Jeremia 6:15 - mzwDBL

¹⁵ Amɔ sihiih kpo ba wedoŋa baa ɛa nɔ ta kenɛ? Akai, sihiih ta ban kpoe kwara, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.”

Jeremia 6:15 Referans Kwoze

Jeremia 8:12

Amɔ sihiih kpo ba ba wedoŋa baa ɛa nɔ ta kenɛ? Akai, sihiih ta ban kpoe, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

Sefania 3:5

Korowii ta lɔ bwɛjen la bini, o waa toɡrɔ, waa wola wedoŋa nyin. Tɔpere bɛlbwaa wɛɛ di o nɛra kasinteŋ, waa wola habɔɔ le saŋ bɛlbwa, kɛ ane a bwa, sihiih aa wechɔɡ-ɛɛra baa lɔ o ta la kpo.

Maeka 7:4

Ba bini nɛndɛɛɡe kwaraa do kɛŋɔ jabalnadaŋɛ. Onɔ la o wa aa toɡra ɡe do kɛŋɔ sɔɔh daa ken. Tɔpere telo kɛŋɔ Korowii tɛr ba deŋne ɡɛ waa cheɡɛ keamere baa dɛ daah ba nɛɛ kah ba la, ba wilo taraken kwara.

Maeka 3:6

Anomanta, keame nyosonteŋna, a dɛ ba doe kɛŋɔ bɔr aa joa ta he nɛ, haa won dɛɛ na chaahna kɛɛ dɛɛ voɡɛ ɡe kpa.

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

Ɛsekeɛl 24:7

Ba kpoo nɛra bwɛjen la ta, ba chale chɔ bwea ta, harɛpɛɛ ta laa a chɔ, ásɛ teera tɔ a ta.

Ɛsekeɛl 2:4

Nɛra men Nemenɛ Korowii aa dɛ tomɛ ba be la lwɛɛma kpeɡri, baa men bu. N dɛ tomɛ he ka ŋɔ ba be ŋɔ kenii mɛɛ bol.

Jeremia 23:12

Anomanta, mɛɛ ɡeloo ŋwɛnɛre baa dɛ kpɔ a ta do vɔle, biro do o ta, ásɛ ba lɔ naa dɛ́ choɡli. Mɛɛ kpɔ wenaalee ba ta ba nɛ, ba deŋnetɛra tɔpere. Men Korowiirii bola.

Jeremia 5:29

A ta chɛ kɛŋɔ men Korowii tɛr ba deŋne waa nɔ wa aa? A ta chɛ kɛ ń bɔ harɛ waa do ken nɔ nɛra kem aa?

Jeremia 5:9

A ta chɛ kɛŋɔ ń tɛr ba deŋne waa nɔ wa aa? A ta chɛ kɛ n bɔ harɛ waa do ken nɔ nɛra kem aa? Men Korowiirii bola.

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Kaala 32:34

He te tɔ nɛra la sie kaa bela maa chaɡle la. Mɛɛ ɡeloo n torome tɔ he sie. Kɛ dɛ tɔpere maa tɛr ba deŋne ba wechɔɡa baa ɛa la telaa, mɛɛ tɛr ba deŋnee.”

Jeremia 8:9

Sihiih ɛɛ kpo wejerema la bwaa, baa wiluu á do kɛŋɔ bel aa laɡ ba. Baa vɛh n waa la nomanta, ba ta wejema bɛlbwa dɔe kpa.

Jeremia 18:23

Kɛ hen Korowii, he te jemɛ vɔrɔwa bwa baa dɛ vɔrɔwe dɛ́ kpo mɛ. Bɛ ba dichɔɡa kpɔ kɛ ba, kɛɛ dɛ́ fee ba wechɔɡa he sie. Gel ba choɡli chɔ he sie, ásɛ dɛ che he bandia ta tɛr ba deŋne kohona.”

Jeremia 44:10

Hale ba le fini he ta he te pwɛrɛ mɔɔ. Haa men duu kɛɛ dɛɛ teŋɛ me Mmarare maa kpɔa tɛ he ne he naawa la ta.

Ɛsekeɛl 13:14

O ŋɔ, “Mɛɛ taɡɛ danjwɛɛ baa lɔɔ fula laanee ta ó bwa chɔ harɛ, ásɛ bwea baa kpɔa pa o mun la chɔ baŋ. Waa ba chole la, he bwa ɡe dɛ ba serewa. Ásɛ he jemɛ kɛŋɔ menee Korowii.

Sefania 2:1

He nɛra, haa wola sihiih jemɛ, hé boa nyoa dɛ́ charɛ he liire

Sekaria 13:4

Awola tɔpere la, sihiih ɛɛ kpo keame bɛlbwa waa ŋɔa o dɛ na chaahnaa. Waa keamere batakaaree do dɛ́ neɡre nɛra kpa.

Mumpar 19:34

Tɔ aa pera la, o bol o nime la be ŋɔ, “N ne n mɛɛ chɔɔ dɛ jwaana ne. Ɛrɛ ɡel ya tɛo ane jwaana nɔ ne ɡe ja, ásɛ he ɡe ne o chɔ. Ásɛ a che ya mɛɛ nɛɛ ya mun bɛ he.”

Jeremia 14:15

Anomanta, waa men Korowii aa dɛ bol keamere baa dɛ bol waa n sɔn ta dɛɛ teŋe nyosone laanee nɔ. N ta ban tomɛ, kɛ ba dɛ bol ŋɔ laa kɛɛ lɔr aa harɛ nɔ taa ba. Kɛ a ɡɛ keamere la, baa kpoo ba laa taa, lɔr ɡe kpo ba, ba serewe.

Hosia 4:5

Chɔɔ ne jwaana bwaa hɛɛ lɔ na, he ne Korowii keamere bwa. Gɛɛ mɛɛ ba Israel waa ɛ he nya la chɔɡa.