Jeremia 8:21 - mzwDBL

²¹ Asɛ Jeremia ŋɔ, “Lokua su n bwa, dɛkalkɛ ba chɔɡ n nɛra. N dɛ wi, n bwara yɔr kohona.

Jeremia 8:21 Referans Kwoze

Jeremia 14:17

Korowii do mɛ ŋɔ, ń bol n suna maa dɛ di waa ba be ŋɔ, “Siniire dɛ yɔɔ mɛ chɔɔ ne jwaana bwa aa wola tonɛ, n nɛra maa dɛ nyin ba, kɛŋɔ bitolo waa wola baa bɛlbwa jemɛ, ba doo bol kohona la wa.

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Joel 2:6

A dɛ ba naa, dɛ ɔmee chole harɛre nɛra bwa nɛ, ásɛ bɛlbwa bambile ɛɛ teŋe.

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.

Jeremia 17:16

N ta vɛɛh kɛŋɔ mɛɛ nyiŋi he nɛra nɛɛ kɛŋɔ peteɡre, maa nyin kɛ he kpɔ sibeɡra tɔpere bɛlbwa ba ba nɛ. Wobɛlbwa aa le n nyoa la chɔ he sie.

Nehemia 2:3

Anee n chaŋe ŋɔ, “N naa kooro, Kórowii tɛɛ mkpajaŋ! Bɔkwaa dɛ́ ɡel n waa aa wola sumii doɔ? Bwɛjen baa huɡe n naawa o bini paɡrɔ dɛ berɛ dimɡbia, o doonyojen ɡbeni ɡe bwa fuh.”

Jeremia 8:20

Nɛra la do lɔŋɔ ŋɔ, “Lɔmɔɡa saŋ kaalɔ, kwaa koma ba a jaɡa, kɛ ya ta lɛɛ dɔe mɔɔ.”

Jeremia 14:2

“Juda harɛ nɛra dɛ wi, o bwɛjena nɛra bwara ɛɛ nyɛɡ, ba chɔ harɛ di suna dɛɛ ɡbaɡre, harɛ la chɔɡa wa, asɛ Jerusalam tena wi dɛɛ nyin chae.

Wiile 3:1

Menee nɛn maa na wenaale kohona dɛ le Korowii bandia ta.