Jeremia 7:14 - mzwDBL

¹⁴ Anomanta, ɡɛ maa ɛ Silo laanee mɛɛ ba n Dea maa lea cheɡ ŋɔ hɛɛ tom mɛ o bini, dɛɛ hwɛɡɛ o ta la ɛɛ. Dea nɔ maa kpɔa tɛ he ne he naawa nɔ ɛɛ doo kɛŋɔ maa ɛ Silo la.

Jeremia 7:14 Referans Kwoze

Jeremia 7:4

He bɛ nɛra baa dɛ teŋe nyosone nɛɛ teŋɛ kɛŋɔ baa dɛ bol ŋɔ he dɔ deŋnesɔɔhna la. Ba yon ŋɔ, Korowii Dea laanee la! Korowii Dea laanee la! Korowii Dea laanee la!

Jeremia 7:10

Waa maa kia laanee he yon ka ɛ, dɛ́ berɛ ba che n sie n Dea bonɔ dɛ́ ŋɔ, ‘Ya dɔ deŋnesɔɔhna.’

Yela 78:60

O ɡel o Tɛnte Dea waa lɔ Silo, waa ɡela ba baŋro o ɛ o dobɔr harɛ nɔ ta la.

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

Mmarare 28:52

Wɛɛ ɡeloo he dɔma tɔ heyaa do bwɛjena waa kpɔa dɛɛ ba heyaa tɛɛ la bwa ta, ásɛ he lɔ harɛ. Ásɛ danjwɛkpeɡa haa maa bara dɛɛ hwɛɡɛ a ta la choɡli.

Ɛsekeɛl 24:21

o dɛ ba o Dea haa dɛ ɛ mbarafo dɛɛ maŋkura he te o waa la chɔɡa. O wer he sie ta hɛɛ nyinu. Wɛɛ ɡeloo ba kpoo he bibaala ne bihaahna haa ɡel ba habɔɔ Jerusalam la laa ta.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Wiile 2:7

Korowii vɛh kon baa ɛ saraha dɛɛ tɛo ta, dɛ ɡel o Dea waa do ɡoroŋ la. O ɡelɔ dɔma ba kuuɡi kooderemi danjwɛɛre. Dɔma la do silɛɛ lɔŋɔre bela ba fa aa dɛ tomɛ, kɛŋɔ tɔpejen baa lea cheɡ tɔpere bɛl ta ken.

Jeremia 26:18

“Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Jeremia 7:12

Hé la Silo bela n fa aa tɔ sie le cheɡ ŋɔ hɛɛ tom mɛ la, dɛ́ ka na waa maa ɛa bela, n nɛra Israel tena wechɔɡa baa ɛa la wa.

Aesaya 64:11

He Dea waa do ɡoroŋ dɛ do wer tɛ yaa ya naawa fa aa kpɛɛre o bini la, nii fuuh. Bɔra ya sie aa dɛ lɛ a ta bwa kuuɡo dɛ berɛ dimɡbeeni.

2 Webena 7:21

Dea nɔ dɛ ba kuuɡa chɔ, ásɛ nomɛlbwa waa teŋe ba kaa la nyoa kpo o bwara yɔr o ŋɔ, ‘Bɔkwa waa ɡela Korowii ɛ harɛ nɔ ne Dea nɔ ken?’

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Jeremia 23:39

‘Kasinteŋ, Korowii ɛɛ soh he waa, dɛ́ kpɔ he ne bwɛɛ waa kpɔa tɛ he ne he naawa la ka ta bojaŋ, ásɛ he le o sie kwaraa.

Ɛsekeɛl 23:31

Ŋwɛnɛ he nahaah aa kpɔ o ta laanee he ɡe kpɔ, anomanta, hɛɛ nyɔ o deŋnetɛra nee la anee.”

Jeremia 12:7

Korowii berɔ ŋɔ, “Mɛɛ vɛh n nɛra Israel tenaa, nɛra maa lee ba tɛ n te la. Mɛɛ lawɛ nɛra maa dɛ nyin ba waa do ba dɔma nɔn ta.

Jeremia 26:4

Korowii berɔ ŋɔ ń bol nɛra la be ŋɔ, “Hɛɛ teŋɛ n waa maa dɛ baɡle heyaa la ta,