Jeremia 46:27 - mzwDBL

²⁷ “N nɛra Israel tena, he bɛ ɔmɛ, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfala ta bwa. Ásɛ he berɛ dɔ deŋnesɔɔhna ne bosɔɔhna, nomɛlbwa aa wola won aah heyaa kpa.

Jeremia 46:27 Referans Kwoze

Aesaya 43:5

He bɛ ɔmɛ, n ja he nɛ. Mɛɛ kpɔ he nɛra baa lɔ wee leebɔree ba, dɛ́ berɛ kpɔ banɔ la baa lɔ wee cholibɔr la ɡe ba ja he nɛ.

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Jeremia 50:19

Kɛ mɛɛ berɔɔ lawɛ Israel tena ba ba harɛ ta, ásɛ ba baa di kondikwaa aa lɔ Kaamɛl Bwejen ne Basan harɛ ta. Baa di kondikwaa ɡɛ bwa baa dɛ nyin Efrem ne Gelead deŋɡarere ta.

Jeremia 29:14

Kasinteŋ, hɛɛ na mɛɛ, ásɛ n lawɛ heyaa le Babelɔn harɛ haa kaa so o ta la ta, dɛ́ berɛ ba he ne he buɡ ta Jerusalam. Mɛɛ boa he nyoa le harɛre maa lɔ heyaa peɡre a ta la ta, dɛ́ berɛ ba he ne harɛ maa le he ne o ta kaa harɛfala ta la ta. Men Korowiirii bola.”

Emɔs 9:14

Mɛɛ berɔ ba n nɛra Israel tena baa laɡ ba laa ta kaa bojaŋ harɛfale ta la nee, bá ba kwaa vɔrɔwe dimɡbeeni dɛ́ so a bini. Baa parɛ daa koonii, dɛ́ nyɔ a sen, dɛ́ parɛ bodɛɛɡa, dɛ́ di kondikwa baa parɛ la.

Jeremia 33:16

A ɡɛ saŋ la, mɛɛ lɛ Juda ne Jerusalam nɛra bwaa, ásɛ ba so deŋnesɔɔhna ta. Ásɛ baa yerɛ bwɛjen Jerusalam ‘Korowii Waa ɛ Ya Lɛɛ.’ ”

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Aesaya 44:2

Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Ɛsekeɛl 39:25

Anomanta, Nemenɛ Korowii ŋɔ, “Mɛɛ berɔɔ lawɛ Jekɔb naanar baa ɛ Israel tena laanee le bojaŋ harɛfale la ta, dɛ́ sune ba nɛ, ásɛ n sɔn waa do ɡoroŋ la bɛ chɔɡ.

Ɛsekeɛl 36:24

Mɛɛ lawɛ heyaa dɛ́ boa he nyoa le harɛre la ta, dɛ́ ba he ne he ɡbaɡba harɛ ta.

Aesaya 14:3

Awola tɔpere Korowii aa tɛ heyaa ona le weweele ne hɔhɔrɔwa dɛ dochɔɡa he fa aa lɔ a ta la,

Aesaya 44:1

Korowii ŋɔ, “Israel tena haa ɛ Jekɔb naanar, hé no! He ɛ n bonɔɔna n le heyaa tɛ n te.

Jeremia 51:46

He bɛ ɡel he bambile chɔɡ kɛɛ dɛɛ ɔmɛ, waa haa dɛ no harɛ la ta wa. Bena bɛlbwa hɛɛ dɛɛ no wefalaa, hɛɛ no yoi waa harɛ taa, kooro ne o dɔŋ kooro ɛɛ dɛɛ yoo.

Ɛsekeɛl 16:53

Korowii ŋɔ, “Jerusalam tena, mɛɛ ɡeloo he na som, mɛɛ berɔ ɡel Sodom ne Samaria tena ɡe na som, dɛ́ ja he nɛ.