Anomanta, ŋɔ Juda tena ne nɛra baa lɔ Jerusalam be ŋɔ kenii men Korowii ɛɛ bol, ‘Hé na, n dɛ ba ń kpɔ wenaale ane ba ta he nɛ, dɛ́ɛ vɔrɔwe he vɔrɔwa ɡe. Anomanta, bɛlbwa charɛ o liire dɛ́ ɡel o ŋwɛnɛre ne o we-ɛɛla do wer.’
Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.
N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.
Dɛ Korowii cheɡɛ o keamere ne nɛra baa dɛ na chaahna ta, dɛ kah Israel ne Juda tena ŋɔ, “Hé le he wechɔɡa ŋwɛnɛre ta, dɛ́ɛ teŋɛ me Mmarare ne waa maa do heyaa a ta la ta. N kpɔɔ tɛ he naawa ŋɔ báa teŋɛ a ta, dɛ che n keamere ɡe nɛɛ ŋɔ bá dalwe a ta baɡle heya.”
Taraken, hé bol he wechɔɡa baɡle Korowii he naawa aa tomɔ, dɛ́ɛ ɛ o bambile bini wa. Hé laa he te kpɔ harɛfala aa bar heyaa cheme nɔ nɛra, ne haahna baa wola he harɛ ta tena ɛɛ he mo ba la nɛ.”
Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’
amɔ bwɛjen nɔ doonyojena taa koranar baa soɡe Kooro Devid kookara ta, ne ba nomonome ɛɛ ba kpɔe dɛɛ jo. Ba ne ba nomonome ɛɛ so jaɡre ne kwaa aa do kɛŋɔ torɔɡore taa ba, ásɛ Juda baala ne nɛra baa lɔ Jerusalam bwa ɡe ja, ásɛ nɛra so bwɛjen nɔ ta saŋ bɛlbwa dɛɛ la.
