Jeremia 49:36 - mzwDBL

³⁶ Mɛɛ ɡeloo dɔma le harɛ nɔ ta bobɛlbwa dɛ́ ba yo Elam tena laa, dɛ́ lɔ ba peɡre bobɛlbwa, harɛ bɛlbwa aa ka baa wola belaa do.

Jeremia 49:36 Referans Kwoze

Jeremia 49:32

Baa lawɛ ba nyoɡmare ne kondɛɛra aa wara kɛŋɔ laa ta kwaa kaa. Mɛɛ lɔ nɛra baa lɔ bojaŋa laanee peɡre, dɛ́ kpɔ wenaale ba ta ba nɛɛ le harɛ nɔ ta bobɛlbwa.

Wepila 7:1

Anɔ habɔɔ la, n na nyundua toroma banaarɛ baa cheɡɛ harɛ nyoo peu leebɔra anaarɛ dɛ lawɛ peu, ásɛ a bɛ harɛ ne mpo ne daa bɛlbwa ta ta.

Emɔs 9:9

Mɛɛ bol waa ásɛ dɛ yiiɡi Israel tena harɛre nɛra bwa bini, kɛŋɔ baa dɛ ɡboo boyu beŋkpoŋ ɡba aa wola harɛ le la.

Daneɛl 8:8

Booh la baa dɔ kpeɡri kɛrɛdɛ, kɛ o ta aa dɛ di kpeɡri la, o nyeɡlejen la kuu asɛ nyeɡlare anaarɛ aa kana le paaɡe o buɡ ta. Bɛl chaɡɛ weekaŋle nyundua, bɛl chaɡɛ wee leebɔr, bɛl chaɡɛ weekaŋle harɛbɔr, asɛ bɛl chaɡɛ wee cholibɔr.

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Jeremia 30:17

Kɛ mɛɛ berɔ ɡel he dɔ bokpeɡa ásɛ dɛ chah he ŋwɛra, a lole kɛŋɔ he dɔma dɛ bol kɛŋɔ, ‘Ba vɛh Saayɔn, nomɛlbwa aa o waa dawɛ kpa.’ Men Korowiirii bola.”

Daneɛl 11:4

Gɛ kooro la balaa, o harɛre waa dɛ di kora a ta la dɛ ba peɡra, dɛ bɔne bɔre anaarɛ. O naanar aa koraa dɔ di. Gɛ kooro la aa kpeɡrii dɔ kpa, dɛkalkɛ o kora la ɛɛ ɡuu, dɛ́ berɛ bane kon.

Daneɛl 8:22

O nyeɡle waa kua asɛ nyeɡlare anaarɛ le o buɡ ta la, dɛ baɡle kɛŋɔ harɛ la bini dɛ́ ba peɡra, ásɛ koranar banaarɛ ba di a kora, kɛ ba kora la aa won do kpeɡri kɛŋɔ sitɔ kora la.

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Aesaya 56:8

Nemenɛ Korowii waa tɔ Israel tena sie dɛ le ba ne bojaŋ harɛfale ta la ŋɔ, “N ta ɛɛ ba bane ɡe nee, ba ba ja ba nɛ.”

Aesaya 27:13

Awola bɛla ɛɛ siu kohona, dɛ́ yerɛ Israel tena baa laɡ ba laa ta, ba kaa Asiiria ne Ijipt harɛ ta ka so biɡri la, ásɛ ba bwa berɛ ba tomɛ Korowii Jerusalam, Saayɔn Bwejen waa do ɡoroŋ la ta.

Aesaya 11:12

Wɛɛ ir fraŋkaa harɛre nɛra nɔ bwa na, dɛ́ boa Israel tena baa laɡ ba ka so harɛre ta la nyoa, dɛ́ ɡel Juda tena baa peɡra kaa harɛ nɔ ta bobɛlbwa la bwa ba cheme.

Yela 147:2

Korowii berɔ kwaa ma Jerusalam, dɛ lawɛ Israel tena baa laɡ ba kaa harɛfala ta la ba.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Sekaria 6:5

O chaŋ mɛ ŋɔ, “A ɛ peu bele anaarɛ aa le nyundua Korowii waa ɛ harɛ nɔ bwa Dɔɔ be.