Jeremia 38:28 - mzwDBL

²⁸ Anomanta, ba laɡ mɛ do dea n do koodem dembaah bela ka tel tɔpere Babelɔn laa tena aa baa yo Jerusalam tena dɛ pɔ ba nɛ.

Jeremia 38:28 Referans Kwoze

Jeremia 39:14

tomɛ nɛra ŋɔ bá ka kpɔ mɛ le koodem dembaah bela ba. Ba kpɔ mɛ do Ahikam bibaa Gedalia, o ɡe mɛɛ aa ɛ Safan la nɔn ta, ŋɔ ó nyiŋi n nɛɛ kɛrɛdɛ dɛ́ tel n ne n bwɛ. Gɛɛ a do n berɛ ka so n nɛra bini.

Jeremia 37:21

Anomanta, Kooro Sedekia ɡelɔ ba do mɛ dea o dembaah bela. N lɔ bela, asɛ tɔpere bɛlbwa nɛra baa dɛ wɔɔ paanoo ɛɛ tɛ mɛ paanoo beŋkpoŋ, ka tel kɛŋɔ paanoo aa baa tonɛ bwɛjen la bwa ta.

Jeremia 38:13

asɛ ba tɛr mɛ le kɔlɔŋ la bini ŋwɛɛra la ne. Asɛ n den ka do dembaah bela nɛra la aa dɛ daah la.

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

2 Timoti 3:11

Fiiɡa baa fiɡ mɛ ne n wenaale maa naa Anteɔk, Ikooniam ne Lestra, n lawɛ bambile a bwa ta la, he jemɛ a bwa. Kɛ ya Dɔɔ la cha mɛ dɛ lɛɛ mɛ a ɡɛ waa la bwa ta.

Jeremia 33:1

Baa lawɛ men Jeremia do dea n ta do dembaah bela baa dɛ daah la, Korowii berɔ bol waa n be nɛɛtena ja ŋɔ,

Jeremia 37:20

Taraken n naa kooro, cheɡ deŋne dɛ́ no waa maa dɛ ba he bɔɔra nɔ dɛ́ ɛ tɛ mɛ. N dɛ soŋe kɛ he bɛ men kpɔ ka do dea Jonatan dem bela kpa. He ɛ ɡɛ naa, sewaa chɛ kɛ n den sewɛ.”

Jeremia 38:27

Ate, nomonome la bwa ba n be dɛ ba bɔɔ mɛ wa, asɛ n bol wobɛlbwa kooro aa do mɛ ŋɔ ń bol ba be la. Anomanta, ba ta wone ɛ wobɛlbwa kpa, dɛkalkɛ ba bini bɛlbwa ta waa n ne kooro aa bola la noɛ.

Jeremia 39:13

Anomanta, Nebusaradan waa chɔ nɛra baa dɛ daah kooro ne Nebusasban ne Nɛrɡal Saresa baa ɛ nomonjena, dɛ Babelɔn kooro nomonome la kabora

Jeremia 39:15

Gɛ saŋ baa laɡ mɛ do dea dembaah bela baa dɛ daah la, Korowii bol waa men Jeremia be ŋɔ,