Jeremia 42:6 - mzwDBL

⁶ Dɛ a wer kɛɛ aa were kwaraa naa, yaa teŋɛ Korowii yaa dɛ tomɔ waa taa, o bee ya tomɛ la. Ya dɛ teŋɛ o waa bwa ta naa, ya wobɛlbwa ken ɛɛ won do wer tɛ yaa.”

Jeremia 42:6 Referans Kwoze

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Tɔn Pɔɔl Aa Chwerɛ Rom Tena 8:7

Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

Mmarare 5:33

Waa Korowii aa do heyaa a ta la taa chɛ kɛŋɔ hé do sie, ásɛ dɛ dɔ he nyu á chiɡ heyaa kɛrɛdɛ, dɛ́ dɔ mkpajaŋ harɛ haa dɛ la ka so o ta la.”

Tɔn Pɔɔl Aa Chwerɛ Rom Tena 7:13

Aah dɛ kon waa wera nɔ, o taa a berɛ che mɛɛ ba seo dɔe yaa? O ta laa. Liichɔɡaa cheɡɛ kon waa wera ta dɛ ɡel n dɔ seo, dɛ baɡle o dor ásɛ n jemɔ kɛrɛdɛ. Mmara la taa a che asɛ ya jemɛ kɛŋɔ liichɔɡa doŋo, aa wola were kwaraa.

Tɔn Pɔɔl Aa Chwerɛ Rom Tena 7:7

Aa do ɡɛ nɔ, dɛ Mmara la aa were kɛɛ? O wer, kɛ on ɡela n jemɛ kɛŋɔ komɛl lole baa yerɔ wechɔɡa. Dɛ Mmara la fe ta ŋɔe ŋɔ nɛwɛnyini bɛ ɡel o sie beɡre o dɔŋ kon aa, n fe aa jemɛ kɛŋɔ sibeɡra aa were.

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Yela 128:2

Naate ɛɛ di o koeh tɔnɔɔ, dɛ́ na som o wobɛlbwa do wer tɛo.

Josua 24:24

Asɛ ba ŋɔ, “Korowii yaa dɛ tomɔ la ɡboo yaa ba toma, dɛ́ɛ teŋɛ waa waa do yaa a ta la ta.”

Kaala 24:7

Ate, dɛ kpɔ Korowii Ne Nɛwɛnyina Fɔo Tɔn la kure baɡle nɛra la. Ba bwa sɛh ŋɔ, “Yáa ɛ wobɛlbwa Korowii aa ŋɔa laanee, yaa dɛɛ teŋɛ a taa.”

Mmarare 5:27

Hen Mosis, la dɛ́ ka no waa bwa Korowii yaa dɛ tomɔ aa dɛ ba bola, dɛ́ ba ŋɔ ya be. Yaa noo dɛɛ teŋɛ a ta.’

Jeremia 22:15

He do dem dɛ kpɔ peleme daa kwaaro waa, anee dɛ́ ɡel nɛra ŋɔ he ɛ kooro kɛɛ? Kondikwaa ne sen fa ta he mɛɛ nyae, kɛ o ɛ anɔ la aa wera dɛ toɡre, anomanta, o wobɛlbwa wer dɛ tɛo.

Jeremia 43:4

Anomanta, Johanan kɛɛ laa nomonome la bɛlbwa, dɛ nɛra la bɛlbwa ta waa Korowii aa do ba ta teŋɛ, dɛ ta so Juda harɛ ta bela.

Yela 78:36

Kɛ dɛ neɡra ɡboo baa neɡro, ba wobɛlbwa ta kasinteŋ ɛɛ.