Jeremia 42:2 - mzwDBL

² ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.

Jeremia 42:2 Referans Kwoze

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

Lewi Dea Tena 26:22

Mɛɛ ɡeloo kpɔɡ bini olchɔɡa ba jo he bini, dɛ́ ba kpoo he bii, dɛ́ chɔɡ he kondɛɛra bwa soo siwi. He bini tamaa kenii dɛɛ ba kae, anomanta, he ŋwɛnɛre ɛɛ chɔ pɛɛ.

Jems 5:16

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

We-ɛɛla 8:24

Anee Seemɔn ŋɔ Pita ne Jɔn be ŋɔ, “N poo heya, hé soŋe Korowii tɛ mɛ ásɛ waa haa dɛ bol nɔ bɛlbwa bɛ men ɛ.”

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

1 Samoɛl 12:19

Ate, nɛra la bwa ŋɔ Samoɛl be ŋɔ, “Soŋe Korowii haa dɛ tomɔ la, ásɛ yan yaa ɛ he bonɔɔna nɔ bɛ serewe. Ya wechɔɡa la habɔɔ, ya berɔ ɛ wechɔɡa kɛŋɔ yaa ŋɔa ya dɛ nyin kooro la.”

1 Samoɛl 7:8

Israel tena la ŋɔ Samoɛl be ŋɔ, “Bɛ soŋa haa cheɡɛ ya naa ta soŋe le Korowii yaa dɛ tomɔ be la ɡel. Ó lɛ yaa le Filisti tena nɔn ta.”

Jeremia 37:20

Taraken n naa kooro, cheɡ deŋne dɛ́ no waa maa dɛ ba he bɔɔra nɔ dɛ́ ɛ tɛ mɛ. N dɛ soŋe kɛ he bɛ men kpɔ ka do dea Jonatan dem bela kpa. He ɛ ɡɛ naa, sewaa chɛ kɛ n den sewɛ.”

Jeremia 37:3

Belaa Kooro Sedekia tomɛ Sɛlɛmia bibaa Jehukal, ne Maaseya bibaa sɔfo Sefania ŋɔ ń che ba naa ta soŋe Korowii yaa dɛ tomɔ la tɛ ya harɛ nɛra.

1 Koranar 13:6

Asɛ kooro la ŋɔ Korowii keame la be ŋɔ, “N poori, soŋe Korowii haa dɛ tomɔ la tɛ mɛ ásɛ o chah n nɔn nɔ!” Ate, Korowii keame la soŋe Korowii, asɛ kooro nɔn la berɛ do ɡɛ o fa aa doa wubwa la.

Mmarare 28:62

Hɛɛ warɔɔ kɛŋɔ weweela, kɛ dɛ he ta Korowii haa dɛ tomɔ nɔ waa ta teŋɛ aa, he bini tamaa kenii dɛ́ ba ka.

Kaala 8:28

Anee Ijipt kooro ŋɔ, “Mɛɛ tɛ ŋwɛnɛɛ he la ka kpo kwaa tɛ Korowii haa dɛ tomɔ la pua hɛŋle ɡbo harɛ ta, kɛ he bɛ bojaŋ kaa. Hé soŋe Korowii tɛ mɛ mɔɔ.”

Matiu 24:22

Kɛ dɛ Korowii fe ta tɔpera la ane teŋe ta aa, nomɛlbwa fe aa o nyuu dɔ. Anomanta, ɡɛ aa ɛ ásɛ Korowii nɛra waa chal ba dɛ lɛɛ ba la dɔ ba nyu la, o teŋe tɔpechɔɡa la ane ta.

Ɛsekeɛl 12:16

Mɛɛ ɡel ba bini tama banee ba bɛ laa ne lɔr dɛ weechɔɡa nyoa ka, ásɛ dɛ ka lii waa maa kia ba ɛa la harɛre baa chwaa kaa a ta la ta. Ásɛ dɛ che a ta jemɛ kɛŋɔ menee Korowii.”

