Jeremia 51:50 - mzwDBL

⁵⁰ Korowii berɔ bol waa o nɛra baa lɔ Babelɔn harɛ ta be ŋɔ, “He nɛra haa chwaa dɛ dɔ he nyu la, hé le warane, he bɛ hɛlɛ. Hé lɔ bojaŋ harɛ ta te, kɛ he lii n wa, dɛɛ lii Jerusalam ɡe wa.”

Jeremia 51:50 Referans Kwoze

Jeremia 44:28

Ba bini banɔ la baa dɔ bɔr le Ijipt harɛ ta kaa Juda la ɛɛ do tamaa kenii. Ásɛ Juda tena bwa baa kaa dɛ ba so Ijipt harɛ ta la jemɛ bɛl la o wa aa dɔ kasinteŋ, n waa la kɛɛ ba waa baa dɛ teŋɛ a ta la.

Yela 122:6

Soŋe deŋnesɔɔhna tɛ Jerusalam tena ŋɔ, “Nɛra baa dɛ nyin hen Jerusalam la, ba wobɛlbwa do wer tɛɛ ba.

Wepila 18:4

N berɔ no taa bɛl o le nyundua dɛ ŋɔ, “N nɛra, hé le o be. Maa nyin kɛ he ne o pɛ dɛ́ɛ ɛ wechɔɡa, dɛ́ pɛ na wahala maa dɛ ba ɡela o na la.

Jeremia 51:45

N nɛra Israel tena, hé chwa le ba. Hé chwa dɛ́ dɔ he nyu. Hé chwa le men Korowii bandia waa do ɔma la ta.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Jeremia 51:6

Hé chwa le Babelɔn harɛ! Hé chwa lɛ he nyuune! He bɛ Babelɔn tena wechɔɡa waa koh serewe. Saŋ telo kɛ men Korowii bɔ ba kem, mɛɛ tɛr ba deŋnee ɡɛ aa chɛa.

Jeremia 50:8

N nɛra Israel tena, hé chwa le Babelɔn harɛ ta, he bɛ ɡel nomɛl ba tɔ he sie, hé tɔ sie le kaa.

Jeremia 31:21

Hé kpɔ kwaa paaɡe á ɛ nso ŋwɛnɛ la ta, á baɡle heya ŋwɛnɛ haa kpɔ o ta kaa. Israel tena, hé berɛ ba, hé berɛ ba bwɛɛre haa le a ta kaa la ta.

Aesaya 52:2

Jerusalam haa do kɛ bitolo, ir dɛ́ pee he bwara ta, dɛ́ so he kookara ta. Ásɛ dɛ laa jɔɡrɔre baa lawɛ dɛ doe laa ta la foo.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Ɛsekeɛl 6:9

Banɔ la baa laɡ ba kaa harɛfala ta la, belaa baa ba liira kɛŋɔ ba fa ɛo wechɔɡa, dɛ vɛh o waa ta teŋa, dɛ kaa tomɛ voɡa. Ásɛ a we ba nɛ, wechɔɡa ne waa Korowii aa kia ba ɛ la wa.

Daneɛl 6:11

Belaa nɛra baa la kooro be o do mmara la pɛ, dɛ la ka na kɛŋɔ Daneɛl ɡuŋo dɛɛ soŋe Korowii kɛŋɔ ó chao.