Amanesoma Jɔn Aa Chwera Tɔn 10:38 - mzwDBL

³⁸ Kɛ dɛ n dɛ ɛ o we-ɛɛla aa ɛ nyokpowaa te, dɛ haa men yarada kwaraa naa, hé yarada o nyokpowaa la te, ásɛ dɛ jemɛ kɛ n ne o ɛ beŋkpoŋ bɛlbwa aa wola won daɡre o te o dɔŋ nɛ.”

Amanesoma Jɔn Aa Chwera Tɔn 10:38 Referans Kwoze

Amanesoma Jɔn Aa Chwera Tɔn 14:20

Tɔpere la telaa, hɛɛ jemɔɔ kɛŋɔ n ne n Mɛɛ ɛ beŋkpoŋ, bɛl aa wola won daɡre o te o dɔŋ nɛ, ásɛ n ne he ɡe ɛ beŋkpoŋ ɡɛ tenten.

Amanesoma Jɔn Aa Chwera Tɔn 10:30

N ne n Mɛɛ la bwa ɛ beŋkpoŋ.”

Amanesoma Jɔn Aa Chwera Tɔn 10:25

Anee o chaŋe ŋɔ, “N ŋɔ he be wubwa, kɛ haa men yarada. N we-ɛɛla bwa maa ɛa la, n Mɛɛ la kpeɡri nee mɛɛ ɛa asɛ aa di mɛ danseɛ.

We-ɛɛla 2:22

N bala Israel tena, hé no waa nɔ. Yeesu waa le Nasarɛt la fa ɛ nɛn bɛl Korowii aa ɡela o won dɛɛ ɛ nyokpowa, asɛ he na dɛ won jemɛ kɛŋɔ Korowii kpeɡri nee wɛɛ ɛ o toma kpela. A ɡɛ waa nɔ ta heyaa wehɔɔhra ɛɛ.

Amanesoma Jɔn Aa Chwera Tɔn 3:2

Awola bɛl jwaana, o ba Yeesu be dɛ ba ŋɔ o be ŋɔ, “Nomoa, nomɛlbwa jemɔ kɛŋɔ Korowiirii tomɛ ŋɔ hé ba baɡle nɛra wa, dɛkalkɛ dɛ Korowii ta nɛn habɔɔ cheɡaa, waa won ɛ nyokpowaa nɔ haa dɛ ɛ nɔ.”

Amanesoma Jɔn Aa Chwera Tɔn 5:36

Kɛ n dɔ danseɛ bɛl waa kpeɡa dɛ ɡwaa Jɔn danseɛ waa baa di tɛ mɛ la kwara. Anee kɛ toma n Mɛɛ Korowii aa kpɔa do n nɔn ta ŋɔ ń ɛ la. Anee dɛɛ baɡle kɛ onee tom mɛ.

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 11:4

Yeesu aa no ɡɛ la, belaa o ŋɔ, “Serewe weela laa wɛɛ we nɔ. Gɛ aa ɛ Korowii dɔ jirima ásɛ a che a ta Korowii Bie la ɡe dɔ jirima waa a ba ɡɛ.”

1 Jɔn 3:24

Nomɛlbwa waa dɛ no Korowii waa la, o kpɔ o te dɛɛ pɛl Korowii, asɛ o ɡe lawɔ dɛɛ pɛl o nɛ. Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ ya bwa ɛ beŋkpoŋ.