Jeremia 51:29 - mzwDBL

²⁹ Harɛ la jiɡro, dɛkalkɛ waa Korowii aa maɡla bil la telo kɛŋɔ Babelɔn harɛ chɔ pɛɛ, ásɛ nomɛlbwa aa won so bela kpa.

Jeremia 51:29 Referans Kwoze

Jeremia 51:43

O bwɛɛre bwa chɔ pɛɛ dɛ hol, kɛŋɔ pua hɛŋle ɡbo harɛ ken. Nomɛlbwa aa harɛ la taa so, á ba ɛ kɛ nɛn ɛɛ kpɔ o taa.

Jeremia 8:16

Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”

Emɔs 8:8

Harɛ la ɛɛ jiɡruu a waa, ásɛ nomɛlbwa waa soɡe harɛ la ta di suna. Harɛ la dɛ́ ba dɛɛ beɡre kɛŋɔ Nael Moo yon su, ásɛ dɛ berɛ hweeh ka chɔ o buɡ ta la ken.”

Jeremia 50:45

Anomanta, hé no bwɛjen Babelɔn vɔrɔwa men Korowii aa dɛ vɔrɔwe wa. Hale ba bii bwa, baa laɡ ba laa taa kaa, ásɛ ɔmee ne bambiteŋa chole ba nɛ.

Jeremia 50:13

N bandia nomanta, nomɛlbwa aa Babelɔn harɛ ta soɡa ba, wɛɛ berɛ dimɡbiaa, ásɛ nɛra baa teŋa baa kaa na, ba bambile teŋe ba nyoa kpo.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Wepila 18:2

O nyɛɡɔ kohona ŋɔ, “O paɡrɔ oo, o paɡrɔ! Babelɔnjen la paɡrɔ, dɛ berɛ kwaa aa dɛ ir nɛra nɛɛ ne Bɔnsam kwaa te bɛlbwa ne jumbisale baa kia la dobɔr,

Joel 2:10

A dɛ ba naa, dɛ harɛ dɛ jiɡri, nyundua ɡe ɛɛ yiiɡi. Biro dɛ tɔ wee ne korobie ta, weweela ɡe aa won chaah kpa.

Jeremia 50:43

Babelɔn kooro no ba wa, ɔmee ɡel o bwara yɔr. Weweele ne bambiteŋa ɡel o ɔmɛ kɛŋɔ haah loltea aa lɔɔ ken.

Aesaya 14:16

Banɔ la baa nae la ɛɛ nyiŋii jeiih ken, dɛɛ lii ŋɔ, ‘Baa la waa ɡela harɛ jiɡri dɛ ɡel koranar chel laanee nɔ kɛɛ?

Jeremia 50:36

Hé ka kpoo keame nyosonteŋna la. Ba ɡɛnɔ kohona! Hé ka kpoo ba banyoola. Ɔmee kohona chole ba nɛ.

Jeremia 50:46

Babelɔn harɛ baa paɡre tonaa, harɛ ɛɛ jiɡruu, ásɛ harɛre nɛra ɛɛ no Babelɔn tena lɔŋɔre.”

Jeremia 51:26

He bwe bɛlbwa aa werii do bá kpɔ ma dea, kɛɛ dɛ́ kpɔ pa dea mun kpa, dɛkalkɛ he dɛ ba doe kɛŋɔ pua hɛŋle ɡbo harɛ saŋ bɛlbwa dɛɛ la. Men Korowiirii bola.

Jeremia 51:28

Boa harɛre nɛra nyoa bá ba yo Babelɔn tena laa. Koranar baa le Midia, harɛ la sitɔɔla dɛ ba nomonome, dɛ harɛre baa dɛ nyiŋi a ta laa tena bwa ba.

Aesaya 24:20

Harɛ ɛɛ yɛɛɡoo kɛŋɔ sennyɔdɛɛ ken, kɛɛ pata peu aa dɛ kpɔɔ ken. Harɛ nɛra wechɔɡa sii ba nɛ, dɛ́ ba ba ne harɛ, baa choloo baa wola ir kpa.

Jeremia 51:37

Babelɔn dɛ ba paɡra dɛ́ berɛ dimɡbia ne kalampoŋare sobɔr, dɛ́ berɛ kon nɛra aa na ba bambile teŋe baa mamɔ, nomɛlbwa aa won so bela.