Jeremia 48:9 - mzwDBL

⁹ Hé paaɡe bwea a che tɛ Moab harɛ, dɛkalkɛ aa biɡri ba chɔɡo. Moab bwɛɛre dɛ ba dimɡbia bera, nomɛlbwa aa belaa so kpa.”

Jeremia 48:9 Referans Kwoze

Jeremia 48:28

Moab tena, hé chwa le he bwɛɛre ta dɛ́ ka so bwea dor. Hé ka sɔh he kɔne bwebɔɔne nyoo, kɛŋɔ borɔnomare ken.

Aesaya 16:2

Moab haahna lɔ Aanɔn Moo nyoa milimili, dɛ la dɛɛ ba kɛŋɔ jumbii baa doŋa le a kɔne ta ken.

Yela 11:1

Korowiirii n chwa kaa marɛ, bɔkwa waa hɛɛ ba wona ŋɔ n be ŋɔ, “Ir kɛŋɔ jumbie, dɛ́ kaa bwejen la ta,

Wepila 12:14

Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Jeremia 46:19

Ijipt tena, hé boa he laala nyoa bá lawɛ heyaa kaa bojaŋ harɛfale ta. Mɛmfes ɛɛ berɛ pua hɛŋle ɡbo harɛɛ, dɛ́ berɛ dimɡbia nomɛlbwa aa wola won so o ta.

Yela 55:6

Dɛ n dɔ kena kɛŋɔ kweah aa, n fe ɛɛ iruu kaa bojaŋ dɛ́ ka onɛ.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.