Jeremia 50:18 - mzwDBL

¹⁸ Anomanta, Koranar Bwa Kooro, Israel tena aa dɛ tomɔ la ŋɔ, “Mɛɛ tɛr Babelɔn kooro deŋnee, dɛ́ chɔɡ o harɛ ɡe, ɡɛ maa tɛr Asiiria koojen deŋne la.

Jeremia 50:18 Referans Kwoze

Aesaya 10:12

Dɛ Korowii baa tonɛ ɡɛ waa ɛ nɛra baa lɔ Saayɔn Bwejen doa ne Jerusalam bwa naa, wɛɛ ŋɔɔ, “Mɛɛ ba tɛr Asiiria koojen deŋnee o mbarafo ne nyiŋa waa nyiŋi nɛn dɛɛ vah la wa.

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Neehum 3:7

Nomɛlbwa waa nae la ɛɛ le habɔɔ dɛ́ ŋɔ, ‘Niniwe chɔɡɔ kwaraa. Umee dɛ́ wi tɛo wɔ? Leperaa ń dɔ nɛn ó larawe o bwara ɔ?’ ”

Neehum 3:18

Asiiria koojen, nɛra baa dɛ nyiŋi he harɛ ta kɛ peteɡra la bwa chɔɔɡɔ. He nomonjena bwa serewɔ. He nɛra la bwa peɡrɔ dɛ do bwea dor, nomɛlbwa toole dɛ́ boa ba nyoa.

Mmarare 32:41

kɛŋɔ mɛɛ sar n tokobi waa dɛ nyɛɡle laanee dɛ́ ba pa bole. Dɛ́ bɔ n dɔma kem, dɛ́ tɛr banɔ la baa hah mɛ deŋne.

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Habakuk 2:8

He pa harɛre nɛra kondɔɔh bwa, ɡɛɛ nɛra baa kaa la ɡe ɛɛ ba hé kondɔɔh pae. Nɛra haa kpoora dɛ fuɡe ba chale ta kohona, ne chɔɡa haa chɔɡ harɛre ne bwɛɛre ne nɛra baa soɡe a ta la nomanta, ɡɛɛ baa ba he ɡe ɛɛ.