Jeremia 44:26 - mzwDBL

²⁶ He Juu tena haa soɡe Ijipt bwa, hé no waa Korowii aa dɛ bol ŋɔ o ŋwɛɛ o ɡbaɡba sɔn waa kana kɛŋɔ Juu te bɛlbwa waa soɡe Ijipt harɛ ta bobɛlbwa aa won yerɛ o sɔn ŋwɛɛ ŋɔ, ‘N ŋwɛɛ Nemenɛ Korowii waa lole.’ ”

Jeremia 44:26 Referans Kwoze

Hibru 6:13

Korowii baɡɛ Abraham nyoa. Waa baɡɔ nyoa la, komɛlbwa aa wola toole dɛ ɡwaalo la, o ɡbaɡbaa o ŋwɛɛ, dɛ ŋɔ,

Ɛsekeɛl 20:39

Nemenɛ Korowii ŋɔ, “Israel tena, hé dɛ nyin kaala ka tomɛ he voɡare aa, hé kaa. Kɛ n dɛ ŋɔ he be ŋɔ a habɔɔ la, hɛɛ baa teŋɛ n waa taa dɛ́ ɡel sarahare ka ɛɛ he voɡare ta, dɛɛ chɔɡ n sɔn waa do ɡoroŋ, dɛɛ duu mɛ.

Yela 50:16

Kɛ Korowii ŋɔ wechɔɡ-ɛɛra la be ŋɔ, “Ɛrɛɛ me Mmarare dawɛ he nyoo hɛɛ kura, kɛɛ hɛɛ bol n ne he fɔo la waa nɔɔ?

Mumpar 22:16

dɛ ŋɔ, “N ŋwɛɛ n ɡbaɡba kɛŋɔ waa nɔ haa ɛa he ta men he bibeŋkpoŋ kwaraa vɔmɛ nomanta,

Emɔs 6:8

Nemenɛ Korowii, Korowii Waa Ɛ Kpeɡri Bwa Dɔɔ ŋwɛɛ o ɡbaɡba ŋɔ, “N hah mbarafo Israel tena aa dɛ ɛ la, dɛ ki ba dekpeɡa baa soɡe a bini. Mɛɛ kpɔ bwɛjen la ne komɛlbwa waa lɔ o taa do ba dɔma nɔn ta.”

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

Hibru 3:18

Korowii aa ŋwɛɛra ŋɔ baa ona waa tɛɛ ba ŋɔ bá ba onɛ la dɔe ba la, dɛ lepetena bee o ŋɔ ɡɛ nɔɔ? Nɛra baa ɛ deŋnekpeɡ la bee o ŋɔ ɡɛ.

Emɔs 8:7

Korowii Israel tena aa dɛ tomɔ la ŋwɛɛrɔ ŋɔ, “Maa ba waa baa ɛa bɛlbwaa soh bwa.

Emɔs 6:10

Nɛra baa serewa la lole bɛl ɛɛ bao, dɛ́ ba pa lala la le dem bela, dɛ́ bɔɔ nomɛlbwa waa ka dem bela ŋɔ, “Nomɛl ta lɔ he be bonɔ kɛɛ?” Ásɛ taa bɛl chaŋe ŋɔ “Ɔɔhɔh!” Ásɛ lole la ŋɔ, “Hel! Ya nyiŋi kɛrɛdɛ dɛ bɛ Korowii sɔn yerɛ.”

Jeremia 46:18

N ŋwɛɛrɔ kɛŋɔ men Koranar Bwa Kooro aa lole saŋ bɛlbwa nɔ, menee kooro. Gɛ Tabɔ Bwejen aa jaŋa ɡwaa bwejena bwa asɛ Kaamɛl Bwejen ɡe do jaŋne che mpo nyoa la, ɡɛɛ nɛn waa ba yo heyaa la kpeɡri ɛɛ ba doe.

Jeremia 22:5

Kɛ dɛ haa waa maa do heyaa a ta teŋaa, amɔ te men Korowii, n dɛ ŋwɛɛ n ɡbaɡba kɛŋɔ koodem nɔ bwa ɛɛ kuuɡuu dɛ́ berɛ dimɡbia.”

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Aesaya 62:8

Korowii baɡɛ nyoa, dɛɛ ba ɡela a che o kpeɡri ta ɛ ɡɛ. O ŋɔ, “Maa ɡel he dɔma dɔ he mea di kpa, nɛŋhɔɔhra ɡe aa he senee dɔ nyɔ kpa.

Yela 89:34

Maa n ne o fɔo yaa fɔwa laanee chɔɡ, kɛɛ dɛ́ charɛ nyoa maa baɡɔ la beŋkpoŋ kwara.

Nɛra Kura 14:28

Anomanta, ŋɔ ba be ŋɔ, ‘Men Korowii taa lole nɔ, wobɛlbwa aa le nɛn nyoa n no la taa mɛɛ ba teŋa dɛ́ ɛ tɛo.

Jeremia 24:8

Kɛ fiɡ nɔnchɔɡa baa wola won dia la te, men Korowii ŋɔ ɡɛɛ mɛɛ ba Juda Kooro Sedekia ne o nomonome, ne nɛra baa kaa dɛ do Jerusalam ɛɛ. Hale ba lɔ bonɔ harɛ nɔ ta, kɛɛ dɛ ka so Ijipt harɛ ta kwaraa noo.

Jeremia 44:24

Belaa men Jeremia ŋɔ nɛra la ne haahna la bwa be ŋɔ, “He nɛra haa le Juda harɛ dɛ kaa Ijipt harɛ ta, hé no waa Korowii aa dɛ bol.

Jeremia 49:13

N ŋwɛɛ n ɡbaɡba kɛŋɔ bwɛjen Bosra ɛɛ paɡroo dɛ́ berɛ dimɡbia, ásɛ dɛ berɛ kon nɛra aa na dɛɛ mamɛ, dɛɛ taahno ba bambile teŋe kohona. Bwɛɛre aa baro bwa ɡe ɛɛ chɔɡoo kwaraa saŋ bɛlbwa dɛɛ la. Men Korowiirii bola.”

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Jeremia 44:11

Anomanta, men Koranar Bwa Kooro, Israel tena aa dɛ tom mɛ la sie ɛɛ beɡre he nɛɛ, dɛ́ kpɔ wenaale ba he nɛ, dɛ́ chɔɡ Juda harɛ bwa.

Jeremia 44:14

Juda tena baa kaa dɛ ba so Ijipt harɛ ta la aa won le a nyoa baa wola serewe. Ba bini bɛlbwa aa won berɛ la Juda harɛ ta, bela baa dɛ nyin kɛ ba berɛ ka so ja la. Ba bwa aa won kaa, atane ba bini tamaa bane.”

Jeremia 51:14

Koranar Bwa Kooro ŋwɛɛ o ɡbaɡba ŋɔ, “Mɛɛ kpɔ laa tena baa wara kɛŋɔ tontombɛɛ bá yo heya, ásɛ dɛ pɔ he nɛɛ dɛɛ moo silɛɛ ne.”