Jeremia 41:9 - mzwDBL

⁹ Kɔlɔŋ la Ismael aa pa Gedalia ne nɛra waa kpoo ba ka ta o bini la, o ɛ Kooro Asa kɔlɔŋ waa kwiu ɡɛ saŋ Israel Kooro Baasa aa baa yoo laa. Nɛra waa kpoo ba la su kɔlɔŋ la.

Jeremia 41:9 Referans Kwoze

2 Samoɛl 17:9

Maa dɛ ŋɔ nɔ, o ka sɔh bwebɔɔ bɛl bini kɛɛ bobɛl kwara. O tɔ sie kpɔ o laa tena ba yoi asɛ nomɛlbwa no a wa aa, wɛɛ ŋɔɔ o pɔ he nɛ.

1 Samoɛl 13:6

Israel laa tena la aa naa kɛŋɔ a kpeɡri tɛɛ ba name la, ba chwao ka sɔh bwebɔɔne ne sɔɔhne bini, ne bwea ne bɔɔne dɛ kɔlɔŋa bini dɛ́ lɛ ba nyuune.

Sitɔɔla 6:2

Midian tena nyu bini aa baa do kpeɡri Israel tena nɛɛ kohona la, ba chwao kaa bwejena bɔɔne bini ne bela baa wola ban na, dɛ kpɔ bela berɛ deene dɛ so a bini.

Hibru 11:38

Dɛ nɛra baa dɔ harɛ nɔ ta ɡbo liire ta chɛɛ kɛ ba ne a ɡɛ Korowii nɛra baa ɛ nɛnjena nɔ pɛ so. Ba ta soŋnibɔr dɔe, dɛ do pua hɛŋle ɡbo harɛ ne bwea dor dɛɛ ɡaaɡe, dɛɛ so bwebɔɔne ne bɔpɛɛne bini.

1 Samoɛl 24:3

Kooro Sɔɔl baa tel peera leɡa ane aa lɔ ŋwɛnɛ la nyoa bwebɔɔ bɛl bɔr, asɛ o jo o bini ka kwaa o te. Dɛ Devid ɡe ne o nɛra lɔ bwebɔɔ la jaɡa.

1 Samoɛl 14:22

Israel tena baa sɔh Efrem deŋɡarere ta aa noa kɛŋɔ Filisti tena la dɛ chwa la, ba kaa ja ba bala Israel tena la nɛɛ laa la ta, dɛ chwa ti ba dɛɛ yoo ba.

1 Samoɛl 14:11

Anomanta, Jonatan ne o bonɔɔ la ɡelɔ Filisti tena la na ba. Asɛ Filisti tena la ŋɔ, “Hé na, Hibru tena la bane huuhno le bɔɔne baa chwaa ka sɔh a bini la bini dɛɛ ba.”

Aesaya 14:19

Kɛ he te, ba kpɔe viɡri kɛŋɔ baa teŋe daa ta ken, ba ta hen huɡe. Nɛra baa ka laa ta la lalaa tɔ he nɛ, ba kpɔ he ne ba bwa ta bwebɔɔ bini dɛ tiɡri he nɛ.