Jeremia 7:31 - mzwDBL

³¹ Henɔm Fɛlembɔjen binii ba ma kon baa dɛ ɛ saraha o ta dɛɛ yerɔ Tɔfɛt. Belaa ba kpoo ba bibaala ne bihaahna dawɛ nii ta ɛ saraha. Gɛ laa n bol ba be, ɡɛ toole n liire ta.

Jeremia 7:31 Referans Kwoze

2 Koranar 23:10

Kooro Josia ɡelɔ nɛra la Henɔm Fɛlembɔjen ta, dɛ ka paɡre kon baa dɛ ɛ saraha o ta baa yerɔ Tɔfɛt la. Gɛ aa ɛ ásɛ nɛra bɛ won kpɔ ba bibaala kɛɛ ba bihaahna ɛ sarahare dɛ́ fuuh ba dɛɛ tɛ voɡ Molɛk kpa.

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

2 Koranar 17:17

Ba lawɛ ba ɡbaɡba bibaala ne bihaahna kpoo, dɛ fuuh ba ɛ sarahare tɛ ba voɡare. Ba la voɡra ne dobodobo tena be, dɛ kpɔ ba te do waa aa ɛ wechɔɡa ta, dɛ jo Korowii nɛɛ dɛ ir o bwaawee.

Lewi Dea Tena 18:21

Bɛ he bie bɛlbwa lawɛ tɛ bá kpo ɛ saraha tɛ voɡ Molɛk. Dɛɛ berɛ men Korowii haa dɛ tom mɛ nɔ sɔn chɔɡ ɡɛ. Men Korowiirii bola.

Ɛsekeɛl 16:20

He lawɛ he bibaala ne bihaahna haa lol ba tɛ mɛ la, dɛ kpoo ba ɛ saraha tɛ voɡa. He jwamane la ɡbo ta maɡraa?

2 Webena 33:6

O kpoo o bibaala, dɛ fuuh ba ɛ saraha Henɔm Fɛlembɔjen bini. O ɛ sɔm we-ɛɛla, dɛ voɡɛ dɛ yerɛ lala, dɛ la tɛɡre tena be. O ɛ wechɔɡa taeh, dɛ jo Korowii nɛɛ dɛ ir o bandia kohona.

2 Webena 28:3

O kpoo kwaa dɛ fuah ɛ saraha Bɛn Henɔm Fɛlembɔjen bini. O kpo o bibaala, dɛ fuuh ba ɛ saraha, dɛ teŋɛ harɛre ane nawee waa Korowii aa kia, dɛ koh a wa doŋ ba le ba Israel tena sie la ta.

Mmarare 12:31

He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.

Mmarare 17:3

dɛ berɛ dɛɛ tomɛ voɡare ane, kɛɛ wee ne korobie dɛ weweela aa, amɔ o vɛh Korowii waa la ta teŋa.

2 Koranar 23:20

Kooro Josia kpoo kerekpoŋra baa soɡe voɡa la ta bwa, dɛ fuh nɛra hoɡa saraha kwaa la ta, dɛ laa berɛ kaa Jerusalam.

Jeremia 19:2

ásɛ he la Jerusalam Bɛn Henɔm Fɛlembɔjen waa bɛne Kaŋli Doonyoa la ta. He tel bela aa, hé bol waa maa bol he be la.

Josua 15:8

O berɔ chɔ kaa Bɛn Henɔm Fɛlembɔjen ta, dɛ kaa Jebus tena bwɛjen Jerusalam weekaŋle harɛbɔr. Jwɛh la le bela dɛ kpɔ deŋɡare bɛl waa lɔ Bɛn Henɔm Fɛlembɔjen doa wee cholibɔr, dɛ berɛ kaa Refaim Fɛlembɔjen ta weekaŋle nyunduabɔr.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 57:5

Hé liire bwaa kɛŋɔ hɛɛ di sɛm he voɡa dajena mune. Hé dɛ kpoo he bii dɛɛ ɛ sarahare voɡa aa lɔ bwebɔɔne aa bɛne nenabɔɔne ta.

Jeremia 2:23

Ɛrɛɛ hɛɛ ba wona ŋɔ, ‘Ya ta doŋa kpɔe kah ya te, ya ta voɡa Baalre tomɛ ɔ?’ Hé nyiŋi he we-ɛɛla haa ɛa fɛlembɔjen la bini, dɛ́ lii waa haa ɛa la bwa. He do kɛŋɔ nyoɡma nee waa dɛ chwa bobɛlbwa dɛɛ nyin jweera.

Ɛsekeɛl 20:26

N ɡelɔ ba kpɔ ba bibanloɡla ɛ sarahare dɛ kah doŋa, n ɛ ɡɛ dɛ kpɔ ɔmee kohona ta ba nɛɛ ba chel, ásɛ ba jemɛ kɛŋɔ menee Korowii.”

Ɛsekeɛl 20:31

Ba le fini, he ta lawɛ he bii kaa ɛ sarahare voɡa la ta baa fuuh ba, dɛ kpɔ doŋa dɛɛ kah he te. He ta teŋɔ dɛɛ nyin waa dɛ́ no le n be. N ŋwɛɛrɔ kɛŋɔ Men Nemenɛ Korowii taa lole nɔ, maa ɡel he pɛɛ wobɛlbwa le n be.

Maeka 6:7

Ń kpɔ pebala kaɡboŋa ne ɔleve noo aa wara dɛɛ palɛ kɛŋɔ moo ba tɛ Korowii aa? O sie ɛɛ lɛ n nɛɛ yaa? Kɛɛ ń lawɛ n biloɡle, ba bɔ n wechɔɡa maa ɛa kem ɔ?

Mmarare 18:10

He bɛ he bibaala kɛɛ bihaahna kpoo, dɛ́ fuuh ba tɛ voɡa. He bɛ ajɔ kɛɛ sɔm ne voɡra ne bebee wa,

Jeremia 32:34

Hale ba kpɔ voɡa maa kia la ba cheɡ n Dea maa ŋɔa baa tom mɛ o bini la ta, dɛ kpɔ doŋa kaoh.