Jeremia 49:2 - mzwDBL

² Kɛ tɔpera ane dɛ ba, ásɛ n ɡel nɛra baa lɔ Amɔn harɛ bwɛjen Raba no laa lɔŋɔre. Bwɛjen la ɛɛ paɡroo dɛ́ berɛ dimɡbia, ásɛ o bwɛjeɡre aa baro bwa ɡe fuh. Belaa Israel tena ɛɛ ba banɔ la ba fa aa doŋ ba le ba harɛ ta la doŋa le. Men Korowiirii bola.

Jeremia 49:2 Referans Kwoze

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Ɛsekeɛl 21:20

Ŋwɛnɛ la beŋkpoŋ ɛɛ chaɡle kooro la ŋwɛnɛ waa kpɔ o ta dɛ kaa Amɔn tena bwɛjen Raba la ta, ásɛ bɛl ɡe kaa Juda harɛ, Jerusalam bwɛjen baa ma danjwɛɛ baro la ta.

Mmarare 3:11

Dɛ Kooro Ɔɡ ɡboo fa baa ka Refa tena baa kpeɡa la bini. Bunii ba kpɔ ɛ o mpa, dɛ o jaŋne ɛ naɡale fi dɛ atoro ne tama, o paɡri ɡe ɛ naɡale anumɛl. Mpa la ta lɔ Amɔn tena bwɛɛ Raba la ta, dɛ ba le fini.”

Emɔs 1:14

Mɛɛ ɡeloo nii ba fuh danjwɛjena aa bar bwɛjen Raba dɛ́ chɔɡ ba dekpeɡa. Dɔma ɛɛ do lɔŋɔree dɛ́ ba yoo ba awola, kɛŋɔ kawulewule aa dɛ ta ken.

2 Samoɛl 11:1

Lɔmɔɡa saŋ koranar yon dɛɛ la laa la, Kooro Devid tomɛ Joab ne o laa nomonome dɛ Israel laa tena bwa. Ba kaa yo Amɔn tena dɛ pɔ ba nɛ, dɛ ka bar bwɛjen Raba ɡe cheme dɛ chɔɡ o bwa o berɛ dimɡbia, kɛ Kooro Devid te soɡe Jerusalam.

Jeremia 49:1

Gɛ Korowii aa bol Amɔn tena waa laanee nɔ. “Baala toole Israel harɛ ta kpa, dɛ́ kpɔ harɛ la ɛ ba kapɛrɛ kon kɛɛ? Ɛrɛɛ nɛra baa dɛ tomɛ voɡ Molɛk berɛ ba lɛ Gad dea harɛ dɛ so o ta nɔɔ?

Yela 97:8

Bwɛjen Saayɔn tena noɔ ba sie lɛ, Juda bwɛjena tena ɡee hɛɡre, hen Korowii waa bola dɛ́ pa bole wa.

Yela 48:11

Nɛra haa lɔ Saayɔn Bwejen doa, hé ɡel he sie lɛ. Juda harɛ bwɛjeɡre tena ɡe sie lɛ, kɛ haa dɛ pa bole aŋwɛnɛ ta.

Nɛra Kura 21:25

Israel tena lɛ Amɔre tena bwɛjena bwa dɔɔh, dɛ so a ta. Hɛsbɔn ne bwɛɛre aa baro bwa jao.

Obadia 1:19

Nɛra baa soɡa bɛne Nɛɡɛv pua hɛŋle ɡbo harɛ ta ɛɛ ba so Edom harɛ bwejaŋa doree, ásɛ banɔ la baa le deŋɡarere lɔɡre ba lɛ Filisti tena harɛ so. Israel tena ɛɛ ba so Efrem ne Samaria harɛre taa, ásɛ Bɛnjamen dea bii ɡe ba lɛ Gelead harɛ so.

Nɛra Kura 10:9

Dɛ ba kaa jo ba harɛ ta, asɛ ba dɔma ba puu ba dɛɛ yo aa, bá hoh bɛle la. Men Korowii baa dɛ tom mɛ la ɛɛ lii ba waa, dɛ́ lɛɛ ba le ba dɔma nɔn ta.

Mmarare 13:16

Hé pa kwaa aa lɔ bwɛɛ la ta bil bwɛɛ la baah ta bela baa dɛ cheme, ásɛ dɛ kpaa nii do bwɛɛ la ne kwaa la bwa ta tɛ Korowii kɛŋɔ saraha kwaa ken. Gɛ bwɛɛ la te, ó chɔ dimɡbia, ba bɛ on vɔrɔwe kpa.

Josua 17:11

Isaaka dea tena harɛ ne Aasa dea tena harɛ ta la, Manasɛ dea tena dɔ bwɛjena. Anee Bɛt San ne Ibleam ne Dɔr ne Ɛndɔr ne Taanak ne Meɡido dɛ a bwɛɛre aa bara.

Josua 17:16

Asɛ Josef dea bii la ŋɔ, “Deŋɡarere dor harɛ waa chɔa kaa la aa kanɛ tɛ yaa, kɛ Keenan tena baa soɡe harɛpɛɛ waa chɔa kaa ta la, ba dɔ kwaa aa do kɛŋɔ torɔɡore ba vɔwa dɛɛ pɛl jaɡre, ba ne Bɛt San tena ne o bwɛɛre aa baro, dɛ banɔ la baa soɡe Jesreel Fɛlembɔjen la ta bwa.”

Aesaya 17:1

Waa aa chiɡ bwɛjen Damaskɔs Korowii bol baɡle Aesaya chaahna ta laanee nɔ. “Damaskɔs aa bwɛjen ɛɛ ba kpa, wɛɛ ba chɔɡoo dɛ́ berɛ dimɡbia chɔ.

Aesaya 11:14

Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Ɛsekeɛl 21:25

Kooro haa dɛ nyiŋi Israel nɛɛ dɛ ɛ nyubinikpeɡ te kohona, he tɔpere baa tɛr he deŋne la telo tonɛ.