn 3:36

Nomɛlbwa waa yarada Korowii Bie la waa la, wɛɛ dɔ mkpa aa wola jaɡa dɔe bwaa. Nomɛlbwa waa wola Korowii Bie la waa yaradae la, waa mkpa dɔe ba. Korowii bandia ɛɛ do o nɛɛ saŋ bɛlbwaa.”

Amanesoma Jɔn Aa Chwera Tɔn 1:4

Korowii Nyoa Wobol la bee Korowii mkpa do, asɛ ɡɛ mkpa nɔ ɡe ɛ kɛŋɔ nii dɛɛ chaah nɛwɛnyini sie.

Amanesoma Jɔn Aa Chwera Tɔn 5:21

Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.

Amanesoma Jɔn Aa Chwera Tɔn 6:44

Nomɛlbwa aa won ba n be nemenɛ n Mɛɛ la ɡbaɡba waa tom mɛ la tɛro ba n be, ásɛ tɔpera bwa jaɡa wee la, ń iru seo ta.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

Amanesoma Jɔn Aa Chwera Tɔn 6:35

Asɛ Yeesu ŋɔ, “Menee kondikwaa aa dɛ tɛ Korowii mkpa la. Nomɛlbwa waa ba n be la, lɔr aa on kpo. Asɛ nomɛlbwa ɡe waa yarada mɛ dɛ́ kpɔ o te tɛ mɛ la, nyɔɡre ɡba aa o kpoe ba bwa.

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Felepae 3:10

N waa bwaa kɛ ń won jemɛ Yeesu Kristo, dɛ́ won jemɛ kpeɡri la soo waa ira seo ta dɛ dɔ, dɛ́ na wahala waa naa la dɔŋa, dɛ́ kpɔ n te ɛ kɛ n sewɔ ɡɛ waa sewa la,

Wepila 20:5

Lala seo ta ira loɡlee ɡɛ. Banɔ la baa kaa baa wola ire la te, nemenɛ bene kaɡboŋ la tel mɔɔ bá ir.

We-ɛɛla 3:15

Korowii nɛn nɛwɛnyini aa che o nɛɛ dɛ́ dɔ mkpa la, onee he kpo la, asɛ Korowii lawɔ ir seo ta. Ya na a ɡɛ waa nɔ. A danseɛ yaa di la.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Amanesoma Jɔn Aa Chwera Tɔn 5:26

Gɛ Korowii aa dɔ mkpa dɛɛ tɛ la, ɡɛɛ o ɡel o Bie la ɡe dɔ mkpa dɛɛ tɛ,

Yela 36:9

He nɛɛ ya che dɛɛ dɔ mkpa, he nii laanee ɡela bɔr chaah yaa na.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

Amanesoma Jɔn Aa Chwera Tɔn 14:19

A ka tama, nɛra baa dɔ harɛ nɔ ta ɡbo liire aa men na kpa, kɛ he te ɛɛ na mɛɛ. Maa dɔ mkpa nomanta, he ɡee dɔ mkpaa.

Aesaya 38:16

N Naa Korowii, anɔ bwa taa nɛwɛnyina mkpa do, a taa n ɡe mkpa do. Gel n ɡbaŋre, ásɛ dɛ dɔ n nyu.

Felepae 1:23

N chinchaŋo. N dɛ nyin kɛ n sewɛ dɛ́ ka so Yeesu Kristo be. A bɔ kohona kɛ maa soɡe bonɔ.

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,

2 Kɔrent 4:14

Ya jemɔ kɛŋɔ Korowii waa ir ya Dɔɔ Yeesu seo ta la, onee dɛɛ ba ya banɔ la ya ne Yeesu aa pɛa la seo ta ira, dɛ́ kpɔ ya ne heyaa kaa o be.

Tɔn Pɔɔl Aa Chwerɛ Rom Tena 4:17

Anee Korowii waa baa chwera ŋɔ, “N ɡelɔ he ɛ nɛnfuuh bwa mɛɛ” la baɡle la. A ɡɛ waa nɔ ɛ kasinteŋ Korowii be. Onee Abraham faa yarada la. On won nɛra baa serewa kwaraa chuma, dɛ won dɛɛ bol waa aa wola chiɡe bwa kɛŋɔ aa chiɡa ka la.

Amanesoma Luk Aa Chwera Tɔn 23:43

Anee Yeesu chaŋo ŋɔ, “Kasinteŋ, hale fini, hɛɛ ja n nɛɛ nɛndɛɛɡa silɛɛ bwɛɛ nyundua belaa.”

1 Kɔrent 15:29

Nɛra bane cheɡɛ lala naa ta dɛ ɡel baa sɔ ba Korowii ne. Bɔkwa waa baa ɛ ɡɛ nɔɔ? Dɛ lala aa seo taa ir aa, bɔkwa waa ɡela ba ɡel ba ɛ ɡɛ dɛɛ tɛɛ baɔ?

1 Kɔrent 15:18

A berɔ dɛɛ baɡle kɛŋɔ nɛra ba fa aa dɛ yarada Yeesu Kristo mɔɔ dɛ serewe la, Korowii aa ban lɛ.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.