Jeremia 44:14 - mzwDBL

¹⁴ Juda tena baa kaa dɛ ba so Ijipt harɛ ta la aa won le a nyoa baa wola serewe. Ba bini bɛlbwa aa won berɛ la Juda harɛ ta, bela baa dɛ nyin kɛ ba berɛ ka so ja la. Ba bwa aa won kaa, atane ba bini tamaa bane.”

Jeremia 44:14 Referans Kwoze

Tɔn Pɔɔl Aa Chwerɛ Rom Tena 9:27

Aesaya bol Israel tena waa ŋɔ, “Dɛ Israel tena warɔ kɛŋɔ mpo nyoa hɛŋle kwaraa naa, ba bini tamaa kenii Korowii ɛɛ ba lɛɛ.

Jeremia 42:17

Kasinteŋ, banɔ la bwa ba siwi aa beɡra kɛ bá kaa Ijipt harɛ ta la, laa ne lɔr dɛ weechɔɡaa dɛ́ kpoo ba. Beŋkpoŋ ɡba aa won chwa le wekpeɡa maa kpɔa dɛɛ ba ba nɛɛ la ta.’

Aesaya 10:20

Gɛ saŋ la, Israel tena baa kaa la aa hwɛɡaa dɔ Asiiria koojen waa lɔ ba harɛ la nɛɛ kpa. Korowii Israel Nɛŋɡoroŋ la nɛɛ baa ba ba kpɔ ba te dawɛ kasinteŋ ne.

Aesaya 4:2

Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Tɔn Pɔɔl Aa Chwerɛ Rom Tena 2:3

Kɛ he te, waa haa dɛ pwah nɛra a waa la, anee he ɡee ɛ. He dɛ lii kɛŋɔ Korowii aa he te waa bola ba dɛ́ pa bole kɛɛ?

Matiu 23:33

Nɛnchɔɡa kɛŋɔ harɛkwa, domkpuli bii! Ɛrɛɛ hé ɛ haa wola Bɔnsam nii taa joɔ?

Jeremia 42:22

Anomanta, hé lii waa nɔ. Laa ne lɔr, dɛ weechɔɡaa dɛ́ kpoo heya, harɛ haa dɛ nyin he ka so o ta la ta.”

Jeremia 22:10

Juda tena, he bɛ Kooro Josia wi, he bɛ o lwe kwaraa ɛ. Kɛ hé wi tɛ o bibaa Joahas kohona, dɛkalkɛ baa lawɔɔ kaa bojaŋ harɛfale ta waa wola berɛ ba kpa, waa harɛ baa lolɔ o taa na kpa.

Ɛsekeɛl 6:8

Wɛɛ ɡeloo he bini bane dɔ he nyu, bá lawɛ heyaa peɡre kaa harɛre ta.

Jeremia 44:26

He Juu tena haa soɡe Ijipt bwa, hé no waa Korowii aa dɛ bol ŋɔ o ŋwɛɛ o ɡbaɡba sɔn waa kana kɛŋɔ Juu te bɛlbwa waa soɡe Ijipt harɛ ta bobɛlbwa aa won yerɛ o sɔn ŋwɛɛ ŋɔ, ‘N ŋwɛɛ Nemenɛ Korowii waa lole.’ ”

Ɛsekeɛl 20:38

Mɛɛ lawɛ deŋnekpeɡ tena baa lɔ he bini nɔɔ le bela baa soɡa taraken nɔ. Maa ɡel ba naa tire Israel harɛ. Ásɛ he jemɛ kɛŋɔ menee Korowii.’ ”