Jeremia 48:35 - mzwDBL

³⁵ Moab harɛ taa mɛɛ ba nɛra baa dɛ ɛ sarahare deŋɡarere dor, dɛɛ fuh daawiile dɛɛ tɛ ba voɡare la kpoora. Men Korowiirii bola.

Jeremia 48:35 Referans Kwoze

Aesaya 16:12

Moab tena teehno kaa bwe doa ba voɡa la ta naa, ba dɛ koh pɛɛpɛɛ. Ba la ba voɡa deene bini dɛ ka soŋa oo, aa ban komɛlbwa lee ba.

Aesaya 15:2

Debɔn tena teehnɔ kaa deŋɡare ta, bela ba voɡ aa lole dɛ́ ka wi. Moab harɛ ta nɛra bwa ɛɛ wi bwɛjena Nɛbo ne Medeba waa, dɛ́ fonɛ ba nyuune ne tampona bwa ta, aa baɡle suna dii.

Jeremia 48:7

Moab harɛ tena, hé kpɔ he te dawɛ he bokpeɡa ne kondɔɔh ta, kɛ ba dɛ ba heyaa yoi dɛ́ pɔ he nɛ, dɛ́ kpɔ voɡ Kemɔs kaa harɛfale ta, o ne o nomonome ne o kerekpoŋra.

Jeremia 11:13

Juda tena voɡare warɔ kɛŋɔ ba bwɛjena ken, asɛ kwaa baa dɛ fuh konsɔɔhsoma a ta dɛɛ tɛ ba sihihvoɡ Baal ɡe warɛ, kɛŋɔ Jerusalam fɔɡbaahna aa wara la.

Nɛra Kura 28:14

Nabal la bɛlbwa la, hé kpɔ sen pɛrɛntoa dela atoro, dɛ́ kpɔ sen pɛrɛntoa anɛ ja pebal la bɛlbwa ta, dɛ́ kpɔ sen pɛrɛntoa beŋkpoŋ ne fah ja pebiiri la ɡe ta. Anɔɔ ɛ saraha haa fuah korobie bɛlbwa ta benanyoa bɛlbwa.

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.