Jeremia 50:29 - mzwDBL

²⁹ “Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.

Jeremia 50:29 Referans Kwoze

Jeremia 51:56

Baa bao dɛ́ ba chɔɡ Babelɔn harɛ, dɛ́ lawɛ o laa tena bwa, ásɛ dɛ kuuɡi ba tori. Menee Korowii maa dɛ tɛr wechɔɡ-ɛɛra deŋne. Mɛɛ bɔ Babelɔn tena kemee ɡɛ aa chɛa.

Aesaya 47:10

He kpɔ he te dawɛ he wechɔɡa ɛɛ ta, dɛ ŋɔ, ‘Nomɛlbwa aa men na.’ He wejema ne he liire wili dɛ ɡel he ŋɔ, ‘Menee men. Nomɛlbwa toole n habɔɔ kpa.’

Wepila 18:6

O chɔɡra, hé ɛo ɡɛ o fa aa ɛa la. Hé bɔɔ o tonchɔɡa la kem kera anɛ. Sen la o yon ɛ tɛ nɛra bá nyɔ dɛ́ɛ dɛɛ la, hé ɡe ɛ ane tɛo á do kpeɡri ɡwaa ɡɛ kera anɛ ó ɡe nyɔ.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Kaala 10:3

Anomanta, Mosis ne Arɔn la Ijipt kooro be dɛ ka ŋɔ kenii Korowii Hibru tena aa dɛ tomɔ la ŋɔ, “Saŋ besoo hɛɛ ba he liire ne harɛ bala dɛ́ ɡel he deŋnekpeɡ nɔɔ? Gel n nɛra kaa dɛ́ kaa tom mɛ.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Jeremia 50:32

He harɛ nɛra baa dɛ ɛ mbarafo la ɛɛ lɔ naa dɛ́ chole, nomɛlbwa toole dɛ́ cha heya he ir. Mɛɛ ɡeloo ba fuh he bwɛjena, ásɛ komɛlbwa aa bar heyaa cheme ɡe fuh.”

Jeremia 50:26

Hé le bojaŋa dɛ́ ba yo Babelɔn tena, dɛ́ paɡre deene baa dɛ cheɡ mea a bini, dɛ́ boa a nyoa a daŋɛ, dɛ́ chɔɡa kwaraa he bɛ komɛlbwa ɡel.

Jeremia 50:24

Babelɔn tena, n harɛ heya bel, he ne ŋɔ he jemɛ dɛ o lawɛ heya, ba nyin he bɔr dɛ lawɛ heya, dɛkalkɛ he vɛh men Korowii waa la noe.

Jeremia 50:9

Mɛɛ do harɛre nɛra baa pɛ nyoa dɛ do kpeɡrii le weekaŋle nyunduabɔr, bá bar Babelɔn tena cheme, dɛ́ yoo ba, dɛ́ pɔ ba nɛ. Ba do kɛŋɔ kpaahna baa jemɛ hɛma tae kɛrɛdɛ, baa wola tae dɛɛ kur.

Aesaya 37:23

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

2 Tesalonika 1:6

Kɛ nɛra baa dɛ ɛ heyaa hɔhɔrɔwa la te, Korowii ɛɛ bɔ ba a kemee. O we-ɛɛla toɡrɔ. Ó ɛɛ ba ɡɛ hɔhɔrɔwa la,

Jeremia 49:16

He mbarafo neɡre heya kohona, he dɛ lii kɛ nomɛlbwa dɛ́ ɔmɛ heya, he dɛ neɡre he te. He soɡe bɔɔne bini bwejena dor. A lole kɛ he soŋnibɔr lɔ nyundua, kɛŋɔ kee yon ka sɔh o kɔr nyundujaɡla la, kɛ mɛɛ ɡeloo he le bela le harɛ.’

Jeremia 51:3

He bɛ Babelɔn laa tena ŋwɛnɛ tɛ ba ta hɛma, kɛɛ dɛ́ kpɔ ba laa laala do. He bɛ ba bonɔɔna ɡel, hé kpoo laa tena la bwa kwaraa!

Jeremia 51:24

He siwi taa mɛɛ ba bwɛjen Babelɔn ne nɛra baa soɡe Babelɔn harɛ ta kem bɔe, wechɔɡa baa ɛa Jerusalam la wa. Men Korowiirii bola.

Jeremia 51:49

A chɛ kɛ bwɛjen Babelɔn paɡre, kpoora baa kpoo Israel tena dɛ kpoo harɛ nɔ ta nɛra la ɡe wa. Men Korowiirii bola.”

Obadia 1:15

Tɔpere men Korowii aa kpɔ bol harɛre ta nɛra bwa waa dɛ́ pa bole la telo tonɛ. Gɛ haa ɛa nɔɔ mɛɛ ba kpɔa ɛ he Edom tena ɡe, he we-ɛɛla bwa ɛɛ ɡure he nyu taa.

Jeremia 25:14

Wɛɛ bɔ Babelɔn tena kemee waa baa ɛa la wa, ásɛ harɛre nɛra ɡalɡa ne koojena ba laɡ ba yoma.”

Jeremia 48:26

Korowii ŋɔ, “Hé tɛ Moab tena sen bá nyɔ dɛɛ kohona, dɛkalkɛ ba ɛ men Korowii deŋnekpeɡ. Hé ɡel ba chɔ dɛɛ ɡbaɡre ba chwɛɛra ta, dɛ́ berɛ akwekwe nɛra.

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Wiile 3:64

N Naa Korowii, tɛr ba deŋne ɡɛ aa chɛa, ba waa baa ɛa la wa.