Amanesoma Jɔn Aa Chwera Tɔn 1:41 - mzwDBL

⁴¹ Waa waa tɔ sie ɛ laanee kɛŋɔ o kaa nyin o dɔɔ Seemɔn bɔr, dɛ ŋɔ o be ŋɔ, “Ya na Mɛsaya la.” Mɛsaya munii Kristo.

Amanesoma Jɔn Aa Chwera Tɔn 1:41 Referans Kwoze

Amanesoma Jɔn Aa Chwera Tɔn 4:25

Anee haah la ŋɔ o be ŋɔ, “N jemɔ kɛŋɔ ya Lɛɛ la baa dɛ yerɔ Kristo la ɛɛ bao. O balaa, wɛɛ baɡle yaa wobɛlbwaa.”

Amanesoma Jɔn Aa Chwera Tɔn 1:45

Felep ɡe kaa na Nataaneɛl, dɛ ŋɔ o be ŋɔ, “Ya na naate Mosis aa chwerɛ o waa Korowii Tɔn bini la. O waa Korowii keamere la ɡe chwerɛ la. O sɔne Yeesu. Josef waa le Nasarɛt la biee.”

Yela 89:20

N fuɡe noo aa do ɡoroŋ do n bonɔɔ Devid nyu ta, dɛ cheɡo kora ta.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

Amanesoma Luk Aa Chwera Tɔn 2:38

Buɡ la ta, Yeesu nya ne o mɛɛ aa lɔ Korowii Dea la, Hana ɡe jo bela dɛ ka che ba jwɛh, dɛ kpɔ jam ne kpɛɛra tɛ Korowii, dɛ bol Yeesu waa baɡle nɛra baa soɡa dɛɛ kpa Korowii kɛ ó ba lɛ Jerusalam tena ta la.

Amanesoma Luk Aa Chwera Tɔn 2:17

Belaa peteɡra la aa na bie la la, ba bol nɛra baa cheme bela la be ɡɛ nyundua torome la aa baa bol bie la waa ba be la.

We-ɛɛla 4:27

Kpela ɡe, Hɛrɔd, ne Pɔnteɔs Paelet ne nɛra baa wola Juu tena ɛɛ, ne Israel tena bwa cheme bwɛjen nɔ ta. Ba yo Yeesu, he ɡbaɡba bonɔɔ waa wola wechɔɡe bɛlbwa dɔe la. Onee he ɛ he Kristo la.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Aesaya 11:2

Korowii Doma ɛɛ so o nɛɛ, dɛ́ ɡel o dɔ wejema ne waa mun noe, dɛ́ jemɛ nɛra jae dɛ́ dɔ kpeɡri, dɛ́ berɛ ɡel ó jemɛ Korowii waa bini dɛɛ duuru.

Yela 45:7

He dɛ nyin waa aa toɡra, dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.

Yela 2:2

Ba koranar kpɔ ba te, dɛ ir che dɛɛ vɔrɔwe Korowii ne o kooro waa leo la vɔrɔwa.

2 Koranar 7:9

Dɛ ŋɔ dɔŋa be ŋɔ, “Kɛrɛdɛ laa yaa ɛ la, fini ɛ amanesoma tɔpere asɛ ya ɡbo kpɔ so la. Dɛ ya ɡelɔ bɔr chaah a ta naa, yaa dɔ waa. Ya den la kooro dem dɛ́ ka bol a wa.”

1 Jɔn 1:3

Anɔ la yaa naa dɛ no laanee yaa bol he ɡe be, ásɛ he no dɛ́ ba ja ya Mɛɛ waa lɔ nyundua ne o bie Yeesu Kristo beŋkpoŋri ɛɛ la ta.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”