Jeremia 36:10 - mzwDBL

¹⁰ Gemaria mɛɛ Safan waa ɛ koodem karake dea belaa Baruk che dɛ kure waa bwa maa bol o be o chwerɛ do tɔn bini la. O dea la lɔ nyunduabɔr dɛ bɛne Korowii Dea doonyoa bɛl baa dɛ yerɔ Doonyofale la bɔr.

Jeremia 36:10 Referans Kwoze

Jeremia 36:11

Mikaya waa ɛ Gemaria bibaa dɛ ɛ Safan naa, no Korowii waa bwa aa lɔ tɔn la bini,

Jeremia 52:25

Ba bini banɔ la baa ka bwɛjen la bini la, o lawɛ nomoa waa chɔ laa tena nyoa ne nɛra banuanɛ baa dɛ ja kooro la. Dɛ lawɛ laa nomoa la nɛn waa dɛ chao dɛ chwerɛ waa dɛɛ bil, dɛ laa tena fifraanumɛl baa jaa dɛ do bwɛɛ la bini.

Jeremia 26:10

Juda nomonome aa no ɡɛ waa nɔ la, ba le koodem bela dɛ la Korowii Dea, dɛ ka che ba chebɔra doonyoa bɛl baa dɛ yerɔ Doonyofale la ta.

Jeremia 36:25

A lole kɛŋɔ Ɛl Netan ne Delaya dɛ Gemaria soŋe kooro la ŋɔ o bɛ tɔn la fuh, kɛ o ta ba be noɛ.

2 Samoɛl 8:17

asɛ Ahitub bibaala Sadɔk ne Abiata bibaala Ahemɛlɛk ɡe ɛ sɔfore, asɛ Seraya ɡe ɛ ba karake waa chwerɛ waa dɛɛ do tɔne bini.

Jeremia 36:8

Gɛɛ a do Baruk kure Korowii waa waa chwera do tɔn bini la Korowii Dea bela, ɡɛ maa bol o be la.

Jeremia 36:6

anomanta, ir la bela awola tɔpere baa dɛɛ vɔwɛ nyoa la, ásɛ dɛ kure tɔn la bini waa maa ɡela he chwerɛ do tɔn bini la bwa baɡle ba. Kura baɡle Juda tena baa le ba bwɛɛre ta ba la bwa.

Jeremia 35:4

dɛ ba ba ne Korowii Dea bela. N laɡ ba jo Iɡdalia bibaa Hanan waa ɛ Korowii keame, ne o habɔteŋra dea. Gɛ dea nɔ lɔ Salum bibaa Maaseya dea nyunduabɔr, dɛ Salum dɛ daah Korowii Dea doonyoa, asɛ nomonome la bini bane ɡe baa jaa kwaa teŋɛ.

Jeremia 29:3

Men Jeremia kpɔ tɔn maa chwera la do Safan bibaa Elasa ne Hilkia bibaa Gemaria, Juda Kooro Sedekia aa laɡ ba tɛ Babelɔn Kooro Nebukadnesa la nɔn ta. O bini waa nɔ,

Jeremia 26:24

Kɛ ane a bwa, men Jeremia te dɔ n nyu di, dɛkalkɛ Safan bibaa Ahikam cha mɛ o ta ɡelɛ ba laɡ mɛ tɛ nɛra la ba kpo mɛ.

2 Koranar 18:37

Ate, Eliakim ne Sɛbna, dɛ Joa kɛɛ ba laala, a baɡle kɛ ba loo kuu, dɛ la Kooro Hɛsɛkea be, dɛ ka bol waa Asiiria koojen laa sitɔɔ la aa bola la o be.

2 Koranar 15:35

O ta voɡa baa kpoo kwaa a ta dɛ ɛ sarahare dɛɛ fuh daawiile a ta la chɔɡɛ. Nɛra teŋɔ kpoo kwaa ɛ sarahare dɛɛ fuh konsɔɔhsoma a ta. Kooro Jotam berɔ kwaa ma Korowii Dea doonyoa baa dɛ yerɔ Weekaŋle Nyundua Doonyoa la.

2 Samoɛl 20:25

Sɛva ɛ kɔɔto karake, asɛ Sadɔk ne Abiata ɛ sɔfore,

1 Koranar 6:36

Korowii Dea la sie la, o ɡelɔ ba ma dembaah, dɛ ɡel ba kpɔ bwea baa sɛah ma danjwɛɛ baro. Ba kpɔ bwea atoro ma chɔŋɛ aa, dɛ ba kpɔ dola dawɛ a ta.

Jeremia 43:3

Nɛrea bibaa Baruk doe ŋɔ hé kpɔ yaa do Babelɔn tena nɔn ta, ásɛ ba kpoo yaa kɛɛ dɛ́ lawɛ yaa kaa bojaŋ harɛfale ta Babelɔn.”

Ɛsekeɛl 40:38

Dea bɛl pɛl bela baa cheɡa dɛɛ jo, doonyoo aa lɔ dem waa lɔ bini la bɛlbwa, belaa baa yaɡle saraha kwaa baa dɛ fuah la.

2 Koranar 22:3

Kooro Josia aa di kora bene fi dɛ anuatoro ta la, o tomɛ o koodem karake baa dɛ yerɔ Safan Korowii Dea. O mɛɛ sɔne Asalia, o nabaa sɔne Mɛsolam. O ŋɔ Safan be ŋɔ,