Jeremia 5:26 - mzwDBL

²⁶ Wechɔɡ-ɛɛra soɡe n nɛra bini, dɛ chɔ dɛɛ kpa kɛŋɔ nɛra yon harɛ bela dɛɛ lawɛ jumbii, ne bela baa hara dɛɛ lawɛ nɛra ken.

Jeremia 5:26 Referans Kwoze

Sɛɡla 1:11

Dɛ ba ŋɔ he be ŋɔ, “Ba ya ka nyin nɛn kpo, kɛɛ ya ka teŋe ŋwɛnɛ, dɛ́ kpo nɛn ne o tepoŋ pɛɛ,

Jeremia 18:22

Gel ba dɔma piɡri lɔ ba tɔ ba nɛ, dɛ́ pa ba laala, ásɛ ɔmee laɡ ba baa dooɡe lɔŋɔre, dɛkalkɛ ba kwi nafuɡe dɛ sɔh har mɛ bela, dɛɛ nyin mɛ dɛ́ lawɛ.

Yela 64:5

Ba dɛ do dɔŋa ɡbemba ba wechɔɡa vɔrɔwa ta, dɛɛ baɡle bela baa kpɔ kwaa baa kpɔ haɡre bela la sɔh. Ba yon ŋɔ, “Nomɛlbwa aa yaa na.”

Amanesoma Luk Aa Chwera Tɔn 5:10

Gɛ tentenee a ɛ ba bala Sebedii bii Jɔn ne Jems la nyokpoa. Belaa Yeesu ŋɔ Seemɔn be ŋɔ, “Dɛɛ berɛ ɔma. Le fini dɛɛ kaa, hɛɛ ɡel pɛŋa nyinaa dɛ́ baa teŋɛ n nɛ, ásɛ n baɡle heyaa ɡɛ baa nyin nɛra baa tɛ Korowii.”

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Aesaya 32:7

Nɛn waa dɛ neɡre nɛra ɛ nɛnchɔɡe, wechɔɡa liiree wɛɛ lii, dɛ che neɡra ta dɛɛ chɔɡ nyaara ba wa aa suma, dɛɛ tɔ ba kasinteŋ ŋwɛnɛ.

Jeremia 9:8

Ba nyoa wobol do kɛŋɔ hɛm waa dɛ kpo ken, wechɔɡa ɡboo baa bol. Nyoa wobol ɡbo nee baa lea dɔŋa, kɛ ba bambile bini te ta chaahnɛ, ba dɛ haɡre dɔŋa bela.

Jeremia 18:20

A chɛ kɛ bá kpɔ wechɔɡa bɔ wedɛɛɡa kem aa? Kɛ ba kwi nafuɡe dɛɛ nyin mɛ dɛ́ lawɛ. Lii kɛŋɔ n fa cheɡɛ he sie, dɛ bol ba waa tɛɛ ba ŋɔ, hé laa he bandia kpɔ ba nɛ.

Maeka 6:10

Mɛɛ won soh he nyubinikpeɡ tena kondɔɔh haa cheɡa ka su deene, ne kwaa haa kpɔa maɡɛ kwaa dɛɛ faah nɛra n haah la wa aa?

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.