Jeremia 48:27 - mzwDBL

²⁷ Moab tena, Israel tena laa fa berɛ he akwekwe nɛra la aa? Saŋ bɛlbwa he dɛ bol ba wa, a do kɛŋɔ he na ba ne ŋwɛɛra aa dɛ bɔ ken.

Jeremia 48:27 Referans Kwoze

Jeremia 2:26

Gɛ ba lawɛ ŋwɛɛ sihiih yon kpoo la, ɡɛɛ sihiih kpo he Israel tena bwa, he ne he koranar, ne he nomonome ne sɔfore, dɛ n keamere bwa.

Sefania 2:8

Nemenɛ Korowii ŋɔ, “N no chɛɡra ne bammuɡli wa Amɔn ne Moab tena aa dɛ ɛ n nɛra, dɛɛ aah ba ŋɔ baa lɛ ba harɛɛ.

Ɛsekeɛl 25:8

Nemenɛ Korowii berɔ ŋɔ, “Moab harɛ tena aa ŋɔa ŋɔ Juda harɛ tena do kɛŋɔ harɛre nɛra aa kaa la nomanta,

Matiu 27:38

Belaa ba kpaa ŋwɛɛra banɛ pɛl daɡaɡra ta ja Yeesu nɛ, bɛl saɡɛ o diɡ ta, bɛl ɡe saɡɛ o ɡal ta.

Matiu 26:55

Anee Yeesu pɛɛ nɛra la ŋɔ, “Ŋwɛɛree men he kpɔ keri ne ɡule dɛɛ ba dɛ́ ba laɡ mɛ naa? Tɔpere bɛlbwaa n ne heyaa yon so Korowii Dea bela, ásɛ mɛɛ baɡle nɛra wa, kɛ he ta men bela lawɛ.

Matiu 7:2

dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Sefania 2:10

Anɔɔ dɛ́ ɛ kembɔr tɛ Moab ne Amɔn tena, mbarafo ne chɛɡra dɛ bammuɡli waa baa kpɔa ɛ Koranar Bwa Kooro nɛra la wa.

Ɛsekeɛl 36:4

Anomanta, Israel bwejena ne deŋɡarere, ne nenabɔɔne ne fɛlembɔjena, ne bwɛɛre aa chɔɡa dɛ chɔ pɛɛ, dɛ bwɛjena baa pa a laala laa ta kaa, harɛre nɛra baa bar heyaa cheme la mamɛ heya.

Ɛsekeɛl 36:2

‘He dɔma bol he waa ŋɔ, bwejaŋa aa lole saŋ la bwa la berɛ ba kwaa name.

Ɛsekeɛl 35:15

Edom tena, he sie aa lɛa ɡɛ saŋ Israel tena harɛ aa chɔ pɛɛ la, ɡɛ tentenee mɛɛ ba kpɔe ɛ heya, Sɛɛ Bwejen ne Edom harɛ bwa. Asɛ nomɛlbwa jemɛ kɛŋɔ menee Korowii.”

Jeremia 18:16

Ba harɛ ɛɛ berɛ dimɡbiaa, dɛ́ berɛ waa nɛra aa na dɛɛ mamɛ tɔpere bɛlbwa, ásɛ nɛra baa teŋa baa kaa bwa nyoa kpo dɛɛ viiɡi nyuune.

Yela 79:4

Harɛre aa bar yaa cheme nɛra dɛ chɛɡre yaa, ba kpɔ yaa berɛ akwekwe nɛra.

Yela 44:13

He ɡelɔ ya bala nyiŋi yaa dɛɛ vah, nɛra baa soɡa bar yaa dɛ mamɛ yaa.

Job Tɔn 16:4

Dɛ he fe do ɡɛ maa doa nɔ, n ɡe do ɡɛ haa doa nɔ naa, n fe ɛɛ bol waa ɡwaa heya he kwaa la berɛ dɔ wesoma.

Yela 64:8

Wɛɛ ɡeloo ba vɔrɔwa la bwa ɡure ba nyu ta, ásɛ nɛra na ba dɛɛ viiɡi ba nyuune, dɛɛ mam ba.

Wiile 1:7

Jerusalam tena lii ɡɛ saŋ baa lɔ wenaale ta dɛɛ ɡaaɡe, ne kondɛɛɡa a yoɡ aa kpeɡa ba faa dɔa la. Ba dɔma aa baa yoo ba dɛ pɔ ba nɛɛ la, nomɛlbwa toole dɛ́ won ba lɛɛ ba. Ba dɔma nyiŋi ba chɔɡa la dɛɛ mam ba.

Wiile 1:12

Jerusalam wio kɛ nɛn ken, dɛ ŋɔ nɛra baa teŋa baa kaa be ŋɔ, “Hé nyiŋ mɛ, amɔ nomɛl ɡe lole dɛɛ na n wenaale nɔ dɔŋa aa? Wenaale Korowii baah aa dia kohona o kpɔ ba ta n nɛɛ saŋ nɔ ta nɔ.