Jeremia 43:4 - mzwDBL

⁴ Anomanta, Johanan kɛɛ laa nomonome la bɛlbwa, dɛ nɛra la bɛlbwa ta waa Korowii aa do ba ta teŋɛ, dɛ ta so Juda harɛ ta bela.

Jeremia 43:4 Referans Kwoze

Jeremia 44:5

Kɛ he ta deŋne cheɡɛ, á ba ɛ kɛŋɔ hɛɛ no ba bee. Haa nyin kɛ he ɡel wechɔɡa haa ɛa dɛ ɛ sarahare dɛɛ tɛ voɡare la.

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

Wejereme 9:16

Anomanta, n ŋɔ, “Wejema ɡwaa kpeɡri.” Kɛ baa la waa nyaa dɛ dɔ wejema la, nɛra ta on bui, nomɛlbwa ta o waa kwaraa liire kpa.

2 Koranar 25:26

Aa ba ɡɛ la, Juda tena nyaara ne kpeɡnɛra bwa, dɛ ba laa nomonome la chwao kaa Ijipt harɛ ta, dɛkalkɛ ba dɛ ɔmɛ Babelɔn tena.

Jeremia 41:16

Ismael aa kpo Gedalia habɔɔ la, Johanan ne laa nomonome la bwa baa ja o nɛɛ la tɔ nɛra baa ka Mispa Ismael fe laɡ ba dɛɛ kaa la sie. Haahna ne laa tena, bechale dɛ koodem nomonome baa le Gebeɔn bwa.

Jeremia 42:8

Anomanta, n yerɛ Karea bibaa Johanan, ne laa nomonome bwa baa ja o nɛɛ la, dɛ nɛra baa jaa bwa,

Jeremia 42:21

Taraken, n bol he be, kɛ he vɛh waa Korowii aa tom mɛ n ba bol he be la bwa.