Jeremia 52:12 - mzwDBL

¹² Babelɔn Kooro Nebukadnesa aa di kora bene fi dɛ anuanaarɛ, korobie anue tɔpera fi ta la, o laa sitɔɔ Nebusaradan la Jerusalam.

Jeremia 52:12 Referans Kwoze

2 Koranar 25:8

Babelɔn Kooro Nebukadnesa aa di kora bene fi dɛ anuanaarɛ, korobie anue tɔpera anuanɛ ta la, o laa sitɔɔ Nebusaradan la Jerusalam.

Sekaria 8:19

“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”

Jeremia 52:29

bene fi dɛ anuatoro ta la, nɛra lafraanuatoro fifraatoro dɛ banɛɛ o lawɛ le Jerusalam,

Jeremia 39:9

Nebusaradan waa chɔ kooro laa tena baa dɛ daahno nyoa, lawɛ nɛra baa kaa dɛ do Jerusalam, dɛ banɔ la baa baa ja o nɛɛ la bwa kaa Babelɔn harɛ ta.

2 Koranar 24:12

asɛ Juda harɛ Kooro Jehoiachin ne o nya ne o bonɔɔna ne o nomonome, dɛ nɛra baa lɔ koodem bwa sɛh, dɛ kpɔ ba te do Kooro Nebukadnesa lɔɡa. Kooro Nebukadnesa aa di kora bene anuatoro taa o ba lawɛ Juda Kooro Jehoiachin kaa bojaŋ Babelɔn harɛ ta.

Jeremia 52:14

Babelɔn laa tena Nebusaradan aa chɔ ba nyoa la kuuɡi danjwɛɛ waa bar Jerusalam la bwa.

Mumpar 37:36

Ismael bonadiire la ɡe yoɡ Josef tɛ Ijipt te Pɔtefa. O ɛ Ijipt harɛ ta kooro laa tena baa dɛ daah o dem la bwa nomoa.

Ɛsra 5:12

Kɛ ya naanar aa ir Korowii Waa Dɛ Di Kora Nyundua bandia nomanta, o kpɔ ba do Kooro Nebukadnesa waa ɛ Babelɔn kooro nɔn ta. Kooro Nebukadnesa chɔɡ o Dea la, dɛ lawɛ nɛra la kaa bojaŋ harɛ Babelɔn.

Nehemia 2:3

Anee n chaŋe ŋɔ, “N naa kooro, Kórowii tɛɛ mkpajaŋ! Bɔkwaa dɛ́ ɡel n waa aa wola sumii doɔ? Bwɛjen baa huɡe n naawa o bini paɡrɔ dɛ berɛ dimɡbia, o doonyojen ɡbeni ɡe bwa fuh.”

Yela 79:1

N Naa Korowii, nɛŋhɔɔhra baa wola hen tomɛ, baa lɛ he harɛ la dɔɔh. Ba kpɔ doŋa kah he Dea waa do ɡoroŋ la, dɛ ɡel Jerusalam berɛ dimɡbia.

Daneɛl 1:1

Kooro Jehoiakim aa di kora Juda harɛ ta bentooro te ta la, Babelɔn Kooro Nebukadnesa kpɔ o laa tena la ka chɔ bar bwɛjen Jerusalam dɛ yo bwɛɛ la tena.

Jeremia 1:3

ne ɡɛ saŋ Kooro Josia bibaa Jehoiakim aa di kora Juda harɛ. A habɔɔ, Korowii berɔ bol waa Jeremia be ka tel Kooro Josia bibaa Sedekia aa di kora bene fi dɛ beŋkpoŋ ta. A ɡɛ bena la korobie anue ta la, ba lawɛ Jerusalam tena laa ta kaa bojaŋ harɛfale ta.

Jeremia 32:29

ásɛ dɛ fuh o bwa. Baa fuh bwɛjen la bwaa, ne nɛra baa fuh daawiile dɛɛ tɛ voɡ Baal ba sal deene dor, ne sen sarahare baa fuɡa dɛɛ tɛ voɡare ane dɛ kpɔ dɛɛ muɡli n baah la.

Jeremia 39:11

Dɛ Babelɔn Kooro Nebukadnesa fa cheɡɛ men Jeremia nɛɛ dɛ do Nebusaradan waa chɔ laa tena baa dɛ daah kooro nyoa la ŋɔ,

Daneɛl 2:14

Dɛ baa bɛl sɔne Areɔk, onee chɔ nɛra baa dɛ daah kooro la nyoa. Waa laŋa dɛɛ la ka kpoo Babelɔn harɛ ta wejerema la, Daneɛl kpɔ wejema ŋwɛnɛ ta, dɛ bol wobodɛɛɡa nomoa la be.