Jeremia 4:17 - mzwDBL

¹⁷ Ba cheɡɔ bar Jerusalam kɛŋɔ baala aa dɛ daah koo, dɛkalkɛ o nɛra ɛɛ mɛ deŋnekpeɡ. Men Korowiirii bola.’

Jeremia 4:17 Referans Kwoze

Jeremia 5:23

Kɛ he nɛra nɔ te, he ɡɛnɔ dɛ ɛ bambikpeɡ nɛra. He berɛ habɔɔ kpo mɛ dɛ ɡel n toma ɛɛ.

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Aesaya 30:9

Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.

Aesaya 1:8

Jerusalam chɔ pɛɛ kɛŋɔ kuku waa cheɡɛ daa koo ta ken, kɛŋɔ kuku waa cheɡa pɛɛ mea koo ta ken, kɛɛ bwɛɛ baa baro cheme dɛɛ ba o yoi ken.

Nehemia 9:30

He dɔ bambile tɛɛ ba bena bɛlbwa, dɛ che he Doma ta ɡel he keamere bol waa baɡ ba, kɛ ba ta noɛ, asɛ he kpɔ ba do harɛre nɛra nɔn ta, ba yoo ba dɛ pɔ ba nɛ.

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Mmarare 9:24

Le ɡɛ saŋ maa jemɛ heyaa bwaa he le ɛ Korowii lwɛmkpeɡ.

Jeremia 52:4

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.