Jeremia 32:20 - mzwDBL

²⁰ A saŋ la, he ɛ nyokpowaa Ijipt harɛ ta, he ta teŋɔ dɛɛ ɛa dɛ ba le fini. Israel ne harɛre nɛra bwa bini, a ɡel nomɛlbwa jemɛ he waa bobɛlbwa.

Jeremia 32:20 Referans Kwoze

Nehemia 9:10

He ɛ nyokpowe-ɛɛla baɡle Ijipt kooro, ne o nomonome dɛ harɛ la tena bwa. Dɛkalkɛ he na ɡɛ baa fiiɡi he nɛra, dɛ lɛ sɔn o ta chɔ le ba le fini.

We-ɛɛla 7:36

Mosis ɛ nyokpowaa Ijipt harɛ ta mɔɔ dɛ kpɔ o nɛra le bela, dɛ ɛ nyokpowaa Mposwɛm la ta bene fifraanaarɛ baa dia pua hɛŋle ɡbo harɛ ta la bwa ta.

Daneɛl 9:15

N Naa Korowii yaa dɛ tomɛ, henee cheɡɛ he kpeɡri ta lɛ he nɛra le Ijipt harɛ ta, dɛ lɛ sɔn tɛ he te a ta chɔ le ba le fini, kɛ ya ɡarɔ ɛ wechɔɡa kohona.

Yela 135:9

O ɛ nyokpowaa Ijipt tena bini, dɛ tɛr Ijipt kooro ne o nomonome bwa deŋne.

2 Samoɛl 7:23

Harɛ bɛlbwa nɛra toole dɛ do kɛŋɔ he nɛra Israel tena, harɛ beŋkpoŋ nɛra hen Korowii aa lɛɛ ba le wenaale ta Ijipt harɛ dɛ kpɔ ba ɛ he nɛra la. Wejena ne nyokpowe-ɛɛla haa ɛa tɛɛ ba la bwa ɡelɔ he dɔ sɔn harɛ nɔ ta bwa. He berɔ doŋi harɛre ane nɛra ne ba voɡa le ba sie.

Kaala 10:2

ásɛ kerekere he bol baɡle he bii ne naanar ɡɛ maa do Ijipt tena sibeɡra dɛ ɛ nyokpowe-ɛɛla la, ásɛ ba jemɛ kɛŋɔ menee Korowii.”

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Aesaya 63:12

Korowii aa cheɡɛ o kpeɡri ta dɛ ɡel Mosis ɛ wejena mpo teŋe la, o lɛ sɔn waa wola jaɡa dɔe.

1 Webena 17:21

Harɛ bɛlbwa nɛra toole dɛ do kɛŋɔ he nɛra Israel tena. Harɛ beŋkpoŋ nɛra hen Korowii aa lɛɛ ba le wenaale ta Ijipt harɛ, dɛ kpɔ ba ɛ he nɛra la. Wejena ne nyokpowe-ɛɛla haa ɛa tɛɛ ba la bwa ɡelɔ he dɔ sɔn harɛ nɔ ta bwa. He berɔ doŋi harɛre ane nɛra le ba sie.

Mmarare 7:19

Hé lii hɔhɔrɔwa ne nyokpowaa ne kpeɡri, ne bokpeɡa Korowii haa dɛ tomɔ nɔ aa kpɔa ɛ Ijipt tena dɛ lawɛ heyaa le la. Gɛ tentenee wɛɛ ba nɛra haa dɛ ɔm ba taraken nɔ ɛɛ.

Mmarare 6:22

Ya siwi ta, Korowii ɡelɔ nyokpowaa ne wejena aa do ɔma kohona chole Ijipt harɛ ta, ne kooro ne o dem tena bwa nɛ.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Kaala 7:3

Kɛ mɛɛ ɡeloo kooro la deŋne do kpeɡri dɛ bɛ he be no, ásɛ dɛ n ɛ nyokpowaa kohona harɛ la ta kwaraa naa, waa he bee no.

Kaala 3:20

Anomanta, mɛɛ che n kpeɡri taa dɛ́ ɡel Ijipt tena na n nyokpowe-ɛɛla maa dɛ́ ba ɛɛ ba bini la, mɔɔ ó ɡel he kaa.

Aesaya 63:14

Gɛ ba yon teɡɛ nae kaa deŋɡarere dor harɛ waa chɔa kaa ta a yon ka onɛ la, ɡɛɛ Korowii tɛ o nɛra ona. O tɔ o nɛra sie o sɔn dɔ jirima.

Jeremia 13:11

Gɛ ba yon kpɔ kiriso vɔwɛ chara la, ɡɛɛ n lawɛ Israel ne Juda tena vɔwɛ n te. Ásɛ ba fe ɛ n nɛra, dɛ́ kpɔ kpɛɛra ne duure tɛ mɛ. Kɛ ba vɛh n waa noe. Men Korowiirii bola.”

Mmarare 11:3

dɛ nyokpowaa waa kpɔa ɛ Ijipt kooro ne harɛ la bwa nɛra.

Nehemia 9:11

He ɡelɔ ŋwɛnɛ chɔ mpo bini tɛ he nɛra, dɛ tɔ ba sie ba valɛ harɛ waa hola ta. He ɡelɔ ba dɔma baa dɛ ti ba ka nee la ta, kɛŋɔ baa kpɔ bwe ta mpo vil ta ken.

Daneɛl 6:28

Daneɛl wobɛlbwa wer tɛo ɡɛ saŋ Koojen Dareɔs aa soɡe kora ta, ne ɡɛ saŋ Pɛɛsea Kooro Saeros aa di kora.