Jeremia 4:13 - mzwDBL

¹³ Korowii ŋɔ, “Hé na, dɔm la dɛ ba kɛŋɔ baama ken, kwaa aa do kɛŋɔ torɔɡore ɡee ba kɛŋɔ kawulewule, o jaɡre ɡbaŋre ɡwaa kɔle.” Nɛra la ŋɔ, “Ya bwɛɛlɛ, ya bwa serewɔ!”

Jeremia 4:13 Referans Kwoze

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.

Habakuk 1:8

Ba jaɡre ɡbaŋre ɡwaa nonietena, dɛ do ɔma ɡwaa ɡboli lɔr aa dɛ kpoa jɔmɔra. Ba nɛra baa soɡe jaɡre ta ɡe le bojaŋa, dɛ chwa kohona dɛɛ ba, kɛŋɔ kokosakire yon ir le nyundua ba harɛ baa di ol la.

Wiile 4:19

Ba ɡbaŋre ɡwaa kɛŋɔ kee yon le nyundua la ken, dɛ ba tɔ ya nɛ. Ba ti yaa bwejena dor, dɛ ka sɔh dɛɛ kpaah yaa pua hɛŋle ɡbo harɛ ta.

Aesaya 5:28

Ba hɛma nyɛɡre, ba harɛ ba tori dɛɛ ba tae. Jaɡre baa soɡe a ta la nafikokore kpeɡri kɛŋɔ kwɛrboɔ ken. Kwaa aa do kɛŋɔ torɔɡore nakpale dɛ kile kohona kɛŋɔ kawulewule ken.

Neehum 1:3

Korowii baah aa di warawara, o dɔ kpeɡri kohona. Waa wechɔɡ-ɛɛ bɛlbwaa ɡel dɛ o ta o deŋne tɛrɛ. Bobɛlbwa Korowii aa dɛ valɛ la, belaa kawulewule ne dompeu ɛɛ ta, asɛ baama ɛ o nakpale tutuɡ.

Aesaya 13:5

Ba le harɛre jaɡa bojaŋ dɛɛ ba. Bandia nee Korowii ɛɛ ba ba ne, bá ba chɔɡ harɛ la bwa.

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.

Jeremia 4:31

N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.

Matiu 24:30

A taa hɛɛ ba waane nyundua nae a chaɡle Men Nɛn Bie la kpeɡri, ásɛ harɛ nɔ ta nɛra bwa na dɛ́ wi, ásɛ dɛ na kɛŋɔ Men Nɛn Bie la aa le nyundua baama bini dɛɛ ba kpeɡri ne jirima tenten ne.

Hosia 8:1

Korowii ŋɔ Israel tena be ŋɔ, “Hé hoh laa bɛla. He dɔma dɛ ba he nɛɛ kɛŋɔ kee aa le nyundua dɛɛ tu la, chɔɡa haa chɔɡ n ne he fɔo, ne deŋnekpeɡ haa ɛa men Mmarare ta la wa.

Daneɛl 7:4

“Oljen waa tɔ sie la do kɛŋɔ nyujente, dɛ dɔ kena kɛŋɔ kee ken. Maa nyiŋa na la, ba tu o kena la le o nɛɛ dɛ lawɔ ir, o che o nakpale anɛ ta kɛŋɔ nɛn ken, asɛ o dɔ nɛn liire ɡe.

Jeremia 10:19

Jerusalam tena dɛ dooɡe lɔŋɔre ŋɔ, “Ya na wa, bola baa do yaa wa! Yaa won chah ya ŋwɛra! Ya liiro kɛ yaa koh ya weela taa, kɛ yaa le a nyoa.

2 Samoɛl 1:23

Kooro Sɔɔl ne Jonatan waa wer ba soɡa bini dɛ dɔ nyokpoa kohona, ba baah ta pere ba seo bini bwa. Ba ɡbaŋre ɡwaa kee bɛlbwa, dɛ do kpeɡri ɡwaa nyujentena.

Aesaya 3:8

Jerusalam paɡrɔ, Juda harɛ ɡe chɔɡ. Nɛra baa lɔ bela nyoa wobol ne ba we-ɛɛla dɛ jo Korowii nɛ. Ba pili nyoa dɛɛ chɛɡɛ Korowii waa ɛ jirima te la.

