Jeremia 51:10 - mzwDBL

¹⁰ Korowii bol o nɛra be ŋɔ bá do lɔŋɔre ŋɔ, “Korowii ta yaa tɔɔ, Hé ba, ya la Jerusalam ka bol waa Korowii yaa dɛ tomɔ aa ɛa.”

Jeremia 51:10 Referans Kwoze

Jeremia 50:28

Nɛra baa chwaa le Babelɔn harɛ dɛ ba Jerusalam la dɛ bol ŋɔ, Korowii baa dɛ tomɔ la dɛ́ ba ba bɔ Babelɔn tena kem, chɔɡa baa chɔɡ Korowii Dea la wa.

Yela 37:6

Wɛɛ che toɡra he wa aa toɡra taa, ásɛ he kasinteŋ dii do kɛ nii, dɛɛ chaah kɛŋɔ webaŋa ken.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Yela 9:14

ásɛ n che Jerusalam tena bwa sie, dɛ́ bol ba be waa bwa haa ɛa. Mɛɛ hɛɡroo, lɛɛ haa lɛɛ mɛ la wa.

Yela 64:9

Nɛwɛnyina bwa ɛɛ ɔmɔɔ, dɛ́ na waa Korowii aa ɛa, dɛ́ kpɔ do ba liire bini.

Jeremia 50:45

Anomanta, hé no bwɛjen Babelɔn vɔrɔwa men Korowii aa dɛ vɔrɔwe wa. Hale ba bii bwa, baa laɡ ba laa taa kaa, ásɛ ɔmee ne bambiteŋa chole ba nɛ.

Yela 66:16

Hé ba, dɛ́ ba no, he nɛra haa dɛ tomɛ Korowii, ásɛ n baɡle waa waa ɛa tɛ mɛ.

Yela 118:17

Maa sewa ba, mɛɛ so lee dɛ́ baɡle waa Korowii aa ɛa.

Aesaya 24:14

Nɛra baa dɔ ba nyu la ɛɛ ɡo yela silɛɛ nee. Banɔ la baa lɔ wee cholibɔr ɛɛ baɡle jirima Korowii aa dɔa.