Jeremia 4:10 - mzwDBL

¹⁰ Anee men Jeremia ŋɔ, “Nemenɛ Korowii, he neɡre Jerusalam tena kohona. He ŋɔ baa dɔ deŋnesɔɔhnaa. Na ɡɛ kere aa jaɡɛ ba baŋa baa ba ba kpoora.”

Jeremia 4:10 Referans Kwoze

Jeremia 5:12

Korowii nɛra teŋe nyosone ŋɔ, “Waa yaa wobɛlbwa ɛɛ ba. Yaa wekpeɡa bɛlbwa nae ba. Laa bɛlbwa aa ya nɛɛ ba, a ba ɛ kɛŋɔ lɔr kpo yaa yá serewe.

Aesaya 37:35

Mɛɛ tɔ bwɛɛ nɔ ɡbemɡbee dɛ́ lɛo, n jirima ne nyoa maa baɡɛ n bonɔɔ Devid nomanta!”

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Tɔn Pɔɔl Aa Chwerɛ Rom Tena 1:26

Ba ken ɛɛ nomanta, Korowii ta ba waa tɛɛ ba, asɛ baa ɛ ba pɛla waa aa ɛ sihiih kohona. Ba haahna kwaraa ne baala aa chɔ kpa, ba ne ba dɔŋa haahnaa dɛɛ chɔ baa ne haah.

Tɔn Pɔɔl Aa Chwerɛ Rom Tena 1:24

Anomanta, Korowii ta ba waa tɛɛ ba, asɛ baa ɛ wedoŋa ba bambile aa lawa, dɛɛ chɔ baala ne haahna aa wola Korowii ŋwɛnɛ ta ɛɛ.

Ɛsekeɛl 11:13

N nyoa taa lɔ waa aa dɛ ba ba nɛɛ bala ta mɛɛ bol la, Bɛnaya bibaa Pɛlatea den chole sewɛ. Belaa n kpɔ sie pi harɛ, dɛ do lɔŋɔ lokua ne kohona ŋɔ, “Nemenɛ Korowii, amɔ he dɛ ba nɛra baa ka Israel harɛ bwa chɔɡa kwaraa kɛɛ?”

Wiile 2:21

Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.

Jeremia 32:17

“Nemenɛ Korowii, henee cheɡɛ he kpeɡri kohona ta dɛ ta nyundua ne harɛ. Wobɛlbwa aa kpeɡe tɛɛ.

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

Jeremia 8:11

Ba dɛ jaɡre n nɛra ŋwɛra dɛɛ liira kɛŋɔ a ɛ kure, anomanta, baa lii kɛ a ɛ sibeɡra. Dɛɛ bol ŋɔ, ‘Deŋnesɔɔhna, deŋnesɔɔhna,’ dɛ deŋnesɔɔhna bɛlbwa ɡe toole.

Jeremia 6:14

Ba na n nɛra ŋwɛra dɛ ŋɔ kuree. Dɛɛ bol ŋɔ, ‘Deŋnesɔɔhna lole,’ kɛ dɛ deŋnesɔɔhna bɛlbwa toole.

Jeremia 4:18

Juda tena, he we-ɛɛla ne he liiree ɡela anɔ bwa ba he nɛ. Deŋnetɛra aa chɛ heyaa laanee. A dɛ we kɛrɛdɛ. Na ɡɛ aa jo he bini.”

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

Aesaya 63:17

N Naa Korowii, ɛrɛɛ he ɡel ya kpaŋe ya laa sie kpɔ he ŋwɛnɛre ta nɔɔ? Ɛrɛɛ he ɡel ya ɛ deŋnekpeɡ, dɛ berɛ habɔɔ kpoe nɔɔ? Koh banɔ la baa dɛ tomɛ ne banɔ la baa ɛ he nɛra la waa dɛ́ ba ya be.

Aesaya 30:10

Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

Kaala 9:14

A laa ɡe aa, mɛɛ tɛr he ne he nomonome ne he nɛra deŋnee á ɡwaa kohona, ásɛ he jemɛ kɛŋɔ nomɛlbwa toole dɛ do kɛŋɔ men harɛ nɔ bwa ta.

Kaala 5:22

Belaa Mosis berɛ ka bɔɔ Korowii ŋɔ, “N Naa Korowii, ɛrɛɛ hɛɛ do he ɡbabir nɛra hɔhɔrɔwa ta ken? Anɔ waa he tom mɛ ba be kɛɛ?