Biblia Todo Logo
Bib sou entènèt

- Piblisite -




Jeremia 7:9 - mzwDBL

9 He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Gade chapit la Kopi




Jeremia 7:9
46 Referans Kwoze  

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.


He bɛ voɡ bɛlbwa tomɛ ka ja n nɛ.


Israel ne Juda tena fa do kɛŋɔ daa men Koranar Bwa Kooro aa dua, kɛ taraken n liiro kɛ ń kpɔ wahala ba ta ba nɛ. Ba wechɔɡa waa a ɡɛ waa nɔ ɡure ba nyu ta. Dɛkalkɛ ba ɛ wechɔɡa dɛ jo n nɛ, dɛ kaa fuh daawiile voɡ Baal ta dɛɛ muɡli n baah.”


Juda tena voɡare warɔ kɛŋɔ ba bwɛjena ken, asɛ kwaa baa dɛ fuh konsɔɔhsoma a ta dɛɛ tɛ ba sihihvoɡ Baal ɡe warɛ, kɛŋɔ Jerusalam fɔɡbaahna aa wara la.


Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.


Belaa Elaeja ka che Israel tena la bwa sie dɛ ŋɔ, “Saŋ besoo hɛɛ nyin he kpɔ nyiŋi webele anɛ nɔ bini nɔ? Dɛ Korowii ɡwaa Baal aa, hé tomɛ Korowii, dɛ Baal ɡe ɡwaa Korowii aa, hé tomɛ Baal.” Kɛ nɛra la ta wobɛlbwa bolɛ.


Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”


Nɛn ɛ wechɔɡa nɔ dɔŋa aa, Korowii dɛ pao bolchɔɡe. O te, aŋwɛnɛ taa wɛɛ pa nɛwɛnyini bolchɔɡe.


Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”


Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.


O mɛɛ te, o ɛɡre o bala dɛ lɛ ba kwa, dɛ ɛ o nɛra wechɔɡa, wɛɛ sewɔɔ.


dɛkalkɛ nɛra baa lɔ a ta ɛɛ mɛ wechɔɡa dɛ ɡel n baah di. Ba ɛ sarahare tɛ voɡare ane dɛɛ toma, voɡare ba ɡbabir kɛɛ hen kɛɛ he naawa aa wola an tomɛ.


ásɛ dɛ fuh o bwa. Baa fuh bwɛjen la bwaa, ne nɛra baa fuh daawiile dɛɛ tɛ voɡ Baal ba sal deene dor, ne sen sarahare baa fuɡa dɛɛ tɛ voɡare ane dɛ kpɔ dɛɛ muɡli n baah la.


Gɛ nyubinikpeɡ tena nɔ vɛh n waa ta teŋa. Ba deŋne kpeɡri, ba nyu bini do kpeɡri kohona, asɛ dɛ kaa tomɛ harɛre ane voɡare. Anomanta, baa doo kɛŋɔ kiriso waa chɔɡa, waa wola ɛɛ doe kpa la ken.


Gɛ saŋ Israel tena aa dɛ tomɛ voɡa la, laa ba bwɛɛre la ta. Baala kaɡboŋa fifraanaarɛ baa lɔ harɛ la ta, bɛlbwa ta lampea kɛɛ dɔmkon bɛlbwa kpoŋe.


He kpoo kwaa tɛ daabii yaa wola an na, voɡfala he naawa aa wola an jemɛ, voɡa he Israel tena aa wola sie a be doe ka.


He saraha kwaa bɛlbwa ta tɔnɔ dɔe n be kpa. Hé ɡel a ne bala. N kii konsɔɔhsoma haa dɛ fuah. He wechɔɡa bɔle he korobifala, ne Ona Tɔpera, ne he chema haa chema dɛɛ tom mɛ bwa ta.


Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”


Mɛɛ ba bol n nɛra waa dɛ́ tɛr ba deŋne, ba nyubinikpeɡ ne habɔɔ baa bera kpo mɛ la wa, ba fuh daawiile ɛ sarahare voɡare ane ta, dɛɛ tomɛ kwaa ba ɡbaɡba aa kpɔ nɔn ɛ.


Korowii ŋɔ, “Juda tena, ɛrɛ waa a chɛ kɛ ń kpɔ he wechɔɡa kɛ heya ɔ? He vɛɛh mɛ dɛɛ tomɛ voɡare a wa aa wola kasinteŋ dɔe. N tɛ heyaa komɛlbwa haa dɛ nyin, kɛ he ɡarɛ kaa bɔ jwamane, he ne hanjwamanere ɛɛ valɛ.


Kɛ n nɛra te soh n wa. Ba fuh daawiile dɛɛ tɛ voɡa a wa aa wola tɔnɔ dɔe. Ba lɔ na, dɛ ɡel ŋwɛnɛbena la ta kpɔe, dɛ kaa kpɔ ŋwɛnɛfala baa wola a ta jemɛ ta.


Waa maa dɛ ba ba ɛɛ laanee la, dɛkalkɛ ba vɛɛh mɛ dɛ kpɔ harɛre ane voɡare ba su bonɔ bwa. Ba fuh saraha kwaa tɛ voɡare ba ɡbabir kɛɛ ba naawa, kɛɛ Juda koranar ɡba aa wola an jemɛ bwa. Dɛ kpoo nɛra baa wola wechɔɡa bɛlbwa ɛɛ, ba chale su bonɔ.


Ɛrɛɛ hɛɛ do mɛ bandia, dɛɛ tomɛ voɡare dɛ ɛ sarahare dɛɛ tɛ voɡare aa lɔ Ijipt harɛ ta bonɔ haa baa so nɔɔ? He dɛ ɛ ɡɛ dɛ́ chɔɡ he te, ásɛ harɛre nɛra bwa ɛɛ nyiŋi he nyubaah, dɛ́ɛ taah heya kɛɛ?


He deno soh nyubinikpeɡ wa he naawa aa ɛa Juda bwɛɛre ne Jerusalam fɔɡbaahna, ne Juda koranar ne ba haahna, dɛ he ne he haahna ɡe la kɛɛ?


Moab harɛ taa mɛɛ ba nɛra baa dɛ ɛ sarahare deŋɡarere dor, dɛɛ fuh daawiile dɛɛ tɛ ba voɡare la kpoora. Men Korowiirii bola.


Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.


Awola tenten baa kpɔ ba bii tɛ ba kpoo ba voɡa ta tonɛ la, ba baa jo n Dea dɛ kpɔ doŋa kaoh.


Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.


Sɔfore la do kɛŋɔ ŋwɛɛra dɛ sɔh kpɔɡ bini. Ba dɛ kpoo nɛra Sɛkem ŋwɛnɛ ta, dɛɛ ɛ wechɔɡa aa ɛ sihihwaa bwa soo siwi.


Israel tena, hé kpɔ paanoo iisi aa lɔ a ta ɛ saraha ba jam mɛ, dɛɛ baɡle he te saraha aa le he bambile la ta, dɛkalkɛ anee hɛɛ nyin ɛɛ kɛrɛdɛ. Men Nemenɛ Korowiirii bola.


A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”


Nɛwɛnyini bie, bol Israel tena la be ŋɔ Men Nemenɛ Korowii ŋɔ, ‘He ɡee ɛ wechɔɡa he naawa aa ɛa, dɛ tomɛ voɡa maa kia, dɛ kpɔ doŋa kah ba te la anee kɛɛ?


Swiv nou:

Piblisite


Piblisite