Jeremia 36:3 - mzwDBL

³ Dɛ Juda tena no wekpeɡa maa dɛ nyin n kpɔ ba ta ba nɛɛ nɔ naa, ba ken ɛɛ charɛ ba liiree le ba wechɔɡa ta, ásɛ n kpɔ ba nyubinikpeɡ we-ɛɛla ne ba wechɔɡa kɛ ba.”

Jeremia 36:3 Referans Kwoze

Jeremia 18:8

dɛ ɡɛ harɛ nɛra la berɔ charɛ ba liire le ba wechɔɡa ta naa, amɔ te mɛɛ ɡeloo, dɛ́ nyiŋi wenaale n fe aa ŋɔa mɛɛ kpɔɔ ba ta ba nɛɛ la ta.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Ɛsekeɛl 12:3

Nɛwɛnyini bie, ɛ dɛ́ pa he laala bwa webaŋa nomɛlbwa siwi ta. Le bela kaa kɛŋɔ baa lawɛ dɛɛ kaa harɛfale ta he ka ɛ hɔɔh ken. Ba ɛ deŋnekpeɡ nɛra te, kɛ ba ken ɛɛ no a munii.

Jeremia 26:3

Ba ken ɛɛ noo dɛ́ charɛ le ba wechɔɡa ta. Ba ɛ ɡɛ tenaa, mɛɛ charɛ n liiree chɔɡa n fe aa ŋɔa mɛɛ kpɔɔ ba ta ba nɛɛ laanee.”

Mmarare 30:2

Dɛ he ne he naanar berɔ ba Korowii haa dɛ tomɔ be, dɛ no o waa maa dɛ do heyaa fini nɔ ta he bambile bwa ne he hweera bwa ne naa,

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

2 Pita 3:9

Korowii aa o nyobaɡa ta too, ɡɛ bane aa dɛ lii kɛŋɔ Korowii biɡri o nyobaɡa waa baɡa ŋɔ ya Dɔɔ Yeesu ɛɛ bao la. Bambilee o dɔ tɛ heya, dɛkalkɛ waa nyin kɛ nomɛlbwa chɔɡ ta. O dɛ nyin kɛ nɛra bwa charɛ ba liire dɛ́ le ba wechɔɡa ta mɔɔ o ba.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

Amanesoma Mak Aa Chwera Tɔn 4:12

ásɛ a ɛ ɡɛ baa chwera ŋɔ, ‘Baa nyiŋuu kohona, kɛ baa a mun jema ba baa noo kohona, kɛ baa a jema ba, dɛkalkɛ baa ba liire chara ba bwa, ásɛ Korowii kpɔ ba wechɔɡa kɛ ba.’ ”

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Jeremia 18:11

Anomanta, ŋɔ Juda tena ne nɛra baa lɔ Jerusalam be ŋɔ kenii men Korowii ɛɛ bol, ‘Hé na, n dɛ ba ń kpɔ wenaale ane ba ta he nɛ, dɛ́ɛ vɔrɔwe he vɔrɔwa ɡe. Anomanta, bɛlbwa charɛ o liire dɛ́ ɡel o ŋwɛnɛre ne o we-ɛɛla do wer.’

1 Samoɛl 7:3

Asɛ Samoɛl ŋɔ Israel tena be ŋɔ, “Dɛ hɛɛ berɔɔ ba Korowii be dɛɛ nyinu he bambile bwa ne, dɛ́ laa he te kpɔ voɡa toma ne voɡhaahna Astɔrɛt nɛ, dɛ́ kpɔ he te tɛo dɛɛ tomɛ o ɡbo aa, wɛɛ lɛ heyaa le Filisti tena kpeɡri baa dɛ di he nɛɛ la taa.”

Mmarare 30:8

ásɛ he berɛ ba no Korowii waa maa kpɔa dɛɛ tɛ heyaa fini nɔ ta, dɛɛ teŋɛ o Mmarare la ta ja.

We-ɛɛla 28:27

Dɛkalkɛŋɔ nɛra nɔ bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire ásɛ n lɛɛ ba.” ’ ”

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

Amanesoma Luk Aa Chwera Tɔn 20:13

Belaa koo te la ŋɔ, ‘Ɛrɛɛ ń ɛ jaɔ? Mɛɛ tomɛ n bibeŋkpoŋ maa dɛ nyin o waa nɔɔ. O te ba nao baa heehroo!’

Matiu 13:15

dɛkalkɛ ba bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire, ásɛ n lɛɛ ba.’

Sefania 2:3

He nɛra haa pwɛr he te dɛ do harɛ nɔ ta, hé charɛ he liire dɛɛ no Korowii wa. Hé ɡel he waa toɡre, dɛ́ ba he te ne harɛ o sie, o ken ɛɛ lɛ heyaa, waa wola he deŋnee tɛr kpa, awola o bwaawee aa ir nɛra nɛɛ la.

Ɛsekeɛl 18:23

He dɛ lii kɛ n sie dɛ lɛ wechɔɡ-ɛɛ seo ta kɛɛ? Akai, n sie aa a ta lɛ. Ó le o wechɔɡa ta, dɛ́ dɔ o nyuu mɛɛ nyin.

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Aesaya 6:10

Korowii berɔ ŋɔ n be ŋɔ, “Ka ɡel nɛra nɔ bambile do kpeɡri, tɔɔɡe ba deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ba bambile lawa, bá berɛ ba n be ń lɛɛ ba.”

Nehemia 1:9

kɛ dɛ he berɔ ba n be dɛ ba teŋɛ waa maa dɛ do heyaa a ta tenaa, hale dɛ ba lawɛ heyaa laa ta kaa bojaŋ harɛ jaɡa kwaraa naa, mɛɛ boa he nyoaa, dɛ́ lawɛ heyaa ba bela maa lea cheɡ ŋɔ baa tom mɛ la.’

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Yela 139:24

Nyiŋi dɛ na kɛ wechɔɡa ane lɔ n bini, dɛɛ tɔ n sie ŋwɛnɛdɛɛɡe ta, saŋ bɛlbwa.