Jeremia 4:20 - mzwDBL

²⁰ Wekpeɡa ane balaa, dɛ ane teŋɔ, harɛ la bwa berɛ dimɡbia. Kerabeŋkpoŋ dɛ n tɛnte deene maa soɡe a ta bwa chɔɡɔ.

Jeremia 4:20 Referans Kwoze

Yela 42:7

He ɡelɔ bɔchuubu nee lɔ dɛɛ kpɔ n nɛ mɛɛ di suna, kɛŋɔ nɛn nee aa sua dɛ kpɔɔ kaa ken.

2 Tesalonika 1:9

dɛ́ per ba le o be. Baa o kpeɡri aa ɡela o dɔ jirima laanee na kpa, ásɛ o kpɔ hɔhɔrɔwa aa wola jaɡa dɔe bwa ta ba nɛ.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Wiile 3:47

Ya na ɔmewaa kohona, ba harɛ yaa nafuɡere, ba lawɛ yaa dɛ kpoo yaa.

Jeremia 17:18

Gel sihiih kpo nɛra baa cheɡɛ n nɛ, kɛ bɛ ɡel sihiih kpo mɛ. Gel ɔmee laɡ ba kohona, dɛ laa ɔmee kohona kpɔ n nɛ. Gel ba na he sibeɡra tɔpere la, dɛ́ chɔɡ ba, dɛ́ berɛ chɔɡ ba ja.”

Aesaya 33:20

Hé nyiŋi Saayɔn, bwɛjen yaa dɛ di tɔpejena o ta la. Hɛɛ nao kɛŋɔ Jerusalam dɔ deŋnesɔɔhna ne soɡa, kɛŋɔ tɛnte dea waa cheɡɛ o buɡ ta, saŋ bɛlbwa, o daa baa kpaara do harɛ dɛ kpɔ baŋro la aa fome kpa bwa, ɡɛɛ o ɡboɡbie ɡe aa wola chaa.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Lewi Dea Tena 26:24

n ɡbabir ɛɛ beɡre sie he nɛɛ, dɛ́ tɛr he deŋne kohona a ɡwaa loɡla kwaa la bele anuanɛ ja.

Lewi Dea Tena 26:21

He ta teŋɛ he deŋnekpeɡ la ta haa n waa ta teŋaa, mɛɛ berɔɔ ja he deŋnetɛra la ta bele anuanɛ.

Lewi Dea Tena 26:18

Hale anɔ bwa habɔɔ dɛ haa n be no aa, mɛɛ berɔ ja he deŋnetɛra ta bele anuanɛ.

Kaala 33:5

Dɛ Korowii fa ŋɔ Mosis bol Israel tena la be ŋɔ, “He ɛ deŋnekpeɡ nɛra. Dɛ n ŋɔ n ne he kaa laa, dahara bonɔ tentenee n fe kpoo heya. Amɔ bɛlbwa laa o suuɡaswɛm kwaa la kpɔ, ásɛ mɔɔ n na ɡɛ maa ɛ heya.”

Habakuk 3:7

N na Kusan tena tɛnte deene bini baa ɔmɛ taeh, ɡɛɛ Midian tena ɡe bwara ɛɛ sa ba tɛnte deene bini.

Jeremia 4:6

Hé ir fraŋkaa chaɡɛ Saayɔn. He bɛ hɛlɛ, hé chwa dɛ́ lɛ he nyu. N kpɔ wenaale le weekaŋle nyunduabɔr dɛɛ ba, chɔɡa tenten nee mɛɛ ba he nɛ.”

Aesaya 54:2

Paɡri he tɛnte dea kɛrɛdɛ ó do kan. Gel o ŋwɛɛra do jaŋne, dɛ́ kpaa daa haa kpɔa baŋro la, á kaa bini.

Aesaya 47:9

Gɛ webele anɛ nɔ ɛɛ piɡri tɔpebeŋkpoŋii. Ane he kaberere bwa, hɛɛ di bisewee, he jaa sewɛ.

Yela 72:19

Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.

Nɛra Kura 16:45

“Hé laa he te kpɔ ɡɛ nɛra nɔ bini, ásɛ n won kpoo ba buɡ nɔ ta ba waa tonɛ.” Asɛ Mosis ne Arɔn kpɔ ba sie pi harɛ dɛ soŋe Korowii.

Nɛra Kura 16:21

“Hé pere he te le ɡɛ nɛra nɔ nɛ, ásɛ n won kpoo ba, ba waa den tonɛ buɡ nɔ ta.”

Lewi Dea Tena 26:28

ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la.

Aesaya 15:5

N bambile dɛ wee mɛ Moab tena wa. Nɛra baa soɡe harɛ la ta chwao kaa Soar, hale dɛ ka tel Eɡlat Sɛleseya. Bane teehnɔ kaa Luhit, baa dɛ kaa la bwa, dɛ ba ne wii. Bane chwao kpɔ Horonaim ŋwɛnɛ dɛɛ wi ba chɔɡa wa.

Jeremia 4:21

Saŋ besoo laa fraŋkaare, ne bɛle hoeh nɔ ɛɛ ba ɡela ɔ?”

Jeremia 4:27

Waa Korowii aa dɛ bol laanee nɔ, “Harɛ la bwa dɛ́ ba dimɡbia bera, kɛ maa den chɔɡ o bwa kwaraa.

Jeremia 12:11

O berɛ pua hɛŋle ɡbo harɛ, dɛ chɔ pɛɛ n siwi ta. Harɛ la bwa ɛɛ chɔɡoo, dɛkalkɛ nomɛlbwa waane laa o wa.

Jeremia 9:18

Anee nɛra la ŋɔ, “Hé ɡel ba ba warane, dɛ́ ba taa wiile tɛ yaa, ka tel kɛŋɔ siniire aa su ya sibie dɛɛ yɔɔ yaa.