Jeremia 44:7 - mzwDBL

⁷ Anomanta, men Korowii Maa Ɛ Koranar Bwa Kooro, Israel tena aa dɛ tom mɛ la dɛ bɔɔ heyaa ɡɛ aa ɛa hɛɛ ɛ ɡɛ wechɔɡa nɔ aa ɡure he nɛɛ nɔ. He dɛ nyin he ba chɔɡ baala ne haahna, bechale ne bechasɔɔhne ásɛ nomɛlbwa aa ka kpa kɛɛ?

Jeremia 44:7 Referans Kwoze

Habakuk 2:10

He vɔrɔwɔ dɛ chɔɡ harɛre nɛra kohona, dɛ ɡel sihiih kpo he ɡbaɡba dem tena, dɛ berɛ ba waane ba dawɛ he nɛ.

Jeremia 51:22

Henee n kpɔ kpoo haahna ne baala, ne banjeni dɛ bonɔɔna, hale bonɔmbie ne toli bwa.

Nɛra Kura 16:38

Kwaa nɛra la aa kpoŋaa dɛ ɛ wechɔɡa dɛ fuh daawiile a ta dɛ serewe la, hé lɔɔra a paɡri dɛ́ kpɔ dɛɛ tɔ kon baa dɛ ɛ saraha o ta la ta. A te do ɡoroŋ, dɛkalkɛŋɔ ba kpɔa baa fuh daawiile Korowii sie. Hé ɡel a ɡɛ kwaa baa lɔɔra dɛ tɔ kon baa dɛ ɛ saraha o ta nɔ do le dɛ́ ja Israel tena bwa.”

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Wiile 2:11

N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.

Jeremia 44:14

Juda tena baa kaa dɛ ba so Ijipt harɛ ta la aa won le a nyoa baa wola serewe. Ba bini bɛlbwa aa won berɛ la Juda harɛ ta, bela baa dɛ nyin kɛ ba berɛ ka so ja la. Ba bwa aa won kaa, atane ba bini tamaa bane.”

Jeremia 9:21

Seo do kɛŋɔ nɛnchɔɡe dɛ che ya tokorore ta jo ya deremi. Bechale serewɔ chɔ fɔɡbaahna, asɛ bonɔɔna ɡe serewe chɔ cheremibɔra.

Jeremia 7:19

Amɔ men Korowii baahnee baa muɡli ɡɛ nɔ naa? Akai, ba ɡbabirii dɛɛ do ba te sihiih.

Sɛɡla 15:32

Nomɛlbwa waa wola jae no la ta o nyu, kɛ nɛn waa dɛ no jae la, o dɛ no waa mun.

Sɛɡla 5:22

Nɛnchɔɡe wechɔɡa do kɛŋɔ bel dɛ tɛo, o dichɔɡaa dɛɛ lawɔ.

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”

Sitɔɔla 21:11

Ba ŋɔ, “Hé kpoo baala ne haahna baa jemɛ baala bwa, dɛ́ ɡel toli baa wola baala jemɛ ka.”

Josua 6:21

Ba kpoo baala ne haahna, ne bechale ne nomonome, ne nae ne peera dɛ keeɡore aa lɔ bwɛɛ la ta, dɛ lea cheɡ tɛ Korowii.

Mmarare 32:25

Laa ɛɛ chole he nɛɛ he serewe fɔɡbaahna, ɔmee kohona chole he deremi. Toli ne bonɔɔna serewe, hale bechale ba taa dɛ ɔr ne banjeni kwara aa kae ba.

Jeremia 44:8

Ɛrɛɛ hɛɛ do mɛ bandia, dɛɛ tomɛ voɡare dɛ ɛ sarahare dɛɛ tɛ voɡare aa lɔ Ijipt harɛ ta bonɔ haa baa so nɔɔ? He dɛ ɛ ɡɛ dɛ́ chɔɡ he te, ásɛ harɛre nɛra bwa ɛɛ nyiŋi he nyubaah, dɛ́ɛ taah heya kɛɛ?

Jeremia 42:20

he kono kohona, a chɛ kɛ hé sewɛ. He ŋɔ n be ŋɔ ń soŋe Korowii yaa dɛ tomɔ ó nyiŋi he nɛ, dɛ baɡɛ nyoa ŋɔ hɛɛ teŋɛ waa waa do heyaa bwa taa.

Jeremia 26:19

Juda Kooro Hɛsɛkea ne Juda tena ta Maeka kpoe. Kooro Hɛsɛkea ɔmɛ Korowii dɛ soŋe ŋɔ o na o sum. Asɛ Korowii charɛ o liire wenaale waa ŋɔa o fe ɛɛ kpɔɔ ba ta ba nɛɛ la ta. Kɛ taraken ya berɔ dɛɛ nyin wenaale kohona dɛ́ ba ta ya nɛ.”

Jeremia 25:7

Kɛ Korowii ŋɔ he ta o be noɛ, dɛ kpɔ kwaa he ɡbabir aa kpɔ nɔɔra kwaara ir o bwaawee, a ba wenaale ne ba ta he nɛ.

Sɛɡla 8:36

Nomɛlbwa waa wola men nae la, o ɛ o te, nomɛlbwa waa hah mɛ la pɛla lawɛ seo.”

Sɛɡla 1:18

Nɛn waa do ɡɛ la dɛ harɛ o te bel, o dɛ nyin o ɡbaɡba seo!

1 Samoɛl 22:19

O ɡelɔ ba kpoo nɛra baa kaa dɛ do Nɔb waa ɛ sɔfore bwɛɛ la bwa, ne baala ne haahna, ne bechale ne bechasɔɔhne, ne nae ne keeɡore dɛ peera bwa.

Jeremia 3:24

Le ya bechale saŋee voɡare aa wola tɔnɔ bɛlbwa dɔe chɔɡ ya naawa toma baa ɛa, ba peera ne nae, ba bibaala ne bihaahna bwa.

Wiile 2:22

N Naa Korowii, he ta nɔn yerɛ nɛra cheme kɛŋɔ kondikonjena dii tɔpere, asɛ ɔmee kohona bar mɛ cheme. Awola he baah aa dia la, nomɛlbwa ta wone chwa kɛɛ dɛ le a nyoa. Dɔma kpoo n bii maa dɛɛ ba, dɛɛ nyin ba kohona.

Jeremia 25:6

He bɛ voɡare nɛɛ dɛɛ teŋɛ, ásɛ dɛɛ toma. He bɛ kwaa he ɡbabir aa kpɔ nɔɔra kwaara kpɔ ir Korowii bwaawee. He ɛ ɡɛ tenaa, waa heyaa chɔɡ.’

Jeremia 38:17

Belaa n ŋɔ Kooro Sedekia be ŋɔ, “Korowii Waa Ɛ Koranar Bwa Kooro, Israel tena aa dɛ tomɔ la ŋɔ, ‘Dɛ he kpɔ he te do Babelɔn kooro nomonome lɔɡa aa, baa hen kpo, ásɛ dɛ ɡel bwɛjen nɔ ɡe fuih, he ne he lolanar bwa ɡe dɔ he nyu.

Ɛsekeɛl 9:6

Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.