Jeremia 49:12 - mzwDBL

¹² Waa Korowii aa dɛ bol laanee nɔ. “Dɛ nɛra baa wola chɛɛ kɛŋɔ ń tɛr ba deŋne nyɔ n danana nee aa, ɛrɛɛ maa wola won tɛr he deŋne ɔ? Haa won le deŋnetɛra la nyoa, a chɛ kɛ hé nyɔ n danana ne.

Jeremia 49:12 Referans Kwoze

Obadia 1:16

N ɡelɔ n nɛra nyɔ n danana nee Saayɔn Bwejen waa do ɡoroŋ ta. Kɛ harɛre aa bara cheme nɔ nɛra ɡe ɛɛ nyɔ danana nee á ɡwaa a nɔ ka tel saŋ baa serewe.

Jeremia 46:27

“N nɛra Israel tena, he bɛ ɔmɛ, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfala ta bwa. Ásɛ he berɛ dɔ deŋnesɔɔhna ne bosɔɔhna, nomɛlbwa aa wola won aah heyaa kpa.

Jeremia 30:11

Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”

Jeremia 25:15

Korowii Israel tena aa dɛ tomɔ la ŋɔ, “Jeremia, lɛ numol nɔ, sen aa lɔ o bini do kɛŋɔ n bandia danana ne, mɛɛ ba kpɔe tɛ nɛra bá nyɔ dɛ́ tɛr ba deŋne. Kpɔ kaa harɛre nɛra maa tomɛ ba be la be, dɛ́ ɡel bá nyɔ.

Sɛɡla 17:5

He dɛ mamɛ nyaaraa, Korowii waa ta baa hɛɛ chɛɡɛ, ɡɛɛ a do dɛ he sie dɛ lɛ he dɔŋ wahala ta naa, hɛɛ ba deŋnetɛra kohona dɔe.

Matiu 20:22

Anee Yeesu ŋɔ bii la be ŋɔ, “Haa waa haa dɛ soŋe nɔ mun jemɛ. Hɛɛ wonoo nyɔ n tɛɡkpela nɔ maa dɛ ba nyɔe nɔ ane aa?” Anee ba sɛh ŋɔ, “Yaa wonoo.”