Jeremia 34:17 - mzwDBL

¹⁷ Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.

Jeremia 34:17 Referans Kwoze

Matiu 7:2

dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Galaasia 6:7

He bɛ he te dɛɛ neɡre. Haa jemɛ kɛ baa Korowii neɡre kɛɛ? Kwaa nɛn aa dua la, anee wɛɛ komɛ.

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Daneɛl 6:24

Ate, Kooro Dareɔs ɡel ba ka kpɔ nɛra baa haŋɛ Daneɛl nyoa la ba tɛo, asɛ o ɡel ba kpɔ ba ne ba haahna, ne bii bwa ka do nyujentena bɔɔ la bini. Baa wola bɔɔ la mun ta tele mɔɔ kwara la, dɛ nyujentena la toɡri ba bini, dɛ paɡre ba hoɡa bwa.

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 15:4

Mɛɛ ɡeloo harɛre nɛra bwa bambile teŋe ba wa, waa Juda Kooro Hɛsɛkea bibaa Manasɛ aa ɛa Jerusalam la wa.”

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Jeremia 32:36

Korowii Israel tena aa dɛ tomɔ ŋɔ n be ŋɔ, “Jeremia, nɛra nɔ dɛ bol ŋɔ laa ne lɔr dɛ weechɔɡa ɛɛ ɡeloo Babelɔn kooro ba yo yaa, dɛ́ pɔ ya nɛ, ásɛ ya do o lɔɡa. Berɛ no waa maa dɔa dɛ́ bol ja,

Jeremia 21:7

A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Mmarare 19:19

ate hé ɛ dansewea te la ɡɛ o fe aa dɛ nyin kɛ ba ɛ o dɔŋ la, ásɛ dɛ laa wechɔɡa la kpɔ le he bini.

Jeremia 34:8

Korowii berɔ bol waa men Jeremia be, ɡɛ saŋ Kooro Sedekia ne Jerusalam tena bwa aa fɔwɛ fɔo, dɛ tɛ yoma bwa ŋwɛnɛ ŋɔ bá di ba nyu,

Jeremia 38:2

“Waa Korowii aa dɛ bol laanee nɔ. Nomɛlbwa waa so bwɛjen Jerusalam ta la, laa kɛɛ lɔr kɛɛ weechɔɡaa dɛɛ ba o kpoe. Kɛ banɔ la baa kpɔ ba te ka do Babelɔn tena lɔɡa la ɛɛ dɔ ba nyuu, baa wola sewɛ.”

Jeremia 29:17

kasinteŋ waa Koranar Bwa Kooro aa dɛ bol laanee kɛŋɔ, ‘Mɛɛ ɡeloo bá kpoo ba laa ta, ásɛ lɔr ne weechɔɡa ɡel ba serewe, dɛ́ ɡel bá ɛ kɛŋɔ fiɡ daa nɔna aa pɔah baa wola won dia la ken.

Jeremia 32:25

A lole kɛŋɔ a ka tama Babelɔn tena ba yo dɛ lawɛ yaa kaa. Kɛ ane a bwa, Nemenɛ Korowii, henee do mɛ ŋɔ ń yawɛ harɛ la nɛra baa di danseɛ la siwi ta.”