Jeremia 42:20

he kono kohona, a chɛ kɛ hé sewɛ. He ŋɔ n be ŋɔ ń soŋe Korowii yaa dɛ tomɔ ó nyiŋi he nɛ, dɛ baɡɛ nyoa ŋɔ hɛɛ teŋɛ waa waa do heyaa bwa taa.

Jeremia 21:2

“Bɔɔ le Korowii be tɛ yaa, dɛkalkɛ Babelɔn Kooro Nebukadnesa dɛ ba ba yo yaa. Korowii ken ɛɛ ɛ nyokpo waanee tɛ yaa kɛ saŋ la, ásɛ o berɛ habɔɔ kaa.”

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.

Kaala 9:28

Soŋe Korowii tɛ yaa. Bwaala kɔɡra ne dombwea la ɡwaalɔ to. Mɛɛ ɡeloo he kaa, maa heyaa lawɛ so kpa.”

Jeremia 15:11

Korowii ŋɔ, “Kasinteŋ, mɛɛ lɛ heyaa, ásɛ wobɛlbwa maɡre tɛ heya, dɛ́ ɡel he dɔma ba ɡuŋi heyaa harɛ, he wenaale ne suna dii tɔpera ta.

Jeremia 38:14

Ate, Kooro Sedekia tomɛ ŋɔ bá ka yerɛ men Jeremia ba doonyotooro te waa lɔ Korowii Dea bela la ta, asɛ dɛ ŋɔ n be ŋɔ, “N dɛ ba hen waane bɔɔra, kɛ na kɛŋɔ haa wobɛlbwaa kpɔ sɔɔh mɛ.”

Jeremia 40:15

Belaa Karea bibaa Johanan sɔh ka ŋɔ Gedalia be Mispa ŋɔ, “Tɛ mɛ ŋwɛnɛ n sɔh ka kpo Nɛtanea bibaa Ismael, nomɛlbwa aa wola na. Ɛrɛɛ chɛ kɛ o kpoe asɛ Juu tena baa ja he nɛɛ bonɔ nɔ lɔ peɡre dɛ kpɔ sibeɡra ba ta nɛra baa kaa dɛ ta so bela nɛɛ nɔɔ?”

Hosia 8:10

Ba yoɡ ba te tɛ ɡɛ te, kɛ taraken mɛɛ berɔ boa ba nyoa. Baa na hɔhɔrɔwa kohonaa Asiiria koojen nɔn ta.

Emɔs 7:2

Tontombɛ la balɔ, dɛ ba chɔɡ konlwɛɛ te bɛlbwa harɛ la ta, asɛ n ŋɔ, “Nemenɛ Korowii, ɡel kɛ he nɛra! Ɛrɛɛ he nɛra ɛɛ ba wona so nɔ? Ba nɔn ta kao!”

Mmarare 28:63

Gɛ Korowii tea aa too he waa kɛŋɔ wɛɛ ɡeloo he do wer, ásɛ dɛ berɛ ɡel he ya la, ɡɛ tentenee o tea ɛɛ ba toora he chɔɡa dɛ ta wa, dɛ́ chuɡri heyaa le harɛ haa dɛ la ka so o ta nɔ ta.

Yela 119:170

No n wesoŋa, dɛ́ lɛɛ mɛ ɡɛ haa baɡ mɛ nyoa la.

Aesaya 42:20

Israel tena, waa haa kpɔ siwi na warɔ taeh, he ta sie a ta doe. He dɔ deŋne dɛ́ no waa kɛrɛdɛ, kɛ haa deŋne cheɡ.”

Jeremia 2:27

He dɛ yerɛ daa, ‘N dɔɔ,’ dɛ ŋɔ bwe ɡe be ŋɔ, ‘Henee lol mɛ.’ He berɛ habɔɔ kpo mɛ, kɛ dɛ waane baa puu heyaa tenaa he yon ŋɔ, ‘Korowii, ba dɛ́ ba lɛ yaa!’