Jeremia 33:10 - mzwDBL

¹⁰ Korowii ŋɔ, “Nɛra dɛ bol ŋɔ bonɔ do kɛŋɔ pua hɛŋle ɡbo harɛ, nɛra kɛɛ kondɛɛra toole o ta. Kpelaa ba ŋɔ. Juda harɛ bwɛɛre ne Jerusalam fɔɡbaahna bwa chɔ pɛɛ, nɛra kɛɛ kondɛɛra toole bela. Kɛ hɛɛ berɔɔ baa no,

Jeremia 33:10 Referans Kwoze

Jeremia 32:43

Ba dɛ bol ŋɔ harɛ nɔ ɛɛ doo kɛŋɔ pua hɛŋle ɡbo harɛ, ásɛ nɛra kɛɛ kpɔɡ bini ola aa wola won so o ta, ásɛ ba kpɔ do Babelɔn tena nɔn ta. Kɛ baa berɔ yawɛ kooni bonɔ ja.

Ɛsekeɛl 37:11

Ate, Korowii ŋɔ n be ŋɔ, “Nɛwɛnyini bie, Israel tena bwa do kɛ hoɡa nɔ. Ba dɛ bol ŋɔ ya hoɡa bwa loɡao, ya ta hwɛɡa bɛlbwa dɔe, ya toole wobɛlbwa bini.

Jeremia 32:36

Korowii Israel tena aa dɛ tomɔ ŋɔ n be ŋɔ, “Jeremia, nɛra nɔ dɛ bol ŋɔ laa ne lɔr dɛ weechɔɡa ɛɛ ɡeloo Babelɔn kooro ba yo yaa, dɛ́ pɔ ya nɛ, ásɛ ya do o lɔɡa. Berɛ no waa maa dɔa dɛ́ bol ja,

Lewi Dea Tena 26:32

Gɛ maa chɔɡ harɛ la ɛɛ ɡeloo he dɔma baa ba so o ta la bambile chɔɡ kohona.

Jeremia 26:9

Ɛrɛɛ he che Korowii sɔn ta dɛɛ bol ŋɔ Dea nɔ ɛɛ doo kɛŋɔ Silo, ásɛ bwɛjen nɔ ɡe chɔɡ, nɛra aa wola o taa so kpa nɔɔ?” Ate, nɛra la bwa den ba bar men Jeremia Korowii Dea bela.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Haɡae 1:4

O ŋɔ, “N nɛra, ɛrɛɛ he te so dedɛɛɡa bini asɛ n Dea ɛ dimɡbee nɔɔ?”

Yela 85:7

N Naa Korowii, chaɡle he nyina aa wola jaɡa dɔe la ya nɛ, ásɛ dɛ lɛ yaa.

Yela 147:13

Onee ɡela bune baa kpɔa dɛɛ karɛ he ɡbeni do kpeɡri, dɛ swee andɛɛɡa dɛɛ tɛ he nɛra baa soɡe he bini.