Amanesoma Jɔn Aa Chwera Tɔn 1:14 - mzwDBL

¹⁴ Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 1:14 Referans Kwoze

1 Jɔn 4:9

Kenii o baɡle o nyina waa dɛ nyin yaa. O ɡelɔ o bibeŋkpoŋ la ba harɛ nɔ ta, ásɛ ya che o nɛɛ dɛ́ dɔ mkpa.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Amanesoma Jɔn Aa Chwera Tɔn 1:1

Wobɛlbwa mumpar Korowii aa wola nyundua ne harɛ tae mɔɔ la, dɛ Korowii Nyoa Wobol la lole. Dɛ o ne Korowiirii lole, asɛ o ne o bwa ɛ beŋkpoŋ.

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.

Aesaya 40:5

Ásɛ Korowii ba baɡle o jirima nɛwɛnyina bwa na. Korowiirii bola.”

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Amanesoma Jɔn Aa Chwera Tɔn 6:51

Menee kondikwaa aa le nyundua ba dɛ dɔ mkpa la. Nomɛlbwa waa di ɡɛ kondikwaa nɔ la ɛɛ dɔ mkpa aa wola jaɡa dɔe. Asɛ kondikwaa maa kpɔ tɛ nɛwɛnyini bwa bá di dɛ́ dɔ mkpa laanee n bo-ol.”

Kolosi 1:19

Korowii tetooraa o Bie Yeesu ɛ o ɡbaɡba.

1 Kɔrent 15:47

Nɛnloɡle la, ba mao tee ne o ɛ harɛ nɛn. Asɛ nɛɛte la ɡe le nyundua.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Yela 2:7

Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

1 Jɔn 4:14

Ya na o Bie la dɛ di danseɛ kɛŋɔ Korowiirii ɡela o ba harɛ nɔ ta dɛ ba ɛ nɛwɛnyini Lɛɛ.

Kolosi 2:9

Yeesu Kristo ɛ Korowii ɡbaɡba. O ba harɛ nɔ ta dɛ ba berɛ nɛwɛnyini.

2 Jɔn 1:7

Nyosonteŋna tenten balɔ taraken. Banee wola yarada kɛŋɔ Yeesu Kristo ba harɛ nɔ ta kɛŋɔ nɛwɛnyini la. Nomɛlbwa waa wola ɡɛ yarada la, o ɛ nyosonteŋni dɛ ɛ Yeesu Kristo dɔm.

Aesaya 53:2

Korowiirii ɡela o bonɔɔ kpeɡ o sie, dɛ do kɛŋɔ daa waa le harɛ hole ta. O ta nyanyini ne wer dɔe yá pɛla lawɔ, o wobɛlbwa ta silɛɛ dɔe yá nyinu.

Wepila 21:3

Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.

Hibru 5:5

Gɛɛ a do Yeesu Kristo ɡe aa wola o te ɡbaɡba leɛ Sɔfonomoa toma aa ɛ wejena nɔ ta. Korowiirii ŋɔ o be ŋɔ, “N Biee hen, fini n berɛ he Mɛɛ.”

Hibru 10:5

A waa Yeesu aa dɛ ba harɛ ta bala la, o ŋɔ Korowii be ŋɔ, “Konaatena ne koŋkwaa baa kpɔa ɛ saraha dɛɛ tɛɛ la, he sie aa a ta lɛ. Kɛ he ɛ bwadabii bɛl tɛ mɛ.

Amanesoma Jɔn Aa Chwera Tɔn 11:40

Anee Yeesu ŋɔ o be ŋɔ, “N ta ŋɔe ŋɔ dɛ he yarada mɛ naa, hɛɛ na ɡɛ Korowii aa dɔ jirimaa yaa?”

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

Amanesoma Jɔn Aa Chwera Tɔn 2:11

Yeesu nyokpowaa waa tɔ sie ɛa laanee la. Keena waa lɔ Galilia harɛ ta laanee o ɛa, dɛ chaɡle o nɛnsoo ne kpeɡri waa dɔa, asɛ o habɔteŋra la na dɛ yaradao.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Hibru 1:5

Korowii ta o nyundua toroma la bɛlbwa be ŋɔe ŋɔ, “N Biee hen, fini n berɛ he Mɛɛ” bwa. O ta ba bɛlbwa waa bolɛ ŋɔ, “Mɛɛ ɛ o Mɛɛ, ásɛ o ɛ n Bie” bwa.

Amanesoma Jɔn Aa Chwera Tɔn 14:9

Asɛ Yeesu chaŋe ŋɔ, “N ne haa lole le saŋ la bwa nɔ, amɔ he ta wone jem mɛ mɔɔ naa, Felep? Nomɛlbwa waa na mɛ la, dɛ n Mɛɛɛ o na la. Ɛrɛɛ he berɛ ŋɔ ń baɡle heyaa n Mɛɛ la nɔɔ?

