Jeremia 39:16 - mzwDBL

¹⁶ “Ir la ka ŋɔ Itiopia te Ɛbɛd Mɛlɛk be ŋɔ men Koranar Bwa Kooro, Israel tena aa dɛ tomɔ la ŋɔ, ‘N dɛ ba ɡela wekpeɡa maa ŋɔa mɛɛ kpɔɔ ba ta bwɛjen nɔ nɛra nɛɛ la ba, wedɛɛɡa te laa. A ɡɛ saŋ telo aa, hɛɛ naa siwi nee.

Jeremia 39:16 Referans Kwoze

Daneɛl 9:12

He ɡelɔ waa he fa aa bola dawɛ ya nɛɛ kɛŋɔ, hɛɛ kpɔ deŋnetɛraa ba ya ne ya koranar nɛɛ la ɛ ɡɛ. Harɛ nɔ ta bwa, he ta nɛra deŋne tɛrɛ ɡɛ haa tɛr bwɛjen Jerusalam tena deŋne nɔ bwa.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Jeremia 36:31

Mɛɛ tɛr he ne he naanar dɛ he nomonome deŋnee, he wechɔɡa haa ɛa dɛ jo n nɛɛ la wa. He ne Jerusalam kɛɛ Juda tena bɛlbwa ta deŋne cheɡɛ dɛ no waa maa dɛ kah heyaa la, anomanta, mɛɛ kpɔ wekpeɡa maa ŋɔa mɛɛ kpɔɔ ba ta he nɛɛ laanee ba.’ ”

Jeremia 35:17

Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 26:20

Dɛ baa bɛl ɡe lole baa yerɔ Uria, o mɛɛ sɔne Sɛmaya dɛ le bwɛɛ Kiriat Jearim. O ɡe bol waa Korowii sɔn ta, waa aa dɛ ba bwɛjen nɔ ne harɛ nɔ ta bala, ɡɛ Jeremia fa aa bola la.

Jeremia 26:18

“Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Jeremia 26:15

Kɛ he jemɛ kɛŋɔ dɛ he kpo mɛ naa, he ne nɛra baa lɔ bwɛjen nɔ ta ɛɛ di bolchɔɡee, kɛŋɔ haa kpo nɛn waa wola wechɔɡa bɛlbwa ɛɛ. Kasinteŋ, Korowiirii tom mɛ ŋɔ ń ba kah heya.”

Jeremia 5:14

Anomanta, waa Korowii Waa Ɛ Koranar Bwa Kooro aa dɛ bol laanee nɔ, “Nɛra nɔ aa bol ɡɛ nomanta, n wobol maa kpɔ do he nyoa la ɛɛ doo kɛŋɔ nii ken. Ba ɡe ɛɛ doo kɛŋɔ daa nii aa dɛ fuah.”

Yela 92:11

N na n dɔma chola, dɛ no nyubinikpeɡ tena wii baa dɛ wi.

2 Webena 36:21

Anee ɡela waa Korowii aa cheɡɛ o keame Jeremia nɛɛ bol la ɛ kpela. O ŋɔ, “Harɛ la ɛɛ chɔɡoo, dɛ́ chɔ kɛ dimɡbia bene fifraanuanɛ baa wola won parɛ o ta.”

Jeremia 44:27

Korowii ŋɔ, “N sie lɔ ba be mɛɛ nyin ba dɛ chɔɡ, dɛ ɛɛ ba wedɛɛɡa te laa. Juu tena baa soɡe Ijipt harɛ ta la, laa ne lɔree dɛ́ kpoo ba ka tel kɛŋɔ ba bwa aa serewa.

Emɔs 9:4

A lole kɛŋɔ ba dɔma laɡ ba laa ta kaa bojaŋ harɛfale ta, mɛɛ ɡeloo bá kpoo ba laa ta. N siwi swɛɛ ba nɛ, ba wedɛɛɡa te waa laa, ba kpoora waa.”

Jeremia 40:3

asɛ taraken dɛ ɛ ɡɛ waa bola la. A ɡɛ waa nɔ bwa balɔ, dɛkalkɛ he ɛ nɛra wechɔɡa dɛ jo Korowii nɛ, dɛ vɛh o waa ta teŋa.