Jeremia 49:14 - mzwDBL

¹⁴ Men Jeremia no Edom waa le Korowii be o ŋɔ, “N tomɛ torome bɛl harɛre nɛra be ŋɔ, ‘Hé boa he nyoa dɛ́ ir ka yo Edom tena! Hé ir ka yoo ba laa!

Jeremia 49:14 Referans Kwoze

Aesaya 30:4

A lole kɛŋɔ Juda tena toroma lɔ Ijipt bwɛjena Soan ne Hanes,

Matiu 24:6

Hɛ́ɛ no laa ɡbɔɡaa he jwɛh, ásɛ dɛɛ no ane ɡe ɡbɔɡa bojaŋa. Kɛ dɛ he ba dɛ na ɡɛ naa, he bɛ ɔmɛ. A chɛ kɛ ɡɛ waa nɔ bwa chiɡ, kɛ dɛ a laa dɛɛ chaɡle kɛ waa bwa jaɡa saŋ la telo.

Jeremia 51:46

He bɛ ɡel he bambile chɔɡ kɛɛ dɛɛ ɔmɛ, waa haa dɛ no harɛ la ta wa. Bena bɛlbwa hɛɛ dɛɛ no wefalaa, hɛɛ no yoi waa harɛ taa, kooro ne o dɔŋ kooro ɛɛ dɛɛ yoo.

Jeremia 51:11

Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.

Aesaya 37:7

No, mɛɛ ɡeloo koojen la no waane aa ɛ ɔmewa, ásɛ a ɡel o berɛ kaa o harɛ ta, ásɛ Korowii ɡel bá ka kpoo kere ne.’ ”

Jeremia 49:15

Mɛɛ ɡeloo he nɛra ɡwɛɡre harɛre nɛra bwa bini, ásɛ ba haeh, dɛɛ nyiŋi he nyubaah.