Jeremia 32:33 - mzwDBL

³³ Ba berɛ habɔɔ kpo mɛ, a lole kɛŋɔ n teŋɔ dɛɛ baɡ ba n waa la, kɛ baa deŋne cheɡ dɛ́ no n be, ásɛ dɛ hweli.

Jeremia 32:33 Referans Kwoze

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Jeremia 2:27

He dɛ yerɛ daa, ‘N dɔɔ,’ dɛ ŋɔ bwe ɡe be ŋɔ, ‘Henee lol mɛ.’ He berɛ habɔɔ kpo mɛ, kɛ dɛ waane baa puu heyaa tenaa he yon ŋɔ, ‘Korowii, ba dɛ́ ba lɛ yaa!’

Amanesoma Jɔn Aa Chwera Tɔn 8:2

Bɔr aa dɛ chaah chɔmbibi la, o berɛ kaa Korowii Dea. Belaa nɛnlaa ba o be dɛ ba baro cheme, asɛ o so harɛ dɛɛ chaɡ ba Korowii Wa.

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Jeremia 26:5

ásɛ dɛɛ no waa n bonɔɔna baa ɛ n keamere maa tom ba he be keraŋwɛnɛ bwa la be. Kɛ ane a bwa, he ta waa maa cheɡɛ ba nɛ dɛ bol he be la ta teŋɛ.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.

Hosia 11:2

Kɛ maa teŋa dɛɛ yerɔ la, dɛ ɡɛɛ o teŋɛ dɛ jo dɛɛ kaa. N nɛra kpoo kwaa tɛ voɡa Baalre, dɛ fuh daawiile a sɔɔh aa soma tɛ voɡa.

Jeremia 44:4

Keraŋwɛnɛ bwaa n tomɛ n bonɔɔna baa ɛ n keamere he be, ba bol he be ŋɔ he bɛ wedoŋa aa do ken maa kia nɔ ɛ.

Jeremia 18:17

Gɛ peu yon ta le wee leebɔr la, ɡɛɛ mɛɛ ba ba lɔe peɡre ba dɔma sie. Ba wenaale tɔpere ta la, mɛɛ berɛ habɔɔ kpo ba, maa n sie berɛ dɛ́ cha ba.’ ”

Job Tɔn 35:11

Onee dɛɛ baɡle yaa waa dɛ ɡwaa ɡɛ waa dɛ baɡle kpɔɡ bini ola, dɛ ɡel ya dɔ wejema ɡwaa jumbii.’

Jeremia 35:13

“Ir la ka ŋɔ baala baa lɔ Juda ne Jerusalam be ŋɔ, ‘Amɔ haa waa hweli ásɛ dɛɛ teŋɛ men Koranar Bwa Kooro, Israel tena aa dɛ tom mɛ waa ta naa?

Ɛsekeɛl 23:35

Kenii men Nemenɛ Korowii ɛɛ bol hen Oholiba be. Haa soh n waa dɛ berɛ habɔɔ kpo mɛ nomanta, hɛɛ dɔ deŋnetɛra he pɛlchɔɡa ne he jwamane la waa.”

Jeremia 7:28

Anomanta, ŋɔ ba be ŋɔ, ba harɛ nɛra aa men Korowii baa dɛ tom mɛ waa ta teŋɛ kɛɛ dɛ hweli waa ane le ba deŋnetɛra ta. Kasinteŋ toole kpa. Baa a waa bol kpa kwara.