Amanesoma Jɔn Aa Chwera Tɔn 10:4 - mzwDBL

⁴ O le o ɡbaɡba kwaa la ne naa, o dɛ tɔ a sie ásɛ a teŋɛ o nɛ, dɛkalkɛ a jemɛ o taa.

Amanesoma Jɔn Aa Chwera Tɔn 10:4 Referans Kwoze

Mmarare 1:30

Korowii haa dɛ tomɔ la ɛɛ tɔ he siee yo tɛ heya, ɡɛ waa ɛa Ijipt harɛ ta he na la.

Amanesoma Jɔn Aa Chwera Tɔn 10:16

N peera ane ta lɔ leɡa ane bini. Mɛɛ nyin a ɡe bɔree dɛ́ tɔ a sie dɛ́ kpɔa ba ja anɔ ta, ásɛ aa no n taa dɛ́ bwa ɛ beŋkpoŋ, dɛ́ pɛ dɛɛ teŋɛ n nɛ.

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

1 Pita 2:21

A ɡɛ waa nɔɔ Korowii le heyaa ŋɔ hɛɛ na, dɛkalkɛŋɔ Yeesu Kristo koh he waa dɛ na wahala, asɛ a chɔ tɛ heyaa kɛŋɔ hɛɛ lawɛ bambile he wahala ta. Ba chwerɔ ŋɔ,

1 Pita 5:3

He bɛ kpeɡri dɛɛ di nɛra baa kpɔ ba do he nɔn ta la nɛ. Hé ɡel he we-ɛɛla do wer ásɛ ba nyiŋa dɛɛ chaara.

1 Kɔrent 11:1

Anomanta, hé kpɔ n da ɡɛ maa kpɔ Yeesu da la.

Amanesoma Jɔn Aa Chwera Tɔn 10:8

Nɛra baa tɔ n sie dɛ ba la bwa, peera la ta deŋne ba be doe, dɛkalkɛ ba ɛ ŋwɛɛra.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 6:20

Yeesu aa ɛ Sɔfonomoa saŋ bɛlbwa dɛɛ la kɛŋɔ Mɛlkesɛdɛk la, o koh ya waa dɛ tɔ sie ya nɛɛ jo bela mɔɔ ya ɡe ba.

Ɛfesos 5:1

He ɛ Korowii bii waa dɛ nyin heya, anomanta, hé chaaro dɛ́ kpɔ o da.

Amanesoma Jɔn Aa Chwera Tɔn 3:29

Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

Yelsom 2:8

N dɛ no n sɛno taa. O tuo le bwejena dor warane, dɛ chwa kpɔ deŋɡarere dor dɛɛ ba n be.

Amanesoma Jɔn Aa Chwera Tɔn 13:15

Anɔ maa ɛa nɔ chɔ le dɛ tɛ heya, hé nyiŋa dɛ́ ɡee ɛ a dɔŋa.

1 Pita 4:1

Yeesu Kristo aa baa ɛ nɛwɛnyini la, o na bonyɛɡa. Anomanta, a chɛ kɛ he kpɔ he te, dɛ́ jemɛ kɛ ɡɛɛ he ɡe bwara ɛɛ ba nyɛɡa. Nomɛlbwa waa wona lawɛ bambile dɛ na bonyɛɡa ka la, waa wechɔɡa ɛ.

Yelsom 5:2

Maa chɔa kwaraa la, dɛ n ta dɛ kpɔ liire. N noɔ kɛŋɔ n sɛno aa lɔ ɡbera dɛ ŋɔ, “N hanfale ne n sɛnodɛɛɡe, he wer kɛŋɔ borɔnoma, he ta kirihiah bɛlbwa dii, yaa mɛ ɡbera. Mɛn pwe n nyu bwa, kɔɔla ta jwaana, n nyumpona pwe.”

Amanesoma Jɔn Aa Chwera Tɔn 10:3

Dɛ o balaa, onee naate waa dɛ daah doonyoa la ɛɛ ba pila tɛ o dɔ bɔr jo a be. Peera la ɛɛ no o taa, ásɛ o yerɛ anla aa ɛ o kwaa la sɔna á teŋɛ o nɛɛ ó le a ne kaa.

Amanesoma Jɔn Aa Chwera Tɔn 10:5

Aa nɛŋhɔɔh nɛɛ teŋɛ bwa. Aa chwao, dɛkalkɛ aa nɛŋhɔɔhra taa jemɛ.”

Amanesoma Jɔn Aa Chwera Tɔn 10:27

N peera dɛ no n taa, asɛ n jema aa teŋɛ n nɛ,