Amanesoma Luk Aa Chwera Tɔn 9:32

Dɛ Pita ne o bala la dɛ chɔ doromi. Ba iro dɛ na Yeesu kɛŋɔ o laala aa toa dɛɛ nyɛɡle al-al ken. Ba na nɛra banɛ la baa ja Yeesu nɛɛ la ɡe.

Amanesoma Jɔn Aa Chwera Tɔn 17:22

Gɛ haa tɛ mɛ jirima laanee n ɡe tɛɛ ba ásɛ ba won ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 3:18

Nomɛlbwa waa yarada n waa la, Korowii aa o waa bol á ba ɛ kɛ wɛɛ di bolchɔɡee. Kɛ nomɛlbwa waa wola n waa yaradae la, Korowii pao bolchɔɡe tonɛ, dɛkalkɛŋɔ o ta o Bibeŋkpoŋ la waa yaradae.

Amanesoma Luk Aa Chwera Tɔn 2:11

Jwaana nɔ ne, ba lolɛ he Lɛɛ. He Dɔɔ Kristo Korowii aa baɡɛ nyoa ŋɔ wɛɛ tomɔɔ ó ba lɛ heyaa laanee ba lole Devid bwɛɛ la.

Yela 45:2

Henee wera kohona, baala bwa bini, he nyoa jemɛ wobol ɡe, dɛkalkɛ Korowii sweere andɛɛɡa saŋ bɛlbwa dɛɛ la.

Hibru 2:11

Yeesuu laa nɛwɛnyini doŋa dɛɛ kpɔ ba nɛɛ dɛ ɡel ba ɛ Korowii nɛra. O ne nɛra waa laa doŋa dɛɛ kpɔ ba nɛɛ la bwa Mɛɛ beŋkpoŋ. A waa aa wola on sihiih ɛ kɛŋɔ o yer ba o nimanar la.

2 Kɔrent 12:9

asɛ o ŋɔ, “Chae maa sune he nɛɛ dɛ chae nɔ ɡbo maɡre he ne. Bela nɛn aa ɡwɛɡra la, belaa baa na n kpeɡri kohona.” Anomanta, a do n som kohona kɛ maa dɛ maŋkura n te n ɡwɛɡra ta, dɛkalkɛŋɔ a taa mɛɛ na Yeesu Kristo kpeɡri n nɛ.

Matiu 1:16

Jekɔb ɡee lolɛ Josef. Gɛ Josef nɔɔ mo Mɛɛre waa lolɛ Yeesu baa dɛ yerɔ Kristo, Korowii aa ŋɔa ŋɔ wɛɛ tomɔɔ ó ba lɛ o nɛra la.

Kolosi 2:3

Korowii wejema aa wola jaɡa dɔe la bwa lɔ Yeesu Kristo be. O nɛɛ ya che dɛ dɔ ɡɛ wejema nɔ.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Tɔn Pɔɔl Aa Chwerɛ Rom Tena 9:5

Ba nabaala la nɛra bwa aa jemɛ ba waa la naanaree ban. Kristo la Korowii aa baɡɛ nyoa ŋɔ wɛɛ tomɔɔ ó ba lɛɛ ba la, o nɛwɛnyini ɛɛ be pera la, ba dwee on. Korowiirii dɛɛ nyiŋi nɛwɛnyini bwa nɛɛ saŋ bɛlbwa. Onee chɛ kpɛɛra. Aamen.

Amanesoma Luk Aa Chwera Tɔn 2:7

asɛ o lolɛ o binyoa, o ɛ bibaa. O kpɔ yal fɔrɔwo dɛ kpɔɔ bil kon jaɡre aa dɛ di kwaa o bini la bini, dɛkalkɛŋɔ dɛ bɔr toole bela hɔɔhra aa dɛ chɔ bwɛɛ la ta la kwara bá chɔ.

We-ɛɛla 13:33

ɡɛɛ o ɛ tɛ ya nɛra yaa ɛ ba naanar la. Anee kɛ o ir Yeesu seo ta. Ba chwerɛ o waa Korowii Yel Tɔn yel nɛɛte la bini ŋɔ, ‘N Biee hen, fini n berɛ he Mɛɛ.’

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Ɛsekeɛl 37:27

Ba baahnee mɛɛ ba soɡa, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Amanesoma Jɔn Aa Chwera Tɔn 8:32

dɛ won jemɛ kasinteŋ la, asɛ kasinteŋ la ɡel he dɔ he te.”

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Wepila 19:13

O sɔn bɛl ɡee Korowii Nyoa Wobol. O tɔ yal bɛl baa kpɔa li chal.