Amanesoma Jɔn Aa Chwera Tɔn 10:6 - mzwDBL

⁶ Sɛɡlaa o kpɔ dɛ baɡ ba ɡɛ waa nɔ, kɛ ba ta a mun noɛ.

Amanesoma Jɔn Aa Chwera Tɔn 10:6 Referans Kwoze

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

Sɛɡla 28:5

Nɛnchɔɡaa wola waa aa ɛ kasinteŋ mun no, kɛ nɛra baa dɛ tomɛ Korowii te dɛ́ no a mun kɛrɛdɛ.

Yela 82:5

Haa wobɛlbwa jemɛ, hé ɡɛnɔ! Neɡraa hɛɛ neɡre nɛra, kasinteŋ tonɛ harɛ nɔ ta.

Amanesoma Jɔn Aa Chwera Tɔn 16:25

Anɔ maa bola baɡle heyaa nɔ ɛ sɛɡla, kɛ tɔpere bɛl dɛ ba bala maa wola heyaa sɛɡle kpa. Mɛɛ bol n Mɛɛ la waa he bee dɛ́ pili a bini chasee ken.

Matiu 13:51

Yeesu pɛɛ ba ŋɔ, “He dɛ no waa nɔ mun te naa?” Asɛ ba ŋɔ, “Ɔɔh.”

Daneɛl 12:10

Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Yela 106:7

Ya naawa fa ta hen Korowii nyokpowe-ɛɛla waa mun noɛ, ɡɛ saŋ baa lɔ Ijipt harɛ ta la. Ba soh nyina haa nyin ba la keraŋwɛnɛ bwa, dɛ ɛɛ deŋnekpeɡ Mposwɛm la ta.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

1 Kɔrent 2:14

Nomɛlbwa Korowii Domadɛɛɡe aa wola toole o nɛɛ la, o dɛ vɛh o Domadɛɛɡe la wa. A ɛ wesale tɛ naate, waa a mun no, dɛkalkɛŋɔ Korowii Domadɛɛɡe ɡboo ɡela nɛn ɛɛ no Korowii waa mun.

Amanesoma Jɔn Aa Chwera Tɔn 8:43

Ɛrɛɛ haa wola n waa mun no nɔɔ? Haa wola nyin kɛ he teŋɛ a ta la waa.

Amanesoma Jɔn Aa Chwera Tɔn 8:27

Waa ŋɔ ɡɛ la, ba ta o waa la mun noɛ kɛŋɔ o Mɛɛ Korowii waa wɛɛ bol.

Amanesoma Jɔn Aa Chwera Tɔn 7:36

O ŋɔ, yaa ba nyin o bɔree kɛ yaa on na, bela waa dɛ kaa ɡe la, bɛlbwa aa won ba o be. Aah dɛ ɛrɛɛ wɛɛ chaɡle nɔɔ?”

Amanesoma Jɔn Aa Chwera Tɔn 6:60

O habɔteŋra la aa no ɡɛ la, ba kɛrɛdɛ ŋɔ, “Waa nɔ te kpeɡri kohona to, yaa won ɛ ɡɛ.”

Amanesoma Jɔn Aa Chwera Tɔn 6:52

Belaa Juu tena la berɛ dɛɛ tɔŋle dɔŋa ŋɔ, “Aah ɛrɛɛ wɛɛ ba wona tɛ yaa o bo-ol yaa dio?”

Matiu 13:34

Waa nɔ bwa Yeesu aa bola dɛɛ baɡle nɛnlaa la bwa la, dɛ sɛɡla nee wɛɛ bol. Webeŋkpoŋ ɡba toole o wobol ta waa wola sɛɡla kpɔe bol.

Amanesoma Mak Aa Chwera Tɔn 4:34

Sɛɡla ɡbo nee wɛɛ bol waa ba be. Kɛ o ne o habɔteŋra la ɡbo te, o dɛ baɡ ba a bini.

Amanesoma Jɔn Aa Chwera Tɔn 16:29

Anee o habɔteŋra la ŋɔ, “Taraken te haa yaa sɛɡle kpa. He dɛ pili waa bini chasee.

2 Pita 2:22

Ba waa nɔ ɡelɔ sɛɡla baa sɛɡla Korowii Tɔn bini la ɛ kasinteŋ. Ba sɛɡlɔ ŋɔ, “Nyoate uɡaa, ɡɛɛ o berɛ dia,” dɛ sɛɡle ŋɔ, “He sɔ parakoo ne aa, wɛɛ berɔɔ ka ɡbili o kpechɛɡre ta.”