Jeremia 48:14 - mzwDBL

¹⁴ Moab tena, ɛrɛɛ hɛɛ ba wona ŋɔ, ‘Ya ɛ banyoola, baala yaa kpeɡa dɛ won laa yoi kohona ɔ?’

Jeremia 48:14 Referans Kwoze

Yela 33:16

Kooro laa tena wara laa ɡela o yo laa dɛɛ pɔ o dɔma nɛ, banyoo kpeɡri laa ɡela o yo dɛɛ le.

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 10:13

Dɛkalkɛ o dɛ bol ŋɔ, ‘N ɡbabir bokpeɡa ne n wejemaa n kpɔ ɛ waa nɔ bwa. N chɔɡ harɛre jwɛhre dɛ yoo ba dɛ pa ba kondɔɔh. Banyoo tentenee men. N ir koranar ba kora ta.

Sefania 2:10

Anɔɔ dɛ́ ɛ kembɔr tɛ Moab ne Amɔn tena, mbarafo ne chɛɡra dɛ bammuɡli waa baa kpɔa ɛ Koranar Bwa Kooro nɛra la wa.

Ɛsekeɛl 30:6

Anomanta, Korowii ŋɔ, “Ijipt chamene tena baa dɛ chao la bwa ɛɛ serewoo. O laa tena baa do kpeɡri wɛɛ ɛ mbarafo ba waa la bwa ɛɛ serewoo. Baa kpoo ba bwa laa taa le Miɡdol dɛ ba Aswan. Men Nemenɛ Korowiirii bola.

Jeremia 49:16

He mbarafo neɡre heya kohona, he dɛ lii kɛ nomɛlbwa dɛ́ ɔmɛ heya, he dɛ neɡre he te. He soɡe bɔɔne bini bwejena dor. A lole kɛ he soŋnibɔr lɔ nyundua, kɛŋɔ kee yon ka sɔh o kɔr nyundujaɡla la, kɛ mɛɛ ɡeloo he le bela le harɛ.’

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Jeremia 8:8

Ɛrɛɛ hɛɛ ba wona ŋɔ he jemɛ wa dɛ jemɛ me Mmarare la ɡeɔ? Nɛra baa dɛ chwerɛ Mmarare la bera, dɛ́ neɡre heya.

Aesaya 16:6

Ya no ɡɛ Moab tena aa dɛ ɛ mbarafo, ɡɛ baa dɛ ɡɔɔ ba te dɛɛ baɡle ba te. Ba dɛ ɛ sikpeɡ dɛɛ maŋkura ba te, kɛ a ɛ wepuu.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Yela 11:1

Korowiirii n chwa kaa marɛ, bɔkwa waa hɛɛ ba wona ŋɔ n be ŋɔ, “Ir kɛŋɔ jumbie, dɛ́ kaa bwejen la ta,