Jeremia 5:21 - mzwDBL

²¹ ‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Jeremia 5:21 Referans Kwoze

Ɛsekeɛl 12:2

“Nɛwɛnyini bie, deŋnekpeɡ tena binii he so la. Ba dɔ sibie kɛ baa na, dɛ dɔ deŋna ɡe kɛ baa waa no, dɛkalkɛ ba ɛ deŋnekpeɡ tena.

We-ɛɛla 28:26

‘Ka ŋɔ nɛra la be ŋɔ, “Hɛɛ noo kohona, kɛ haa a mun noe ba, hɛɛ nyiŋuu kohona, kɛ haa a jema ba.

Tɔn Pɔɔl Aa Chwerɛ Rom Tena 11:8

Anee ba chwerɛ Korowii Tɔn bini ŋɔ, “Korowii saa ba liire, dɛ tɛɛ ba sie aa wola kasinteŋ laanee na, ne deŋna aa wola kasinteŋ laanee no, dɛ kpoŋe ba le fini tɔpere nɔ” la.

Amanesoma Jɔn Aa Chwera Tɔn 12:40

“Korowii tɔɔɡe ba sie, dɛ ɡel ba bambile do kpeɡri, ɡɛ aa ɛ ba sibie bɛ na, ásɛ ba liiree bini bɛ chaah ba no a mun, á ba ɛ kɛ baa charɛ ba liire dɛ́ ba o be ó chaah ba.”

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Amanesoma Mak Aa Chwera Tɔn 8:18

He dɔ sibie kɛ haa na naa? He dɔ deŋna ɡe kɛ haa waa no aa? Haa waa lii kɛɛ?

Jeremia 8:7

Hale chaŋɡale aa dɛ ɡah nyundua ɡba jemɛ komɛlbwa saŋ, ɡɛɛ kwehre ne konkolombiiri bwa ɡe jemɛ saŋ aa kpɔa dɛɛ ɡaaɡe sobɔrfala. Kɛ n nɛra te aa jemɛ waa maa dɛ nyin dɛɛ teŋɛ a ta.

Jeremia 5:4

Ate, n berɛ lii ŋɔ, “Ba ɛ nyaara ɡbo baa wola jemɛ, ba ɛ ɡɛna, dɛkalkɛ baa waa Korowii baa dɛ tomɔ aa dɛ nyin jemɛ.

Aesaya 44:18

Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Yela 94:8

N nɛra, ɛrɛɛ hɛɛ ɡɛn ɡɛ nɔɔ? Saŋ besoo hɛɛ ba waa hwela ɔ?

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Sɛɡla 17:16

Tɔnɔ besoo a dɔ kɛŋɔ ɡɛne kpoŋe suuɡa dɛɛ nyin wejema dɛ o ta a liire dɔe yɔ?

Mmarare 32:6

Korowii hɛɛ ɛ ken aa, nɛra haa ɡɛna haa wola liire dɔe. He mɛɛ, onee ta heya dɛ ɡel he ɛ harɛbir nɛra.

Mmarare 29:4

Kɛ kpoŋe ba le fini Korowii saa he liire, dɛ tɛ heyaa sibie aa wola kasinteŋ laanee na, ne deŋna aa wola kasinteŋ laanee no.

Hosia 7:11

Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Jeremia 10:8

Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

Amanesoma Mak Aa Chwera Tɔn 4:12

ásɛ a ɛ ɡɛ baa chwera ŋɔ, ‘Baa nyiŋuu kohona, kɛ baa a mun jema ba baa noo kohona, kɛ baa a jema ba, dɛkalkɛ baa ba liire chara ba bwa, ásɛ Korowii kpɔ ba wechɔɡa kɛ ba.’ ”

Tɔn Pɔɔl Aa Chwerɛ Rom Tena 1:20

Dɛ́ le ɡɛ saŋ Korowii aa ta harɛ la, o bwara waa nɛwɛnyini aa wola wone dɛɛ na siwi ne, kɛŋɔ o kpeɡri aa wola jaɡa dɔe ne o dor bwa, o ɡelɔ nɛwɛnyini na a bwa. Nɛwɛnyini wono che Korowii kwaa waa taa ta, dɛ na o kpeɡri ne ɡɛ waa doa. Anomanta, nɛwɛnyini aa won ŋɔ baa jemɛ kɛ Korowii lole.

Aesaya 43:8

Korowii ŋɔ, “Hé kpɔ nɛra baa dɔ sibie kɛ baa wola na, ne nɛra baa dɔ deŋna kɛ baa wola waa no la ba.

Jeremia 5:20

Korowii ŋɔ, “Ŋɔ waa nɔ Jekɔb naanar be dɛ́ bola baɡle Juda tena ŋɔ,

Jeremia 6:10

Anee men Jeremia chaŋe ŋɔ, “N ŋɔ n bol wa dɛ́ kah ba aa, umee dɛ́ no n be nɔ? Ba ɛ deŋnekpeɡ tena dɛ vɛh he waa noe. Ba dɛ mamɛ waa haa ŋɔa n bol la.

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.

Mmarare 29:3

He na wekpeɡa ne waa aa chiɡa ne nyokpowaa Korowii aa ɛa kohona.

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.