Jeremia 4:12

Peu waa kpeɡa kohona dɛ́ le Korowii be ba laanee. O dɛ́ ba ba waa bola dɛ́ pa bole name.

Jeremia 9:19

Hɛ́ɛ no wii ɡbɔɡa aa dɛ le Saayɔn. Ba ŋɔ, ‘Akwe, ya chɔɡɔ! Sihiih kpo yaa kɛrɛdɛ. A chɛ kɛŋɔ yá le ya harɛ nɔ ta, ya soŋnibɔra bwa paɡrɔ.’ ”

Jeremia 49:22

Hé na, dɔma dɛ́ ba ba yo Bosra tena, kɛŋɔ kee yon le nyundua dɛ́ paɡri kena dɛ́ ba ta jal la ken. Awola tɔpere la, Edom banyoola ɛɛ ɔmɔɔ kohona, kɛŋɔ haah loltea aa lɔɔ la ken.”

Ɛsekeɛl 26:10

Ba dɔma Babelɔn tena la jaɡre ɛɛ warɔɔ, a ɡel tutuɡ bɔle ba nɛ. Kwaa aa dɔ tɔre baa taɡa kɛ torɔɡo, ne anɔ la baa vɔwa pɛl jaɡre kpɔ bwɛjen la doonyoa la ta jo he be naa, a ɡbɔɡa ɛɛ yiiɡi danjwɛɛ laanee.

Ɛsekeɛl 38:9

O ne o laa tena ne harɛre ta nɛra baa ja o nɛɛ la ɛɛ warɔɔ, dɛ́ ba harɛ la ta kɛ peukpeɡ, dɛ́ ba tɔ harɛ la ta bobɛlbwa kɛŋɔ bam ken.

Daneɛl 11:40

Aa ba ka tama Siiria kooro waa ba a jaɡa la, Ijipt kooro ɛɛ ba yoo laalee, ásɛ Siiria kooro la kpɔ kwaa aa do kɛ torɔɡore, ne laa tena baa soɡe jaɡre ta, ne stiimaere aa wara, o kpeɡri bwa ne dɛ́ ka puu yo. Wɛɛ lɔɔ ka tɔ harɛre ɡalɡa nɛra nɛɛ kɛŋɔ nee yon su dɛɛ kpɔ bobɛlbwa la ken, dɛ́ ba lɛ harɛre dɔɔh.

Maeka 2:4

Awola tɔpere la, ɡɛ wiile aa teŋa nɔɔ, baa ba kpɔe muɡli he baah ŋɔ, ‘Ya na waa kɛrɛdɛ. Korowii ɡelɔ ba lɛ ya harɛ, dɛ kpɔ yaa tɛ nɛnchɔɡa.’ ”

Jeremia 6:23

Ba kpɔ ba tori ne lampeare kpoŋe, ba nyu bini kpeɡri, baa nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo aa dɛ si la ken. Ba kpɔ ba te dɛ́ ba yo Jerusalam. Men Korowiirii bola.”

Jeremia 46:18

N ŋwɛɛrɔ kɛŋɔ men Koranar Bwa Kooro aa lole saŋ bɛlbwa nɔ, menee kooro. Gɛ Tabɔ Bwejen aa jaŋa ɡwaa bwejena bwa asɛ Kaamɛl Bwejen ɡe do jaŋne che mpo nyoa la, ɡɛɛ nɛn waa ba yo heyaa la kpeɡri ɛɛ ba doe.

Jeremia 48:40

Waa Korowii aa dɛ bol laanee nɔ. “Hé na, mɛɛ ɡeloo dɔma lɔ ba tɔ Moab harɛ ta, kɛŋɔ kee yon le nyundua dɛ́ paɡri kena dɛ́ ba ta jal la ken.

Sekaria 6:1

N berɔ na wepila ane ɡe aa ɛ kwaa aa do kɛŋɔ torɔɡore anaarɛ a le ayaawa bwejena anɛ ane baah ta dɛɛ ba.