Jeremia 33:21 - mzwDBL

²¹ ɡɛɛ haa wola won chɔɡ fɔo n ne n bonɔɔ Devid aa fɔwa o do le la. O naa ɛɛ di koraa saŋ bɛlbwaa dɛɛ la. Gɛ tentenee n ne n sɔfore baa le Lewi dea ɡe fɔwɛ fɔo kɛŋɔ baa dɛɛ tom mɛ saŋ bɛlbwa, a ɡɛ fɔo la aa wola won chɔɡ bwa.

Jeremia 33:21 Referans Kwoze

Yela 89:34

Maa n ne o fɔo yaa fɔwa laanee chɔɡ, kɛɛ dɛ́ charɛ nyoa maa baɡɔ la beŋkpoŋ kwara.

2 Webena 7:18

amɔ te mɛɛ ɡeloo kora haa dɛ di Israel tena nɛɛ la che kiŋkiŋ saŋ bɛlbwa, ɡɛ maa baɡɛ he mɛɛ Devid nyoa ŋɔ, ‘He naanaree dɛɛ ba Israel tena nɛɛ nyiŋa saŋ bɛlbwa,’ la.

2 Webena 21:7

Dɛ Korowii aa nyin kɛŋɔ o chɔɡ Kooro Devid dem kora, dɛkalkɛ o ne Devid fɔwɛ fɔo o baɡɔ nyoa ŋɔ o naanar ɛɛ di kora saŋ bɛlbwaa dɛɛ la.

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

Wepila 5:10

dɛ ɡel ba ɛ N Naa Korowii Kora nɛra, ne o sɔfore dɛɛ tomɔ, dɛ́ ba di kora harɛ nɔ bwa ta.”

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.

Jeremia 33:18

ásɛ sɔfore le Lewi dea dɛɛ tom mɛ n Dea saŋ bɛlbwa, dɛɛ fuh sarahare ne mea sarahare, dɛ́ kpɔ kwaa baa kpoora ɡe baa tɛ mɛ.”

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Yela 132:17

Mɛɛ lawɛ Kooro Devid naanar la bini bɛlee, dɛ́ cheɡo kora ta Saayɔn wɛɛ di kpeɡri, dɛ́ ɡel kooro maa leo cheɡ la jirima ɛɛ chaah, kɛŋɔ nii waa dɛ chaah saŋ bɛlbwa ken.

Yela 89:36

wɛɛ dɔ naanaree saŋ bɛlbwa, mɛɛ nyiŋi o harɛ taa ó che kiŋkiŋ saŋ bɛlbwa kɛŋɔ wee aa dɛ chaah saŋ bɛlbwa nɔ.

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.